Sakalia 10:10 - Tosi Tapu

¹⁰ E kau aumai loa latou mei le fenua o Esipito, Ti e kau fakatasi loa latou mei Asilia ; E kau aumai loa latou ki le fenua o Kalaate ti mo le fenua o Lipane, Ti e leaise feauga loa le fenua kia latou.

Sakalia 10:10 ပူးပေါင်းရင်းမြစ်များ

Esaia 60:22

E liliu loa leia e ikiiki ko se tino afe, Ti ko leia e gaegae ko se puleaga makeke. Ko au, le Eteleno, e kau fakavave loa a nea ana i lona temi.

Selemia 22:6

Talie e folafola le Eteleno ki le fale o le sau o Suta, o pati : E ke fai kiate au pe Kalaate, pe le tumutumu o le mauga o Lipane ; Kae e maoki e kau fakaliliu loa a koe ko se toafa, Ko se kolo sala kakai.

Selemia 50:19

E kau toe aumai loa Iselaele ki lona nofoaga ; E maua loa e ia ona faisaga mutie i Kalemelo mo Pasani, Ti e makona loa lona laumalie i le mauga o Efalaimi mo Kalaate.

Oseo 11:10

E lotou mulimuli loa i le Eteleno, leia e gugulu loa ofaipe se laione, Talie e gugulu loa a ia, ti e fekapu mai loa a fanau mei le tai.

Oseo 11:11

E lotou fekapu loa mei Esipito, ofaipe se manu lele, Mei le fenua o Asilia, ofaipe se lupe, Ti e kau fakanofo loa latou i olatou fale, E pati le Eteleno.

Apetiasi 1:20

Ko le kau popula o le kau tau lena o fanau a Iselaele E maua ia loa le fenua leia na nonofo ai le kau Kanaane o kaku ki Salepeta ; Ti ko le kau popula o Selusalemi ala e nonofo i Sefalate E maua ia loa a kolo o le saute.

Mikea 7:14

Eteleno, fagai lou kakai ki lau laakau, le kau manu o lou tofiga, Leia e nofo toka tasi i le vaomatua i loto malie o le Kalemelo ! Ke lotou kai i Pasani mo Kalaate, Ofaipe aso o le temi mua.

Sakalia 8:7

Koia e folafola le Eteleno o kau tau, o pati : Ko leinei, e kau saofaki loku kakai mei le fenua o le sopoaga o le laa ti mo le fenua o le viloaga o le laa.

Sakalia 8:8

E kau aumai loa latou, ti e lotou nonofo loa i loto malie o Selusalemi ; e lotou liliu loa ko loku kakai, ti e kau liliu loa ko lolatou Atua i le maoki mo le faitotonu.