Sakalia 10:6 - Tosi Tapu

⁶ E kau fakamakeke loa le fale o Suta, Ti e kau saofaki loa le fale o Sosefo ; E kau toe aumai loa latou, talie e kau alofa loa kia latou, Ti e lotou fai loa pe ni iki ala na leaise kau tiaki ; Talie ko au ko le Eteleno, lolatou Atua, ti e kau tali loa latou.

Sakalia 10:6 ပူးပေါင်းရင်းမြစ်များ

Pesalemo 89:21

Na kau maua ia Tavite, loku tagata fakasausau, Na kau pani a ia ki loku lolo tapu.

Esaia 11:12

E siki loa e ia se manumanu ki atu puleaga, E fakatasi loa e ia le kau popula o Iselaele, Ti e aumai loa e ia le kau mavetevete o Suta, Mei potupotu e fa o le malama nei.

Esaia 14:1

Talie e alofa loa le Eteleno kia Sakopo, E toe filifili loa e ia Iselaele, Ti e toe fakanonofo loa e ia laua i lola fenua ; Ti e fakatasi loa mo laua le kau matapule, Ti e lotou pipiki loa ki le fale o Sakopo.

Esaia 41:10

Aua na ke i ki se nea, talie e kau nofo mo koe ; Aua na ke takamilo ni mata tuania, talie ko au ko lou Atua ; E kau fakamakeke a koe, e kau au o tokoi kiate koe, E kau taofi a koe ki loku lima atamai malo.

Esaia 54:4

Aua na ke i ki se nea, talie e leaise ke luma loa ; Aua na ke liliko, talie e leaise ke telefua loa ; Kae e ke galoi loa le luma o lou temi tupulaga, Ti e leaise ke toe manatui loa le matagafua o lou temi lokonui.

Esaia 54:8

I se ga temi ikiiki o le ita, na kau fufu oku mata iate koe, Kae i se alofa lee gato e kau aloalo malie loa kiate koe, E pati le Eteleno, leia na totogi ia a koe.

Selemia 23:6

I lona temi, e fakamauli loa a Suta, E maua loa e Iselaele le fimalie i lona nofoaga ; Ti ko leinei le igoa leia e fakaigoa loa a ia ki ai : Le Eteleno lomatou faitotonu.

Selemia 3:18

I aso ana, E saele loa le fale o Suta mo le fale o Iselaele ; E la au fakatasi loa mei le fenua o le noleto Ki le fenua leia na kau tuku ke maua e okoutou tamana.

Selemia 30:18

E folafola le Eteleno, o pati : Ko leinei, e kau toe aumai le kau popula o falela o Sakopo, E kau alofa ki ona nofoaga. E toe laga loa le kolo i lona tuuaga afea, E toe fakatuu loa le fale sau ki lona tuu afea.

Selemia 30:20

E fai loa ona vosa pe le temi mua, E toe tuu loa lona fakatasiga i oku mua, Ti e kau tautea loa latou fuli ala e taomi ia a ia.

Selemia 31:1

E pati le Eteleno : I le temi lena, e kau liliu loa ko le Atua o famili fuli o Iselaele, Ti e lotou liliu loa ko loku kakai.

Selemia 31:20

Pe ko Efalaimi ko se vosa alofaina kiate au ? Se fanau leia e fakafiafia ia loku loto ? Talie ka lasi laku masau kiate ia, ti e toe lasi ake laku manatu kiate ia ; Koia e mamae ai loku manava o tupu ko ia : E kau alofa loa kiate ia, e pati le Eteleno.

Selemia 31:31

E pati le Eteleno : E soko mai loa a aso, Ala e kau fai ai loa mo le fale o Iselaele mo le fale o Suta, Se sai foou,

Esekiele 36:11

E kau liuliuga loa kia koutou a tagata mo manu ; E lotou liuliuga loa mo fanaunau loa ; E kau loto ke kotou nofo i le fenua ofaipe le temi mua, Ti e kau tapuaki loa kia koutou o lasi ake i le temi mua ; Ti e kotou iloa loa ko au ko le Eteleno.

Esekiele 36:37

E folafola le Aliki, le Eteleno, o pati : Ko leinei foki le tasi a nea leia e kau tuku ai loa le fale o Iselaele ke kalaga mai kiate au, ti e kau fai loa kia latou, o fakaliliu ona tagata ke api ofaipe manu o se kau manu.

Esekiele 37:16

Ti ko koe, vosa o le tagata, too se potu laakau, ti ke tosi i ai : Kia Suta mo fanau a Iselaele ala e kau mo ia. Too se tasi potu laakau, ti ke tosi i ai : Kia Sosefo, ko le laa o Efalaimi, mo le fale katoa o Iselaele leia e kau mo ia.

Esekiele 39:25

Koia e folafola ai le Aliki, le Eteleno, o pati : I le aso nei e kau toe aumai loa le kau popula o Sakopo, E kau alofa loa ki le fale katoa o Iselaele, Ti e kau finenonofo loa ki loku suafa maokioki.

Oseo 1:7

Kae e kau alofa loa ki le fale o Suta ; ti e kau saofaki loa latou i Eteleno, lolatou Atua. E leaise kau saofaki loa latou ki le gasau, pe ko le seleta, pe ko le tau, pe ko ni osi, pe ko ni kau ekeosi.

Oseo 14:9

Ko leia e poto ke tokaga ki nea anei ! Ko leia e atamai ke matala ki nea anei ! Talie e totonu a ala o le Eteleno ; E saele loa i ai le kau agatonu, Kae e sisiga loa i ai le kau agatuu.

Oseo 2:23

E folafola le Eteleno, o pati : I le aso lena, e kau tali loa, e kau tali loa ki le lagi, e tali loa e ia le kele ;

Apetiasi 1:18

E liliu loa le fale o Sakopo ko se afi, Ti ko le fale o Sosefo ko se ulai afi ; Kae e liliu loa le fale o Esau ko se tuuga penu, Leia e lotou tutu loa o okioki, Ti e leaise toe loa se nea i le fale o Esau, Talie kua masau le Eteleno.

Mikea 4:13

Taine o Sione, tuu ki aluga, ti ke takatakafi ! E kau fai loa kiate koe se tala ukamea mo ni matininia sila, Ti e ke gugu loa ni kakai mauke ; E ke fakatapu loa alatou nea malilie ki le Eteleno, Olatou koloa ki le Aliki o le malama nei katoa.

Mikea 4:6

I le aso lena, e pati le Eteleno : e kau tali loa le kau kito, E kau fakatasi loa latou ala na kapu, Latou ala na kau fakaveliveli.

Mikea 5:3

E sa loa a ia, ti e pule loa a ia i le makeke o le Eteleno, Mo le mamalu o le suafa o le Eteleno, lona Atua : Ti e lotou maua loa se nofoaga totonu, Talie e fakakololia loa a ia o kaku ki potupotu o le malama nei.

Mikea 5:8

Ke siki lou lima kia latou ala e fakafesagai kiate koe, Ti ke mamate ou fili fuli !

Mikea 7:16

E tio loa ki ai a atu puleaga, ti e lotou luma loa, Logo ai lolatou makeke katoa ; E lotou tapono loa olatou gutu ki olatou lima, E tulituli loa olatou taliga.

Sakalia 1:16

Koia kua folafola ai le Eteleno, o pati : Kua kau toe liliu mai i loku alofa ki Selusalemi ; e toe fakatuu loa loku fale i ai, ti e toe toso loa le fua i Selusalemi.

Sakalia 10:12

E kau fakamakeke loa latou i le Eteleno, Ti e lotou saele loa i lona suafa, E folafola le Eteleno.

Sakalia 13:9

E kau tuku loa le vaega tolu lena ki le afi, Ti e kau fakamea loa a ia ofaipe le fakamea o le paaga, E kau fakamea loa a ia ofaipe le fakamea o le aulo i le afi. E fetapa loa a ia ki loku suafa, ti e kau tali loa kiate ia, E kau pati loa : Ko loku kakai ! Ti e pati loa a ia : Ko le Eteleno ko loku Atua !

Sakalia 8:11

E folafola le Eteleno o kau tau, o pati : I le aso nei e leaise kau toe fai loa ki le toega o le kakai leinei pe le temi kua sili.

Sakalia 9:16

E fakamauli loa latou e le Eteleno, lolatou Atua i le aso lena, Ofaipe le kau manu o lona kakai ; Talie ko latou ko ni fatu mauiga o se pala fakasau, Ala e gigila loa i lona fenua.