Sakalia 10:7 - Tosi Tapu

⁷ E fai loa Efalaimi pe se tagata toa ; E maua loa e lolatou loto le fiafia leia e tuku e le vino ; E tio loa ki ai olatou vosa ti e lotou fiafia lasi loa, E fakavikiviki loa olatou loto ki le Eteleno.

Sakalia 10:7 ပူးပေါင်းရင်းမြစ်များ

Senesi 18:19

Talie kua kau filifili a ia o tupu ke fakatotonu e ia ki ona vosa mo lona fale i ona muli, ke lotou tausi le ala o le Eteleno, o fai le nea leia e totonu mo maokioki, o tupu ke fakasoko e le Eteleno kia Apalaamo a fakapapau ala na fai e ia kiate ia…

Senesi 43:34

Na fakatotonu loa e Sosefo ke tufa kia latou a nea kai ala na tuku i ona mua. Na lasi tua lima ake le vaega o Pesamino i ona fetaina. Na lotou inu loa, ti na lotou fakafiafia fakatasi loa mo Sosefo.

Pesalemo 102:28

Kae ko koe, e ke tatau aifuai, Ti e leaise toe gato loa ou fetuu.

Pesalemo 104:15

Le vino leia e fakafiafia ia le loto o le tagata, Ti mo le lolo leia ke fakagigila ia ona mata, Ti mo le pane leia ke fakamakeke ia le mafu o le tagata.

Pesalemo 13:5

O tupu ke aua na pati loku fili : Kua kau malo iate ia ! Ti ke aua na fiafia latou e agatuu mai kiate au, mo ka kau siga.

Pesalemo 28:7

Ko le Eteleno ko loku makeke mo loku paletau. Na fanaki loku loto kiate ia, ti na fakamauli e ia au ; Koia e fiafia lasi ai loku loto, ti e kau fakafetai ai kiate ia i aku sua.

Pesalemo 33:21

Talie e fiafia omatou loto iate ia, Ti e motou fanaki ki lona suafa maokioki.

Pesalemo 90:16

Ke sa lau gaoiaga ki au tagata fakasausau, Ti mo lou kololia ki alatou fanau !

Esaia 25:9

I le aso lena e pati loa : Ko leinei, ko lomatou Atua, leia e motou fanaki ki ai, Ti ko ia leia e fakamauli ia matou ; Ko le Eteleno leia e motou fanaki ki ai ; Ke tou nekenekea, ti ke tou fakafiafia i lana fakamauli !

Esaia 38:19

Ko leia e mauli, ko leia e mauli, ko ia leia e fakafetai kiate koe, O tatau mo au i le aso nei ; E fakailoilo e le tamana ki ana fanau lou agatonu.

Esaia 54:13

E liliu loa ou vosa fuli ko tisipulo a le Eteleno, Ti e lasi loa le manuia o ou vosa.

Esaia 66:14

E kotou tio loa ki ai, ti e fiafia loa lokoutou loto, Ti e toe maua loa e okoutou ivi se makeke ofaipe le laakau sesega. E fakasa loa e le Eteleno lona mafimafi ki ana tagata fakasausau, Kae e fakamamafa loa e ia lona sausau ki ona fili.

Selemia 32:39

E kau soli loa kia latou se loto e tasi, mo se ala e tasi, O tupu ke lotou i tuumau kiate au, Ti ke lotou manuia ai, ti ke manuia ai foki alatou fanau i olatou muli.

Esekiele 37:25

E lotou nofo loa i le fenua leia na kau soli ki laku tagata fakasausau ko Sakopo, ti na nofo ai okoutou tamana. E lotou nonofo loa i ai, latou, mo alatou fanau, ti mo fanau o alatou fanau, o lee gato ; ti e nofo loa laku tagata fakasausau ko Tavite ko lolatou sau o lee gato.

Soele 2:23

Ti ko koutou, fanau o Sione, kotou fiafia ti kotou nekenekea I le Eteleno, lokoutou Atua, Talie e tuku atu loa e ia kia koutou le ua i lona temi, E kakau atu loa e ia kia koutou a ua o le temi momoko mo ua o le temi mafana, Ofaipe le temi mago.

Apakuki 3:18

Kae, e kau loto ke kau fakafiafia i le Eteleno, E kau loto ke kau fakafiafia i le Atua o loku fakamauli.

Sofoni 3:14

Taine o Sione, ke ke kalaga fakafiafia ! Iselaele, ke ke fakamapa ni kalaga nekenekea ! Taine o Selusalemi, fakafiafia i lou loto katoa !

Sakalia 12:8

I le aso lena, e puipui loa e le Eteleno le kakai o Selusalemi, Ti ko leia e gaegae ia latou e fai loa pe Tavite i le aso lena ; E fai loa le fale o Tavite pe le Atua, Pe le aselo o le Eteleno i olatou mua.

Sakalia 9:15

E puipui loa latou e le Eteleno o kau tau ; E lotou kai loa, e lotou malo loa i fatu o le makamaka ; E lotou iinu loa, e lotou logoa loa ofaipe ni nea kua konana i le vino ; E lotou apele loa ofaipe se ipu, ofaipe poko o le aletale.

Sakalia 9:17

Io ! Kua lasi ai lona manuia ! Kua lasi ai lona fulumalie ! E tupu lalasi loa a tamaliki tupulaga i le fulumeto, Ti taineliki tupulaga i le vino.

Luka 1:47

Ti e fiafia loku loto i le Atua, loku Fakamauli.

Soane 16:22

Ko koutou foki, e kotou nonofo i le aso nei i le mamae ; kae e kau toe tio loa kia koutou, ti e fiafia loa okoutou loto, ti e leaise too loa e se tasi lokoutou fiafia meia koutou.

Gaoi 13:33

kua fakasoko e ia kia tatou ala ko alatou fanau, i lana toe fakatuuake Sesu mei le kau mate, o mulimuli ki le nea leia e tosi i le pesalemo lua : Ko loku Vosa a koe, Na kau fanaui a koe i le aso nei.

Gaoi 2:26

Koia e fiafia ai loku loto, ti e fiafia lasi ai loku alelo, Ti e nofo ai loku tino i le amanaki malie,

Gaoi 2:39

Talie na fai le fakapapau lena kia koutou, mo akoutou fanau, ti mo latou fuli ala e nonofo i mamao, latou fuli ala e kalagai loa e le Aliki lotatou Atua.

Filipe 4:4

Kotou fiafia tuumau i le Aliki, e kau toe liuga atu a ia, kotou fiafia.

Uluaki tosi a Petelo 1:8

E kotou alofa kiate ia, kae e leikiaise kotou tio kiate ia. E kotou tui kiate ia kae e leikiaise kotou tio kiate ia i le temi nei. Koia e kotou fiafia ai i se fiafia fakakololia leia e leaise feala ke fakasa e ni masau,

Uluaki tosi a Samuele 2:1

Na fai loa le kole e Ana, o pati : E fiafia loku loto i le Eteleno, Kua toe lagai loku makeke e le Eteleno ; Kua mavaa loku gutu ki oku fili, Talie e kau fiafia i lau fakamauli.