Sakalia 11:7 - Tosi Tapu

⁷ Ti na kau kamata fagai loa le kau ovi leia na tonu ke ave ki le fale tamate manu, latou ala na fakaaloalofa lasi i le kau manu. Na kau too loa a tokotoko e lua : Na kau fakaigoa le tasi ko KALASIA, ti na kau fakaigoa le tasi ko FAKATASI. Ti na kau fagai loa le kau ovi.

Sakalia 11:7 ပူးပေါင်းရင်းမြစ်များ

Pesalemo 23:4

Ka kau saele i le vaivailiua o le malu o le mate, E leaise kau i fua ki se nea veli, talie e ke nofo mo au : Ko lou tokotoko mo lou malomu e fakafimalie ia au.

Pesalemo 27:4

E kau kole ki le Eteleno le nea e tasi, leia e kau oli mamae ki ai : E kau loto ke kau nofo i le fale o le Eteleno i loku mauli katoa, O tio ki le malie o le Eteleno Ti mo afa lona finegalo i lona fale tapu.

Pesalemo 90:17

Ke nofo ia tatou le kalasia o le Eteleno, lotatou Atua ! Fakamakeke le gaoi o omatou lima ; Io, fakamakeke le gaoi o omatou lima !

Esaia 11:4

Kae e fakamaau loa e ia le kau mativa i le maoki, Ti e tuku loa e ia se fakamaau totonu ki le kau fakaaloalofa o le malama nei ; E taai loa e ia le malama nei ki lana folafola ofaipe lana taai ki se laakau, Ti e tamate loa e ia le tagata agaveli ki le tukumanava o lona gutu.

Esaia 40:11

Ofaipe se tagata tausi manu, e fagai loa e ia lana kau manu, E too loa e ia a akeno i ona lima, Ti e luluku loa e ia latou i lona fatafata ; E taki loa e ia a ovi fafine ala e fakau olatou uviki.

Esaia 61:1

E iate au le Laumalie o le Aliki, le Eteleno, Talie na fakanofo au e le Eteleno ke ave ia ni logo malilie kia latou e mativa ; Na kakau e ia au ke fakamauli latou e loto fatifati, Ke fakasa ki le kau popula le lauatea, Ki le kau pilisoni le saofaki ;

Selemia 39:10

Kae na tuku loa e Nepusalatane, pule o le kau leo, i le fenua o Suta le kakai mativa, latou ala na leai salatou nea ; ti na soli loa e ia kia latou ni faisaga vite mo ni faisaga.

Levitiko 27:32

I pipi, mo ovi, mo koti, e fakamailoga loa le manu e tasi i manu e kau agafulu ke fakatapui a ia ki le Eteleno.

Mikea 7:14

Eteleno, fagai lou kakai ki lau laakau, le kau manu o lou tofiga, Leia e nofo toka tasi i le vaomatua i loto malie o le Kalemelo ! Ke lotou kai i Pasani mo Kalaate, Ofaipe aso o le temi mua.

Sofoni 3:12

E kau tuku loa i loto malie o ou se kakai agamalu mo mativa, Leia e maua loa lona mumuniaga i le suafa o le Eteleno.

Sakalia 11:14

Ti na kau fatii loa le lua o tokotoko, leia ko Fakatasi, ke motusi ai le pipiki fakatautaina a Suta mo Iselaele.

Sakalia 11:4

Koia e folafola ai le Eteleno, loku Atua, o pati : Fagai a ovi ala e fakatuutuu ki le fale tamate manu !

Mateo 11:5

Kua tio a kivi, kua saele a vae kito, kua mauli a kilia, kua logo a tuli, kua tuu ake a mate, ti kua fakasa le logo malie ki le kau mativa.

Maleko 12:37

Na fakaigoa a ia e Tavite totonu ko le Aliki ; pe feaki loa ke liliu a ia ko lona vosa ? Ti na fakalogo se kakai lasi kiate ia i le fiafia.

Soane 10:16

Koi i ai foki ni iki a ovi a aku, ala e leikiaise kau ki le lotoa ovi leinei ; e tonu foki ke kau aumai latou ; e lotou logo loa ki loku leo, ti e i ai loa se kau ovi e tasi, mo se tagata tausi ovi e tasi.

Sakopo 2:5

Kotou fakalogo mai, ei oku fetaina alofaina : Pe na leaise filifili e le Atua le kau mativa o le malama nei, ke lotou mou koloa i le tui, ti ke lotou maua tofiga le Puleaga leia na fakapapau e ia kia latou ala e alofa kiate ia ?

Uluaki tosi a Samuele 17:40

Ti na too loa e ia lana tokotoko i lona lima, ti na filifili loa e ia ni fa fatu momole e lima i le liua, o velo latou ki lana ga taga taupau manu, ki lona taga ikiiki. Ti na too loa e ia lana makamaka i le tasi a lima, o ano ki le Filisitini.

Uluaki tosi a Samuele 17:43

Na pati loa le Filisitini kia Tavite : Pe ko se kuli au ke ke au ai kiate au mo ni laakau ? Ti na tutukui loa e ia Tavite i ona atua,