Sakalia 10:11 - Tosi Tapu

¹¹ E lotou fakalaka loa i le tai o le mamae, e lotou taai loa a galu o le tai, Ti e malo loa a takele fuli o vaitafe. E taai loa ki lalo le fia nealasi o Asilia, Ti e puli loa le tokotoko fakasau o Esipito.

Sakalia 10:11 ပူးပေါင်းရင်းမြစ်များ

Senesi 8:1

Na manatui loa e le Atua a Noe, mo manu fuli, mo manu fekai, mo manu lalata fuli ala na nofo mo ia i le aleka ; ti kakau loa e le Atua se matagi ke agi ki aluga o le malama nei, ti na kamata ifo loa le vai ki lalo.

Lua tosi o Sau 2:14

na too loa e ia le taupulupulu leia na fakavilo e Elia, ti na taai loa e ia ki ai le vai, o pati : Kofea le Eteleno, le Atua o Elia ? Ti na toe taai foki e ia le vai o le vaitafe, ti na mavaelua loa le vai, ti na fakalaka loa a ia.

Lua tosi o Sau 2:8

Ti na too loa e Elia lona taupulupulu o takatakai mo taai ki ai le vai o le Solotane, leia na mavaelua loa, ti na la fakalaka loa i le takele malo.

Esetalasi 6:22

Na lotou fakamanatu loa i le fiafia le aso o pane sala fakatupu i ni aso e fitu, talie na tuku e le Eteleno le fiafia ki olatou loto i lana soli le loto malie ki le sau o Asilia ke tokoi kia latou i le gaoi o le fale o le Atua o Iselaele.

Pesalemo 114:3

Na tio loa ki ai le tai, ti na sola loa a ia : Na toe liliu loa le Solotane ki muli ;

Pesalemo 114:5

Kolea kua soko kiate koe, ei tai, ke ke sola ai ? Kolea kua ke toe liliu ai ki muli, ei Solotane ?

Esaia 14:25

E kau fatii loa le Asilia i loku fenua ; E kau takatakafi loa a ia ki oku vae i oku mauga ; Ti e too loa lana laakau taki i loku kakai ko Iselaele, Ti e too loa lana kavega i olatou tuauma.

Esaia 19:16

I le aso lena, e fai loa Esipito pe ni fafine : E lulu loa a ia i lona i, Mo ka tio a ia ki le taugaoi o le lima o le Eteleno o kau tau, Mo ka siki loa e ia a ia kiate ia.

Esaia 43:2

Kapau e ke ano i atu vai, e kau nofo loa mo koe ; Ti kapau e ke ano i ni vaitafe lalasi, e leaise ke ogo loa ; Kapau e ke saele i le afi, e leaise ke vela loa, Ti e leaise tutu loa a koe e le ula.

Esaia 44:27

E kau pati ki le vanu loloto : Ke ke malo, E kau fakamasa loa ou vaitafe.

Esaia 51:10

Pe na leaise ko koe leia na fakamalo ia le tai, A vai o le vanu loloto, Leia na fakamavaa ia i le takele o le tai Se ala ke saele ai latou ala na ke totogi ?

Esaia 51:9

Ke ke alaala, ke ke alaala, ke ke kofu ki lou makeke, a koe ko le lima o le Eteleno ! Ke ke alaala ofaipe aso i mua, I tautupu afea ! Pe na leaise ko koe leia na tamate ia Esipito, Na sokai ia le talakone ?

Esekiele 30:13

Koia e folafola ai le Aliki, le Eteleno, o pati : E kau fakapuli loa a taulaatua, Ti e kau fakapuli loa i Nofi a fakatata noa ; E leaise toe maua loa se pule i le fenua o Esipito, Talie e kau fakamafola loa le i i le fenua o Esipito.

Sofoni 2:13

E falo loa e ia lona lima ki le potu noleto, E maumaui loa e ia Asilia, Ti e fakaliliu loa e ia Ninive ko se kele lavaki, Ko se kele malo ofaipe le toafa.

Apokalipisi 16:12

Ti na liligi loa e le ono aselo lana ipu ki le vaitafe lasi ko le Eufalate. Ti na masa loa lona vai, ke teuteui ai le ala ki sau ala e au mei le sopoaga o le laa.