Sakalia 1:6 - Tosi Tapu

⁶ Pe na leaise lave ki okoutou tamana aku folafola mo aku fakatotonu ala na kau tuku ki aku tagata fakasausau ko le kau polofeta ? Na lotou maliu mai, ti na lotou pati : Kua fai e le Eteleno o kau tau kia tatou o mulimuli ki le nea leia na fakapapau e ia ke fai kia tatou o mulimuli ki otou ala mo atatou gaoi.

Sakalia 1:6 ပူးပေါင်းရင်းမြစ်များ

Lua tosi o Sau 15:12

Koia na soko ia loa le nea leia na fakasa fakatomua e le Eteleno kia Seu, o pati : E ekeeke loa ou vosa i le ekeekeaga fakasau o Iselaele, o kaku ki le fa o tautupu.

Sopo 6:29

Kotou toe liliu mai kiate au, kae tuku lakoutou faisala o uiga mo au ; Kotou toe liliu mai ti kotou fakamaoki ki loku mea.

Esaia 21:17

E toe loa se ga toka teiki fua o le kau faikalolo makeke o vosa o Ketale, Talie kua folafola le Eteleno, le Atua o Iselaele.

Esaia 44:26

E kau fakamaoki ki le masau a laku tagata fakasausau, Ti e kau fakasoko le nea leia kua fakasa fakatomua e aku tagata fakafofoga ; E kau pati ki Selusalemi : E nofo loa i ai, Ti e kau pati ki kolo o Suta : E toe laga loa latou ; Ti e kau toe fakatuu loa ona kolo maumau.

Esaia 55:1

Koutou fuli ala e fia inu, kotou au ki atu vai, Mo leia foki e leaise maua ia sana paaga ! Kotou au, kotou totogi ti kotou kai, Kotou au, kotou totogi se vino mo se sua u, sala paaga, sala totogi !

Esaia 55:11

E tatau foki mo laku folafola, leia e ulu mei loku gutu : E leaise toe liliu mai a ia kiate au sala fua, Kae e leikiaise fai e ia loku finegalo Ti mo fakasoko aku fakatuutuu.

Selemia 23:20

E leaise toe fimalie loa le sausau o le Eteleno, O kaku ki le oki o lana fakasoko, mo lana fai a fakatuutuu o lona loto. E kotou matala loa ki ai i temi ki muli.

Selemia 26:15

Kae ke kotou iloa fua, kapau e kotou tamate au, e kotou amo loa le toto mea, e koutou, mo le kolo leinei, mo lona kakai ; talie na kakau maoki mai au e le Eteleno kia koutou, ke fakasa ki okoutou taliga a folafola fuli anei.

Selemia 28:17

Ti na mate loa Anania, le polofeta, i le fetuu lena, i le masina lena.

Selemia 32:24

Ko leinei, kua laga ni palepale tau ki le kolo ti kua lotou valoki a ia. E tuku loa le kolo ki lima o le kau Kaletea ala e osoi ia a ia, Ti e lava loa a ia i le seleta, mo le oge, ti mo le taumasaki. Kua soko le nea leia na ke pati ki ai, ti e ke tio ki ai.

Selemia 36:28

Too se tasi ake a tosi, ti e ke tosi loa i ai a folafola fuli ala na tuu i le uluaki tosi leia na tutu e Sosakimi, sau o Suta.

Selemia 39:16

Ano o masau kia Epeti-Meleke, le tagata Etiopia, o pati kiate ia : E folafola le Eteleno o kau tau, le Atua o Iselaele, o pati : Ko leinei, e kau aumai loa ki le kolo leinei le veli kae leai le malie, leia kua kau fakasa. E soko loa a ia i aso anei, ti e ke tio loa ki ai.

Selemia 4:4

Kotou silikosisio koutou ki le Eteleno, kotou silikosisio okoutou loto, Tagata o Suta ti mo le kakai o Selusalemi, O tupu ke aua na natu kia koutou loku sausau ofaipe se afi, Ti ke aua na vela a ia, kae e leaise feala ke toe tamate, O tupu ko le veli o akoutou gaoi.

Selemia 44:2

E folafola le Eteleno o kau tau, le Atua o Iselaele, o pati : Kua kotou tio ki malaia fuli ala na kau kakau mai ki Selusalemi mo kolo fuli o Suta : I le aso leinei kua lotou tuu ko ni kolo maumau, ti e leaise koi i ai se kakai,

Selemia 44:28

Kae ko se ga toka teiki fua leia e sao loa i le seleta, ti e toe liliu loa mei le fenua o Esipito ki le fenua o Suta. Kae ko le ga toetoega fua o Suta, latou fuli ala kua au ki le fenua o Esipito ke nofo i ai, e lotou iloa loa pe ko laku folafola pe ko lalatou leia e soko loa.

Selemia 44:29

Ti ko leinei, e pati le Eteleno, se fakamailoga leia e kotou iloa ai loa e kau tautea loa koutou i le ganea leinei, o tupu ke kotou fakasoko loa aku folafola kia koutou ki lokoutou malaia.

Selemia 44:6

Ti na kau liligi loa loku sausau mo loku mafaia, ti na tutu loa a kolo o Suta, mo ala o Selusalemi, ala kua liliu ko ni kolo maumau ata ti ko se toafa, ofaipe le nea e tio ki ai i le aso nei.

Selemia 5:14

Koia e folafola ai le Eteleno, le Atua o kau tau, o pati : O tupu na kotou pati le nea lena, Ko leinei, e kau loto ke fai laku folafola i lou gutu pe se afi, Ti ke fai le kakai leinei pe se fafie, Ti ke tutu a ia e le afi lena ke okioki.

Tagi laulau a Selemia 1:18

E faitotonu le Eteleno, Talie na kau agatuu ki ana fakatotonu. Kotou fakalogo mai, koutou fuli, atu kakai, ti kotou tio ki loku mamae ! Kua ano ki le popula oku taineliki taupoou mo oku tama tupulaga.

Tagi laulau a Selemia 2:17

Kua fai e le Eteleno le nea leia na fakatuutuu e ia, Kua fakasoko e ia le folafola leia na fakatuutuu e ia talu mei fualoa, Kua maumaui e ia sala alofa ; Kua fakaliliu e ia a koe ko le fiafiaaga o le fili, Kua lagai e ia le makeke o latou ala e fakamamae ia a koe.

Tagi laulau a Selemia 3:42

Na motou agasala, ti na motou agatuu ! Na leaise ke fakamolemole !

Esekiele 20:43

I ai e kotou manatui loa akoutou agaveveli mo nea fuli ala na kotou fai o koutou kelekele ai ; e kotou fakalialia loa kia koutou totonu, o tupu ko nea fakalialia fuli ala na kotou fai.

Esekiele 37:11

Na pati mai loa a ia kiate au : Vosa o le tagata, ko ivi anei ko le fale katoa o Iselaele. Ko leinei, e lotou pati : Kua malo omatou ivi, ti kua maumaui lamatou amanaki malie, ti kua motou puli noa !

Taniela 4:28

Na soko loa a nea fuli ana ki le sau ko Nepukatenesale.

Oseo 5:9

E maumaui katoa loa Efalaimi i le aso o le tautea ; E kau fakasa ki faasiga o Iselaele se nea maoki.

Oseo 9:15

E sa lalatou agaveli fuli i Kilikale ; Ko le ganea lena na kau fakalialia ai kia latou. O tupu ko le veli o alatou gaoi, E kau kapu loa a ia i loku fale. E leaise kau toe alofa loa kia latou ; Ko olatou pule fuli ko ni kau agatuu.

Amosi 9:10

E mamate loa a tagata agasala fuli o loku kakai i le seleta, Latou ala e pati : E leaise fakafeofi mai loa le malaia, e leaise kaku mai loa a ia kia tatou.

Sakalia 1:7

I le aso kau lua tupu fa o le masina kau agafulu tupu tasi, le masina o Sepate, i le fetuu lua o Taliusi, na tuku loa le folafola a le Eteleno kia Sakalia, vosa o Pelekia, vosa o Ito, le polofeta, o pati :

Malakia 3:18

Ti e kotou toe tio loa ki le kesekese O le tagata agatonu mo le tagata agaveli, O leia e tausi ki le Atua Ti mo leia e leaise tausi kiate ia.

Numelo 23:19

Ko le Atua e leaise ko se tagata a ia ke loi, Pe ko se vosa a ia o le tagata ke toe fetogi manatu. Ko le nea leia kua folafola a ia ki ai, pe se fai loa e ia a ia ? Ko le nea leia kua fakapapau e ia, pe se fakasoko loa e ia a ia.

Numelo 32:23

Kae kapau e leaise kotou fai fenaaki loa, e kotou agasala loa ki le Eteleno ; ti ke kotou iloa e toe maua loa koutou e lakoutou agasala.

Numelo 33:56

Ti e soko loa e kau fai loa kia koutou le nea leia na kau fakapapau ke kau fai kia latou.

Mateo 24:35

E puli loa le lagi mo le kele, kae e leaise toe puli loa aku folafola.

Tetelonome 28:15

Kae kapau e leaise ke fakalogo loa ki le leo o le Eteleno, lou Atua, ti kapau e leaise ke tausi loa ti mo fai loa ana folafola fuli mo ana lao fuli ala e kau tuku atu kiate koe i le aso nei, ko nei loa malaia fuli ala e au loa kiate koe o fakaapele a koe :

Tetelonome 28:2

Ko nei a tapuakina fuli ala e ifo mai loa kiate koe o fakaapele ia a koe, mo kapau e ke fakalogo loa ki le leo o le Eteleno, lou Atua :

Tetelonome 28:20

E kakau mai loa e le Eteleno kiate koe le malaia, mo le mamae, mo le tautea, i au gaoi fuli, o kaku ki lou maumaui mo lou mate fakafokifa, o tupu ko le fakalialia o au gaoi mo lau tiaki ia le Eteleno.

Tetelonome 28:45

E au loa malaia fuli kiate koe, ti e lotou muli loa iate koe, ti e lotou maua loa a koe o kaku ki lou maumaui oki, talie na leaise ke fakalogo loa ki le leo o le Eteleno, lou Atua, o tausi ana folafola mo ana lao ala e soli atu e ia kiate koe.

Uluaki tosi ki le kau Tesalonika 5:4

Kae ko koutou, fetaina, e leaise kotou nofo i le fakapouli, ke fakamauatoka koutou e le aso lena ofaipe se tagata kaia ;