Sakalia 11:6 - Tosi Tapu

⁶ Talie e leaise kau toe folafola loa ki le kakai o le fenua, E pati le Eteleno : Ti ko leinei, e kau tuku a tagata Ki lima o la ki la ti mo lima o lolatou sau. E lotou maumaui loa le fenua, Ti e leaise kau saofaki loa se tasi i olatou lima.

Sakalia 11:6 ပူးပေါင်းရင်းမြစ်များ

Pesalemo 50:22

Koia ke kotou tokaga ai, koutou ala e galoi ia le Atua, Ke aua na kau sae ia koutou, kae e leaise tasi ke saofaki.

Esaia 27:11

Ka malo a laa o laakau, e fati latou ; E au a fafine o tutu latou. E maoki ko se kakai sala atamai a ia : Koia na leaise alofa ai kiate ia leia na fakatupu ia a ia, Ti na leaise fakamolemole ai kiate ia leia na fau ia a ia.

Esaia 3:5

E fefakaveliveliaki loa le kakai ia latou ; E popula loa le tagata ki le tagata, ti e popula loa le tagata ki lona kaiga totonu. E fia nealasi loa le tama tupulaga ki le matua, Ti e fia nealasi loa le tagata noa ki le tagata mauiga.

Selemia 13:14

E kau fakafetege loa latou fuli ke mafaafaa, A tamana mo vosa fakatasi, e pati le Eteleno ; E leaise kau fakasao loa, e leaise kau alofa loa, e leaise kau manava alofa loa, E leaise taofi loa a au e se nea ke maumaui latou.

Tagi laulau a Selemia 2:21

Kua momoe a toe mo matua i le kele i ala ; Kua mamate oku taineliki taupoou mo oku tama tupulaga i le seleta ; Na ke tamate, i le aso o lou sausau, Na ke tamate sala alofa.

Tagi laulau a Selemia 5:8

Kua pule ni tagata popula kia matou, Ti e leaise tasi e saofaki ia matou i olatou lima.

Esekiele 8:18

Ko au foki, e kau gaoi loa o mulimuli ki loku sausau ; e leaise toe aloalofa loa loku mata, ti e leaise kau toe maua loa se manava alofa ; ka lotou tagi leo lasi loa ki oku taliga, e leaise kau fakalogo loa kia latou.

Esekiele 9:10

Ko au foki, e leaise kau toe aloalofa loa, ti e leaise kau toe maua loa se manava alofa ; kae e kau fakato loa alatou gaoiaga ki olatou ulu.

Oseo 1:6

Na toe tinae loa Komela ti na fanaui loa e ia se taine. Ti na pati loa le Eteleno kia Ose : Fakaigoa a ia ko Lolusama ; talie e leaise kau toe alofa loa ki le fale o Iselaele, ti e leaise kau toe fakamolemole loa kiate ia.

Oseo 2:10

Na leaise iloa e ia ko au leia na soli ia kiate ia le fulumeto, mo le vino, ti mo le lolo ; ti na momoli kia Paale le paaga mo le aulo leia na kau soli fakalasi kiate ia.

Mikea 5:8

Ke siki lou lima kia latou ala e fakafesagai kiate koe, Ti ke mamate ou fili fuli !

Mikea 6:14

E ke kai loa kae e leaise ke makona loa, Ti e nofo loa le fia kai iate koe ; E ke tanaki loa kae e leaise ke saofaki loa, Ti ko le nea leia e ke saofaki loa, E kau tuku loa a ia ki le seleta.

Akeseo 2:22

E kau maumaui loa le ekeekeaga fakasau o atu puleaga, E kau maumaui loa le makeke o atu puleaga, E kau maumaui loa a saliote tau mo latou ala e eke ai ; E tamate loa a osi mo tagata eke osi, Leia e le seleta a le leia ake.

Sakalia 11:14

Ti na kau fatii loa le lua o tokotoko, leia ko Fakatasi, ke motusi ai le pipiki fakatautaina a Suta mo Iselaele.

Sakalia 11:5

Ko latou ala e totogi ia latou e tamate fakavalevale ia latou, Ko leia e fakatau ia latou e pati : Ke fakafetai ki le Eteleno, talie kua kau mou koloa ! Ti e leaise saofaki latou e olatou tagata tausi manu.

Sakalia 11:9

Ti na kau pati loa : E leaise kau toe fagai loa koutou ! Ke mate le ovi leia kua tonu ke mate, ti ke motusi leia e tonu ke motusi, ti ke fekaiaki ia latou le toega !

Sakalia 14:13

I le aso lena, e fakatupu loa e le Eteleno se maveuveu lasi ia latou ; E too loa e leia le lima o leia, Ti e lotou siki loa le lima a la ki la.

Sakalia 8:10

Talie i mua o le temi lena, na leaise maua se fakapale o le gaoi a le tagata, ti na noa le totogi o manu ; na leaise tokamalie kia latou ala na ulu ki loto ti ulu ki fafo o le kolo, o tupu ko le fili, ti na kau tuku a tagata fuli ke lotou fetauaki ia latou.

Malakia 4:6

E toe aumai loa e ia le loto o tamana ki alatou fanau, Ti mo le loto o fanau ki olatou tamana, Ti ke aua na kau au o taai le fenua ki le malaia.

Mateo 10:21

E fakatau loa e le taina lona taina ki le mate, ti ko le tamana lana fanau ; e malaga loa a fanau ki olatou matua, o tamate latou.

Mateo 22:7

Na ita lasi ai le sau ; ti na kakau loa e ia lana kau solia ke ano o tamate le kau tukipo lena, ti mo tutu lolatou kolo.

Mateo 24:10

I temi ana e tiaki loa e le toka api le tui, ti e lotou fefolafolaaki loa mo fevesiaaki loa ia latou.

Soane 19:15

Kae na lotou kalaga leo lasi loa : Ke mate, ke mate, ke kulusifiko a ia ! Na pati loa Pilato kia latou : Pe kau kulusifiko loa lokoutou sau ? Na tali loa le kau pule faisakilifisio : Ko lomatou sau e tasi ko Sesale.

Uluaki tosi ki le kau Tesalonika 2:16

Ti e lotou ponopono matou ke aua na motou fakasa ki le kau pagani le folafola leia e fakamauli ai latou. O tupu ke fakakatoa ai alatou agasala. Kae e maua loa latou e le sausau o le Atua.

Epelo 2:3

e tou sao feaki loa mo kapau e tou fakanoai le saofaki lasi lena ? Na uluaki fakasa e le Aliki le saofaki lena, ti na fakamaoki a ia kia tatou e latou ala na logo totonu kiate ia ;

Sakopo 2:13

talie e sala manavaalofa le fakamaau ki leia na leaise manavaalofa ; kae e malo le manavaalofa i le fakamaau.