Sakalia 11:11 - Tosi Tapu

¹¹ Na motusi loa le sai i le aso lena ; ti ko ovi fakaaloalofa ala na tokaga kiate au, na fakamaoki loa i ai ki le folafola a le Eteleno.

Sakalia 11:11 ပူးပေါင်းရင်းမြစ်များ

Lua tosi o Koloniko 9:14

kae na leaise lau le aulo o tukusau mei le kau fai koloa, ti mo le aulo mo le siliva leia na aumai e sau o Alapia mo kovana o le fenua.

Pesalemo 69:33

E tio ki le nea lena le kau mativa, ti e lotou fiafia loa : Ke mauli okoutou loto, koutou ala e afa ia le Atua !

Esaia 14:32

Ti kolea ke tali loa ki tagata avelogo a le kakai ? Kua fakatuu e le Eteleno a Sione, Ti kua maua e le kau fakaaloalofa o lona kakai se mumuniaga i ai.

Esaia 40:31

Kae ko latou ala e fanaki ki le Eteleno e fakafoou lolatou makeke. E lotou toe malaga ki aluga o lele pe ni akuila ; E lotou makape, kae e leaise lotou kaekae ; E lotou saele, kae e leaise lotou gaegae.

Esaia 8:17

E kau amanaki malie ki le Eteleno, Leia kua tapono ia ona mata ki le fale o Sakopo ; E kau tuku laku fanaki kiate ia.

Selemia 32:8

Ti na au loa kiate au Anameele, vosa o loku tuatinana, o mulimuli ki le folafola a le Eteleno, i le malae o le pilisoni, ti na pati mai loa a ia kiate au : Totogi laku faisaga leia e tuu i Anatote, i le fenua o Pesamino, talie ko koe leia e tonu ke maua tofiga a ia ti e tonu ke totogi ia a ia, totogi a ia ! Na kau iloa loa ko le folafola a ia a le Eteleno.

Mikea 7:7

Kiate au, e kau maliu loa ki le Eteleno, E kau tuku loa laku amanaki malie ki le Atua o loku fakamauli ; E tali loa loku Atua ki aku kole.

Sofoni 3:12

E kau tuku loa i loto malie o ou se kakai agamalu mo mativa, Leia e maua loa lona mumuniaga i le suafa o le Eteleno.

Luka 19:48

kae na leaise lotou iloa pe feaki lona fakasoko, talie kua tokaga le kakai katoa ke fakalogo kiate ia.

Luka 2:25

Ti ko leinei, na i ai i Selusalemi se tagata na igoa ko Simeone. Na agatonu le tagata lena mo tausi malie ki le Atua, ti na talitali a ia ki le fakapelepeleaga o Iselaele, ti na iate ia le Laumalie Maokioki.

Luka 2:38

I lana kaku totonu mai i le ola lena, na fakafetai a ia ki le Atua, ti na masau a ia kia Sesu kia latou fuli ala na talitali ki le saofaki o Selusalemi.

Luka 23:51

ti na leaise kau a ia ki le nea leia na fakatuutuu ti mo fai e la ake tagata o le fono lasi. Na au a ia mei le kolo o le kau Sutea ko Alimatea, ti na talitali a ia ki le puleaga o le Atua.

Luka 7:22

Ti na tali loa Sesu kia laua : Kolua ano o fakamatala kia Soane le nea leia kua kolua tio mo logo ki ai : Kua tio a kivi, kua saele a kito, kua mea a kilia, kua logo a tuli, kua toe tuuake a mate, kua fakasa le logo malie ki le kau mativa.

Tetelonome 31:21

I le aso loa lena ka soko loa kiate ia ni malaia lasi mo ni mamae veli, e fakasa loa e le katiko lena ki le kakai leinei lona agaveli ofaipe se fakamaoki, talie e leaise toe galo loa a ia i le gutu o lona sakoga. E kau iloa a loto o le kakai leinei, ala foki kua kamata sa i le aso nei, kae e leikiaise kau fakaulu a ia ki le fenua leia na kau fakapapau ke soli kiate ia.

Tetelonome 31:29

Talie e kau iloa i le oki o loku mate e kotou fai loa ni nea fakalumaluma, ti e kotou maliu kese loa i le ala leia na kau fakasa kia koutou ; ti e soko loa kia koutou le malaia i temi ka au, ala e kotou fai ai loa le nea leia e veli ki mata o le Eteleno, ke tupu ai lona sausau kia koutou.