Sakalia 11:14 - Tosi Tapu

¹⁴ Ti na kau fatii loa le lua o tokotoko, leia ko Fakatasi, ke motusi ai le pipiki fakatautaina a Suta mo Iselaele.

Sakalia 11:14 ပူးပေါင်းရင်းမြစ်များ

Esaia 11:13

E puli loa le finenonofo o Efalaimi, Ti e tamate loa ona fili i Suta ; E leaise toe finenonofo loa Efalaimi kia Suta, Ti e leaise toe fili loa a Suta kia Efalaimi.

Esekiele 37:22

E kau fakaliliu loa latou ko se puleaga e tasi i le fenua, i mauga o Iselaele ; ti e lotou maua fuli loa se sau e tasi, ti e leaise lotou toe nofo loa ko ni kakai e lua, ti e leaise lotou toe vaelua loa latou i ni puleaga e lua.

Sakalia 11:6

Talie e leaise kau toe folafola loa ki le kakai o le fenua, E pati le Eteleno : Ti ko leinei, e kau tuku a tagata Ki lima o la ki la ti mo lima o lolatou sau. E lotou maumaui loa le fenua, Ti e leaise kau saofaki loa se tasi i olatou lima.

Sakalia 11:7

Ti na kau kamata fagai loa le kau ovi leia na tonu ke ave ki le fale tamate manu, latou ala na fakaaloalofa lasi i le kau manu. Na kau too loa a tokotoko e lua : Na kau fakaigoa le tasi ko KALASIA, ti na kau fakaigoa le tasi ko FAKATASI. Ti na kau fagai loa le kau ovi.

Sakalia 11:9

Ti na kau pati loa : E leaise kau toe fagai loa koutou ! Ke mate le ovi leia kua tonu ke mate, ti ke motusi leia e tonu ke motusi, ti ke fekaiaki ia latou le toega !

Mateo 24:10

I temi ana e tiaki loa e le toka api le tui, ti e lotou fefolafolaaki loa mo fevesiaaki loa ia latou.

Maleko 3:24

Kapau e mavetevete se puleaga o tau kiate ia totonu, e leaise mafai ke tuu makeke le puleaga lena ;

Kalate 5:15

Kae kapau e kotou feutiutiaki mo fekaiaki, kotou tokaga ke aua na kotou maumaui koutou.

Sakopo 3:14

Kae kapau e kotou maua i okoutou loto se oli kona mo se loto fefele, aua na kotou viki koutou, ti aua na kotou loi ki le maoki.

Sakopo 3:16

Talie ko le ganea leia e i ai se oli kona mo se loto fefele, e maua ai le maveuveu ti mo gaoi veveli kesekese fuli.