Sakalia 10:9 - Tosi Tapu

⁹ E kau veteki loa latou i atu puleaga, Ti e lotou manatui loa au i mamao. E lotou mauli loa mo alatou fanau, ti e lotou toe liliu mai loa.

Sakalia 10:9 ပူးပေါင်းရင်းမြစ်များ

Neemia 1:9

Kae kapau e kotou toe liliu mai kiate au, ti kapau e kotou tausi loa aku folafola mo kotou fai latou, pe kotou mavetevete foki o kaku ki potupotu o le malama nei, kae kau fakatasii loa koutou ti e kau toe aumai loa koutou mei lena ki le ganea leia kua kau filifili ke agai ai loku suafa.

Esitele 8:17

I le fenua taki tasi, mo le kolo taki tasi, ti mo ganea fuli ala na kaku ki ai le fakatotonu a le sau, na maua loa e le kau Sutea se fiafia lasi mo se nekenekea, ni kaitasi mo ni fakafiafia. Ti na liliu loa o Sutea se toka api i la ake kakai, talie na vilo loa kia latou le i ki le kau Sutea.

Esaia 44:21

Manatui a nea ana, ei Sakopo ! Ei Iselaele ! talie ko laku tagata fakasausau a koe ; Na kau gaoi a koe, ko laku tagata fakasausau a koe ; Iselaele, e leaise kau toe galoi loa a koe.

Esaia 64:4

E ke ano ki mua o leia e fai ia le faitotonu i le fiafia, Ki mua o latou ala e saele i ou ala ti e manatu kiate koe. Kae na ke ita, o tupu na motou agasala ; Ti e motou mamae i ai o fualoa o kaku ki le aso e fakamauli ai loa matou.

Esaia 65:23

E leaise lotou gaoi loa ki le noa, Ti e leaise lotou maua loa ni fanau ke tio ki lolatou mamate ; Talie e lotou liliu loa ko se lanu tapuakina e le Eteleno, Ti e nonofo loa alatou fanau mo latou.

Esaia 65:9

E kau fakasomo loa se sakoga ia Sakopo, Ti meia Suta se tasi ke maua ia oku mauga ; E maua loa e aku filifiliia le fenua, Ti e nonofo loa aku tagata fakasausau i ai.

Selemia 31:27

Ko leinei, e soko mai loa a aso, e pati le Eteleno, Ala e kau muluki ai loa se pulapula i le fale o Iselaele ti mo le fale o Suta, Ko se pulapula tagata mo se pulapula manu.

Selemia 51:50

Koutou ala na sao i le seleta, kotou ano, aua na kotou tuvai ! I le kele mamao, kotou manatu ki le Eteleno, Ti ke tuu Selusalemi i okoutou loto o lee gato !

Esekiele 6:9

Ko latou ala e sao loa e toe manatu loa kiate au I le lotolotoga o atu puleaga ala e lotou popula ai, Talie e kau fatifatii loa olatou loto sese mo patigataa, Mo olatou mata ala na faiaga ki olatou taulaatua ; E lotou fakalialia loa kia latou totonu, O tupu ko agaveveli ala na lotou fai, O tupu ko alatou aga fakalialia fuli.

Oseo 2:23

E folafola le Eteleno, o pati : I le aso lena, e kau tali loa, e kau tali loa ki le lagi, e tali loa e ia le kele ;

Amosi 9:9

Talie ko leinei, e kau tuku loa aku fakatotonu, Ti e kau lui loa le fale o Iselaele i lotolotoga o atu puleaga fuli, Ofaipe le lulu o le one i se tami, Kae e leaise vilo loa se tegai laakau e tasi ki le kele.

Mikea 5:7

E nofo loa le toega o Sakopo i lotolotoga o atu puleaga, I loto malie o ni kakai toka api, Ofaipe se laione i lotolotoga o manu o le vaomatua, Ofaipe se uviki laione i lotolotoga o kau ovi : Ka fakalaka a ia, e takatakafi e ia ti e sae e ia, Ti e leaise saofaki e se tasi.

Gaoi 8:1

Na loto malie Saulo ki le tamate o Setefano. Na i ai loa, i le aso lena, se fakaveliveli lasi ki le Ekelesia o Selusalemi ; ti na mavetevete loa le kakai katoa i le fenua o Sutea mo Samalia, kae nofo fai le kau apositolo.

Gaoi 8:4

Ko latou ala na fakamavetevete, na ano loa ki potu fuli, o fakasa le logo malie o le folafola.

Loma 11:24

Kapau ko koe, na tuuti a koe mei le oliveto vao, o mulimuli ki lou natula totonu, ti kua fakapipiki a koe, o fakafesagai ki lou natula totonu, ki le oliveto maalaala, e toe tasi ake loa le fakapipiki o latou, o mulimuli ki lolatou natula totonu, ki lolatou oliveto totonu.