Sakalia 10:2 - Tosi Tapu

² Talie e noa a masau a telafimi, E fakasa ni loi e latou ala e kikite, E loi a moe miti ti e leaise uiga o alatou fakafimalie. Koia leia kua sese ai le kakai ofaipe se kau manu, Kua lotou malaia talie e leaise koi maua se tagata tausi manu.

Sakalia 10:2 ပူးပေါင်းရင်းမြစ်များ

Senesi 31:19

I le temi lena na ano Lapane o koti lana kau manu. Na kaia loa e Lasele a taulaatua o lona tamana.

Uluaki tosi o Sau 22:17

Na tali loa Mikea : E kau tio ki Iselaele katoa kua mavetevete i mauga ofaipe ni ovi ala e sala tagata tausi ovi ; ti na pati loa le Eteleno : Kua sala pule le kakai lena, ke lotou tasi toe liliu ki lona fale !

Sopo 13:4

Talie ko koutou ko ni kau fakatupu loi, Ko ni toketa fai faitoo lee aoga.

Sopo 21:34

Kolea le aoga o akoutou masau fakafimalie kiate au ? Ko akoutou tali ko kaka fuli !

Esaia 41:29

Ko leinei, ko latou fuli ko nea noa, Ko alatou gaoi ko le noa, Ko olatou taulaatua ko se matagi noa.

Esaia 44:25

E kau fakanoa ia a fakamailoga a kau polofeta loi, Ti e kau fakasa le valea o kau kikite ; E kau fakasolomuli le kau poto, Ti e kau fakaliliu lolatou iloa ko le valea.

Esaia 44:9

Ko latou fuli ala e fau ia ni taulaatua ko nea noa, Ti e leaise aoga alatou gaoi fulumalie fuli ; E lotou fakamaoki totonu : E leaise lotou tio, e leai solatou atamai, O tupu ke lotou luma.

Esaia 46:5

Ko ai e kotou fakatatau au ki ai, ke kotou fai a ia ko loku tatau ? Ko ai e kotou fia fakatatau au ki ai, ke ma tatau ?

Selemia 10:8

Ko latou fuli fakatasi, e lotou sala atamai mo valelea ; E leaise uiga lolatou poto, ko se laakau a ia !

Selemia 14:13

Na kau tali loa : Ei Aliki Eteleno ! Ko leinei, e pati le kau polofeta kia latou : E leaise kotou tio loa ki se seleta, E leaise kotou iloa loa se oge, Kae e kau tuku atu loa kia koutou se tokamalie maoki i le ganea leinei.

Selemia 14:22

Pe i ai ni iki i taulaatua o atu puleaga e mafai ke fakato ia se ua ? Pe feala ke soli e le lagi le ua ? Pe leaise ko koe fai, Eteleno, lomatou Atua ? E motou amanaki malie ai kiate koe, Talie ko koe leia na fai ia a nea fuli ana.

Selemia 23:17

E lotou pati kia latou ala e vesia kiate au : Na pati le Eteleno : E kotou maua loa le tokamalie ; Ti e lotou pati kia latou fuli ala e saele o mulimuli ki oli o olatou loto : E leaise soko loa se veli kia koutou.

Selemia 23:32

Ko leinei, e pati le Eteleno, kau vesia kia latou ala e kikite ia ni moemiti loi, Ala e fakasese ia loku kakai Ki alatou loi mo alatou kaka ; Kae na leaise kau kakau fua latou, na leaise kau tuku fua kia latou se fakatotonu, Ti e leai solatou ga aoga fua ki le kakai leinei, e pati le Eteleno.

Selemia 27:10

Talie ko le loi lena e lotou kikite atu kia koutou, o tupu ke ave mamao koutou mei lokoutou fenua, o tupu ke kau kapu koutou ti ke kotou mamate.

Selemia 27:14

Aua na kotou fakalogo ki folafola a kau polofeta ala e pati atu kia koutou : E leaise kotou tausi loa ki le sau o Papilone ! Talie ko le loi leia e lotou fakasa atu kia koutou.

Selemia 27:9

Ti ko koutou, aua na kotou fakalogo ki okoutou polofeta, mo okoutou kau kikite, mo okoutou kau moe miti, mo latou e sivi ia le lagi, ti mo latou ala fai nea fakatalatupua, ala e pati atu kia koutou : E leaise kotou tausi loa ki le sau o Papilone !

Selemia 28:15

Ti na pati loa Selemia, le polofeta, ki le polofeta ko Anania : Fakalogo mai, Anania ! Na leaise kakau mai a koe e le Eteleno, kae kua ke tuku ki le kakai leinei se fanaki sala.

Selemia 29:8

Talie e folafola le Eteleno o kau tau, le Atua o Iselaele : Aua na kotou tuku ke kakai koutou e okoutou kau polofeta ala e nofo ia koutou, mo okoutou kau faikikite. Aua na kotou fakalogo ki okoutou kau moe miti, ala e kotou fakatupu alatou moe miti !

Selemia 37:19

Ti kofea okoutou kau polofeta ala na folafola atu kia koutou, o pati : E leaise pale mai loa le sau o Papilone o taui koutou mo le fenua ?

Selemia 50:17

Ko Iselaele ko se ovi na sese noa, Leia na kapu e laione ; Na uluaki kai a ia e le sau o Asilia ; Ti na gugu ona ivi e Nepukatenesale, sau o Papilone.

Selemia 51:23

Iate koe na kau fatii le tagata tausi manu mo lana kau manu ; Iate koe na kau fatii le tagata gaoi kele mo ana pipi ; Iate koe na kau fatii a kovana mo pule.

Selemia 6:14

E lotou faitoo fakakaka le lavea o le taine o loku kakai ; E lotou pati : Tokamalie ! tokamalie ! Kae e leai se tokamalie ;

Selemia 8:11

E lotou faitoo fakakaka le lavea o le taine o loku kakai : E lotou pati : Tokamalie ! tokamalie ! Kae e leai se tokamalie.

Tagi laulau a Selemia 2:14

Na fakasa e au polofeta kiate koe ni folafola loi mo kaka ; Na leaise lotou fakasa lau agaveli, O tupu ke tulei kese iate koe le popula ; Na lotou tuku atu kiate koe ni folafola loi mo kaka.

Esekiele 21:21

Ta ki le fetuu atamai, Ta ki le fetuu sema, Seleta matakakai, Maliu saele lou tumutumu ki potu fuli !

Esekiele 21:29

Koia e folafola le Aliki, le Eteleno, o pati : O tupu e kotou fakamanatu tuumau mai kiate au akoutou agaveveli, o fakasa ki tafa akoutou patigataa mo akoutou agasala i akoutou gaoiaga fuli ; o tupu e kotou fakamanatu tuumau latou kiate au, e too loa koutou e lona lima makeke.

Esekiele 34:5

Na lotou mavetevete talie na leaise lotou maua se tagata tausi ovi ; na lotou liliu ko le nea kai a manu fuli o le vao, koia na lotou mavetevete ai.

Esekiele 34:8

E pati le Aliki, le Eteleno : E kau mauli ! O tupu kua tuku aku ovi ki lima o le kau kaia, ti kua lotou liliu ko le nea kai a manu fuli o le vao, talie e leaise koi maua se tagata tausi ovi, ti e leaise koi tokaga aku tagata tausi manu ki aku ovi, talie kua lotou fagai fai latou totonu, kae e leaise lotou fagai fua aku ovi,

Oseo 3:4

Talie e nonofo loa a fanau o Iselaele o fualoa sala sau, mo sala pule, mo sala sakilifisio, mo sala fatu mauiga, mo sala efote, ti mo sala telafimi.

Mikea 2:12

E kau fakatasi fuli loa a koe, ei Sakopo ! E kau fakatasi loa a toetoega fuli o Iselaele, E kau fakatasi loa latou ofaipe ni ovi o se fale manu, Ofaipe se kau manu i lolatou lotoa manu ; E i ai loa se logoa lasi o tupu ko le lasi o tagata.

Apakuki 2:18

Kolea le aoga o se fakatata ta, ke tupu ai lona ta e se tagata tufuga ? Kolea le aoga o le fakatata ukamea saka leia e ako ia le loi, Ke tupu ai le tuku e le tagata lana fanaki kiate ia, Kae ko le maoki e lolotoga fau e ia ni taulaatua gutu mate ?

Sakalia 11:17

Malaia ki le tagata tausi manu veli, leia e tiaki ia lana kau ovi ! Ke oso le seleta ki lona lima ti mo lona fa mata atamai ! Ke malo lona lima, Ti ke kivi lona fa mata atamai !

Numelo 27:17

leia ke pule kiate ia, ti ke poto i lona taki i nea fuli, o tupu ke aua na fai le kakai a le Eteleno pe se kau manu leia e sala tagata tausi manu.

Mateo 9:36

I lana tio ki le kakai, na aloalofa loa a ia kia latou, talie ko se kakai fakatotoso mo gaegae ofaipe ni ovi ala e sala tagata tausi ovi.

Maleko 6:34

I lana ifo i le vaka, na tio loa Sesu ki se kakai lasi, ti na aloalofa loa a ia kia latou, talie kua lotou faipe ni ovi ala e leaise maua ia se tagata tausi ovi ; ti na kamata ako loa e ia kia latou ni nea mauke.

Tetelonome 13:2

ti kapau e soko loa le fakamailoga lena mo le nea fakaofolele lena o mulimuli ki le nea leia na fakasa e ia kiate koe, o pati : tou ano i muli o ni iki atua kese, ko ni atua ala e leaise ke iloa, ti tou tausi latou,

Tuifakamaau 18:14

Ti na masau loa a tagata e toka lima ala na ano o tioi le fenua o Laisi, o pati loa ki olatou fetaina : Pe kotou iloa e i ai i fale anei se efoti, mo ni telafimi, mo se fakatata ta, ti mo se fakatata ukamea saka ? Ke kotou tio i le temi nei pe kolea le nea leia e tonu ke kotou fai !