Sakalia 11:1 - Tosi Tapu

¹ Lipane, fakamavaa ou matapa, Ti ke kai e le afi ou sete !

Sakalia 11:1 ပူးပေါင်းရင်းမြစ်များ

Selemia 22:23

A koe leia e nofo i aluga o le Lipane, Leia kua fau lou ofaga i sete, E ke tagi mamae loa mo ka kaku atu loa kiate koe a mamae, Io, a mamae ofaipe la o se fafine fanau !

Esekiele 31:3

Ko leinei, ko Asilia ko se sete lasi o Lipane ; Na fulumalilie ona laa, Na matotolu ona lau, ti na taualuga a ia, Ti na fakalaka lona tumutumu i laakau fuli.

Apakuki 2:17

Talie e vilo loa kiate koe a agamakeke na fai ki Lipane, Ti e fakaii loa a koe e maumau a manu, O tupu na ke liligi le toto o ni tagata, Ti na ke fai ni agamakeke i le fenua, Ki le kolo mo lona kakai fuli.

Apakuki 2:8

O tupu na ke kaia ni puleaga mauke ai, E kaia loa a koe e le toetoega fuli o kakai ; Talie na ke liligi le toto o ni tagata, Na ke fai ni agamakeke i le fenua, Ki le kolo mo lona kakai katoa.

Akeseo 1:8

Kotou pale ki le mauga, kotou aumai ni laakau, Ti kotou laga le fale : E kau maua loa i ai loku fiafia, ti e kau kololia ai loa, E folafola le Eteleno.

Sakalia 10:10

E kau aumai loa latou mei le fenua o Esipito, Ti e kau fakatasi loa latou mei Asilia ; E kau aumai loa latou ki le fenua o Kalaate ti mo le fenua o Lipane, Ti e leaise feauga loa le fenua kia latou.

Sakalia 11:2

Ke ke tagi, sipele, talie kua siga le sete, Kua maumau latou ala na malaga ki aluga ! Ke kotou fetagisi, ulu sene o Pasani, Talie kua maumau le vaomatua leia na leaise mafai ke ulu i ai !

Sakalia 12:6

I le aso lena, e kau fakaliliu loa a pule o Suta Ke faipe se mata afi kaka i loto o se tuuga fafie, Pe se taume ulaula i se tuuga penu ; E lotou kai loa i le fetuu atamai mo le fetuu sema a kakai fuli ala e takatakai ia latou, Ti e nofo loa Selusalemi i lona nofoaga, i Selusalemi.

Tetelonome 32:22

Talie kua tutu le afi o loku sausau, Ti e mu loa a ia o kaku ki le tafito o le nofoaga o le kau mate ; E tutu loa e ia le kele mo ona nea fuli, E tutu loa e ia a tafito o mauga.