Sakalia 11:8 - Tosi Tapu

⁸ Na kau kapu loa a tagata tausi ovi e toka tolu i le masina e tasi. Ti na oki a ia, na oki loa le kataki o loku loto kia latou, ti na toe vesia foki olatou loto kiate au.

Sakalia 11:8 ပူးပေါင်းရင်းမြစ်များ

Uluaki tosi o Sau 11:25

Na liliu loa Lesone ko le fili o Iselaele i le mauli katoa o Salomone, i le temi foki leia na fakavelivelii ai e Atate a Iselaele, ti na lasi ai lona vesia ki Iselaele. Na pule loa a ia i Silia.

Pesalemo 106:40

Na ula loa le sausau o le Eteleno ki lona kakai, Ti na fakalialia loa a ia ki lona tofiga.

Pesalemo 5:5

Talie e leaise ko se Atua a koe e maua lona fiafia i le veli ; E leaise maua e le tagata agaveli lona nofoaga i ou tafa.

Pesalemo 78:9

Ko vosa o Efalaimi, ala na too masafu tau ti na faikalolo, Na sosola loa i le aso o le tau.

Esaia 49:7

Koia e pati ai le Eteleno, le fakamauli, le Sagato o Iselaele, Ki leia e vesiainai, leia e fakalialia ki ai le kakai, Ki le tagata popula a le kau makeke : E tio loa ni sau kiate ia, ti e lotou tutuu loa ki aluga ; E tio foki ni aliki kiate ia, ti e lotou punou loa i ona mua, O tupu ko le Eteleno, leia e agatonu, O tupu ko le Sagato o Iselaele, leia na filifili ia a koe.

Selemia 12:8

Na fai loku tofiga kiate au pe se laione i le vaomatua, Na itaita a ia kiate au ; Koia leia na kau vesia ai kiate ia.

Selemia 14:21

Aua na ke fakalialia kia matou, o tupu ko lou suafa, Aua na ke tuku ke kelekele le ekeekeaga fakasau o lou kololia ! Aua na galo iate koe, aua na ke motusi lau sai mo matou !

Selemia 6:30

E fakaigoa latou ko se siliva veli, Talie kua tiaki latou e le Eteleno.

Esekiele 14:5

O tupu ke maua i olatou loto totonu latou o le fale o Iselaele ala kua fakamamao iate au mo olatou taulaatua fuli.

Esekiele 16:45

Ko le taine a koe o lou tinana, leia na tiaki ia lona avaga mo ana fanau ; ko le taina a koe o ou fetaina, ala na tiaki ia olatou avaga mo olatou fanau. Ko lokoutou tinana ko se fafine Eti, ti ko lokoutou tamana ko se tagata Amole.

Oseo 4:6

Kua maumau loku kakai, talie e puli iate ia loku iloa. O tupu na ke tiaki loku iloa, E kau tiaki loa a koe, ti e too loa iate koe laku tuulaga fakapelepitelo ; O tupu na ke galoi le lao o lou Atua, E kau galoi loa au fanau.

Oseo 5:7

Na leaise lotou agatonu ki le Eteleno, Talie na lotou fanaui ni toe vao ; I le lakaga nei, ko se masina fai e tasi e feauga ke maumaui ai latou mo olatou nea malilie.

Oseo 9:15

E sa lalatou agaveli fuli i Kilikale ; Ko le ganea lena na kau fakalialia ai kia latou. O tupu ko le veli o alatou gaoi, E kau kapu loa a ia i loku fale. E leaise kau toe alofa loa kia latou ; Ko olatou pule fuli ko ni kau agatuu.

Levitiko 26:11

E kau fakatuu loa loku nofoaga i loto malie o koutou, ti e leaise vesia loa loku laumalie kia koutou.

Levitiko 26:30

E kau maumaui loa okoutou ganea tapu, e kau maumaui loa okoutou aletale tutu kaloni, e kau tanaki loa okoutou mate i aluga o okoutou taulaatua.

Levitiko 26:44

Kae, kapau e lotou nonofo loa i le fenua o olatou fili, e leaise kau tiaki oki loa latou, ti e leaise kau vesia oki loa kia latou o kaku ki laku fakapuli oki loa latou, o kaku ki laku tuuti oki loa laku sai kia latou ; talie ko au ko le Eteleno, ko lolatou Atua.

Luka 12:50

E i ai se papitema leia e tonu ke kau papitema ai, ti e kau loto ke fai ti ke soko mai la !

Luka 19:14

Kae na vesia le kakai o lona fenua kiate ia, ti na lotou kakau loa ni fakafofoga i ona muli ke ano, o pati : E leaise motou loto ke sau le tagata lena kia matou.

Soane 15:18

Kapau e vesia le malama nei kia koutou, kotou iloa na uluaki vesia a ia kiate au ia koutou.

Soane 7:7

E leaise feala ke vesia le malama nei kia koutou ; kae e vesia a ia kiate au, talie e kau fakamaoki kiate ia e veli ana gaoi.

Tetelonome 32:19

Na tio loa le Eteleno ki le nea lena, ti na logoi loa e ia le vesia, O tupu kua gologolo kiate ia ona vosa mo ona taineliki.

Epelo 10:38

Ti e mauli loa laku tagata agatonu i le tui. Kae kapau e solomuli a ia, e leaise fiafia loa loku laumalie iate ia.