Sakalia 10:4 - Tosi Tapu

⁴ E ulu loa meiate ia le fatu agele, meiate ia le fao, meiate ia le kalolo tau, E ulu loa meiate ia a pule tau fuli, fakatasi.

Sakalia 10:4 ပူးပေါင်းရင်းမြစ်များ

Senesi 49:24

Kae na tuu makeke aifai lana kalolo, Ti na fakamakeke ona lima E lima o le Atua makeke o Sakopo : Koia leia na liliu ai a ia ko le tagata tausi manu, mo le utu o Iselaele.

Esetalasi 9:8

Kae logo ai a nea ana, na alofa kia matou le Eteleno, lomatou Atua, o fakamauli ni iki o matou, ti kua soli mai e ia kia matou se mumuniaga i lona nofoaga tapu, o tupu ke fakamalamai ai omatou mata mo soli mai ai kia matou se malolo i lotolotoga o lomatou popula.

Pesalemo 118:22

Ko le fatu leia na tiaki e latou ala na fakatuu ia le fale Kua liliu ko le fatu tafito o le agele.

Esaia 19:13

Kua ulu vale a aliki o Tesoane, Kua ninimo a aliki o Nofi, Kua fakasese a Esipito e pule o faasiga ;

Esaia 28:16

Koia e folafola le Aliki, le Eteleno, o pati : Ko leinei, kua kau teki se fatu fakatafito i Sione, Ko se fatu kua asiasii, ko se fatu agele mauiga, na teki fakamaumau ; Ko leia e tui kiate ia e fefeka o tatau mo ia.

Esaia 49:2

Na fakaliliu e ia loku gutu ke tatau mo se seleta matakakai, Na fufu e ia au i le malu o lona lima ; Na fai e ia kiate au se gasau matakakai, Na fufu e ia au i lana taga gasau.

Esaia 54:16

Ko leinei, na kau fakatupu le tagata leia e pupusi ia le malala i le afi, Ti e fau ia se masafu i lana gaoi ; Kae na kau toe fakatupu foki le tagata maumau ke fatii ia le masafu.

Selemia 1:18

Ko leinei, kua kau fakanofo a koe i le aso nei ki le fenua katoa ofaipe se kolo tau, mo se fa pou ukamea, ti mo se paa sila, ki sau o Suta, mo ona pule, mo ona tagata faisakilifisio, ti mo le kakai katoa o le fenua.

Selemia 51:20

Na ke fai kiate au pe se amale, pe se masafu tau. Na kau fatifatii ni puleaga iate koe, Na kau maumaui ni kakai iate koe.

Sakalia 9:10

E kau maumaui loa a saliote o Efalaimi, ti mo osi o Selusalemi ; Ti e too loa a kalolo tau. E fakasa loa e ia le tokamalie ki atu puleaga, Ti e pule loa a ia mei le tai ki le tai, Mei le vaitafe o kaku ki potupotu o le malama nei.

Sakalia 9:8

E kau nofo loa o takatakai loku fale o puipui a ia i se solia, Meia latou ala e ano ti au, Ti e leaise toe fakalaka loa le tagata fakaveliveli i tafa o loku kakai ; Talie i le temi nei e tio mau oku mata kiate ia.

Numelo 24:17

E kau tio ki ai, kae e leai nei ; E kau tio ki ai, kae koi mamao : E ulu se fetuu meia Sakopo, E malaga se sau i Iselaele. E taai e ia a vakavaka o Moape, Ti e tamate e ia a vosa fuli o Seti.

Mateo 9:38

Kotou kole ki le pule o le fuata ke kakau ni tagata gaoi ki lana fuata.

Luka 20:17

Kae, na tio loa Sesu kia latou, o pati : Kolea le uiga o le folafola leinei e tuu i le Tosi : Ko le fatu leia na tiaki e le kau tufuga Kua liliu ko le fatu tafito o le agele ?

Efeso 2:20

Kua fakatuu koutou i le fakatafito o le kau apositolo mo le kau polofeta, Sesu-Kilisito totonu, leia ko le fatu agele.

Lua tosi kia Timoteo 2:4

E leaise tagata solia leia e fakavisia ia a ia i nea o le mauli nei, mo kapau e loto a ia ke mata malie a ia ki leia na filifili ia a ia ki lana kau tau ;

Uluaki tosi a Petelo 2:6

Talie e pati i le Tosi : Ko leinei, e kau tuku i Sione se fatu agele, na filifili, mauiga ; Ti ko leia e tui kiate ia e leaise luma loa.

Apokalipisi 17:14

Ti e lotou tau loa ki le Akeno, ti e malo loa le Akeno ia latou, talie ko le Aliki a ia o aliki, ti ko le Sau a ia o atu sau ; ti e toe malo foki ia latou le kau kalagai, mo le kau filifiliia, ti mo le kau agatonu ala e nonofo mo ia.

Uluaki tosi a Samuele 14:38

Na pati loa Saulo : Kotou fakafeofi mai ki leinei, koutou fuli ko pule o le kakai ; kotou afa ti kotou tioi pe na fefeaki le soko o le agasala lena i le aso nei.