Sakalia 10:3 - Tosi Tapu

³ Kua ula loku sausau ki le kau tausi manu, Ti e kau tautea loa a ovi tagata ; Talie kua fakatele le Eteleno o kau tau ki lana kau manu, le fale o Suta, Ti kua fakaliliu e ia a ia ko lana osi fakakololia i le tau ;

Sakalia 10:3 ပူးပေါင်းရင်းမြစ်များ

Sopo 39:25

E kata a ia ki le i, e leaise iloa e ia a ia, E leaise solomuli a ia i mua o le seleta.

Ekesote 4:31

Ti na tui loa le kakai. Na lotou iloa loa kua asiasi le Eteleno ki fanau a Iselaele, ti kua tio a ia ki lolatou mamae ; ti na lotou tulolo loa ki le kele, o fakafetai.

Taagapati 21:31

E teuteu le osi ki le aso o le tau Kae e fakalogo le malo ki le Eteleno.

Katiko o Katiko 1:9

Ei loku alofaaga, e kau fakatatau a koe Ki laku osi fafine leia e sai ki le saliote a Falaone.

Esaia 10:12

Kae, kao oki malie loa le gaoi a le Aliki I le mauga o Sione mo Selusalemi, Ti o kau tautea loa le sau o Asilia o tupu ko fua o lona loto fia nealasi, Ti mo le matasoka o le tio o ona mata fia taualuga.

Esaia 24:21

I le temi lena, e tautea loa e le Eteleno i le lagi le kau tau o aluga, Ti mo sau o le malama nei i le malama nei.

Selemia 10:21

Na ulu valea le kau tausi manu, Na leaise lotou afa le Eteleno. Koia leia na leaise lotou manuia ai, Ti na mavetevete ai alatou kau manu.

Selemia 11:22

Koia e folafola ai le Eteleno o kau tau, o pati : Ko leinei, e kau tautea loa latou ; E mamate loa a tagata tupulaga i le seleta, E mamate loa olatou vosa mo olatou taineliki i le oge.

Selemia 25:12

Kae ka katoa loa a fetuu ana e kau fitu, e kau tautea loa le sau o Papilone mo le puleaga lena, e pati le Eteleno, o tupu ko lalatou agaveli ; e kau fakatua loa le fenua o le kau Kaletea, ti e kau fakaliliu loa a ia ko se maumau lee gato.

Selemia 25:34

Kotou tagi laulau, tagata tausi manu, ti kotou kalaga ! Kotou fuliteka i le mugalafu, kau takitaki o kau manu, Talie kua soko mai a aso ala e tamate ai loa koutou. E kau fatifatii loa koutou, ti e kotou vivilo loa ki lalo ofaipe se ipu mauiga.

Selemia 50:6

Ko loku kakai ko se kau ovi leia na puli noa ; Na fakasese latou e olatou tausi ovi, o taki latou i mauga ; Na lotou ano mei mauga lalasi ki mauga liliki, Kae galo lolatou lotoa.

Esekiele 34:11

Talie e folafola le Aliki, le Eteleno, o pati : Ko leinei, e kau tokaga totonu loa ki aku ovi, ti e kau lau loa latou.

Esekiele 34:12

E kau tokaga loa o tanaki laku kau ovi ofaipe le fai a se tagata tausi manu mo ka tio a ia kua mavete katoa lana kau manu. E kau ano loa o afa mai aku ovi i ganea fuli ala na fakamavete latou ki ai, i le aso veli mo fakapouli.

Esekiele 34:2

Vosa o le tagata, kikite ki le kau tausi manu o Iselaele ! kikite, o pati kia latou, ki le kau tausi manu : E folafola le Aliki, le Eteleno, o pati : Malaia ki le kau tausi manu o Iselaele, latou ala e fagai ia latou totonu ! Pe leaise tonu ke fagai e le kau tausi manu le kau manu ?

Taniela 11:32

E fakasesei loa e le sau lena, ki ana kaka, latou ala e tiaki ia le sai maokioki. Kae ko latou ala o le kakai e iloa ia loa lolatou Atua, e tuu makeke loa,

Sofoni 1:8

I le aso o le sakilifisio a le Eteleno, E kau tautea loa a aliki mo vosa o le sau, Ti mo latou fuli ala e kofu ki ni kofu matapule.

Sofoni 2:7

Talie e tuku loa a mata tai ana ki toetoega o le fale o Suta ; Ko le ganea lena e lotou fagai ai loa alatou kau manu ; E lotou malolo loa i le afiafi i fale o Asekaloni ; Talie e leaise galoi loa latou e le Eteleno, lolatou Atua, Ti e toe aumai loa e ia lolatou kau popula.

Sakalia 11:17

Malaia ki le tagata tausi manu veli, leia e tiaki ia lana kau ovi ! Ke oso le seleta ki lona lima ti mo lona fa mata atamai ! Ke malo lona lima, Ti ke kivi lona fa mata atamai !

Luka 1:68

Fakafetai ki le Aliki, le Atua o Iselaele, Talie kua asiasi a ia ki lona kakai ti kua totogi e ia a ia,

Uluaki tosi a Petelo 2:12

Kotou maua i lotolotoga o le kau pagani se mauli malie, o tupu, i le nea leia e lauvelii ai koutou ofaipe ni tagata veveli, ke lotou tio ki akoutou gaoi malilie, ti ke lotou fakafetai ki le Atua, i le aso leia e fakatele ai loa a ia kia latou.

Lute 1:6

Ti na tuu ake loa Naomi, a ia mo ona fugao, ke lotou mavae i le fenua o Moape, talie na logo loa a ia i le fenua o Moape kua asiasi le Eteleno ki lona kakai ti kua soli e ia se pane kiate ia.