Sakalia 1:4 - Tosi Tapu

⁴ Aua na kotou faipe okoutou tamana, ala na masau ki ai le kau polofeta i mua, o pati : E folafola le Eteleno o kau tau : Kotou maliu mei okoutou ala veveli, ti mo akoutou gaoi veveli ! Kae na leaise lotou fakalogo, ti na leaise lotou tokaga fua kiate au, e folafola le Eteleno.

Sakalia 1:4 ပူးပေါင်းရင်းမြစ်များ

Lua tosi o Koloniko 30:6

Na ano loa a tagata avelogo mo tosi a le sau mo lana kau pule i Iselaele katoa mo Suta. Ti na lotou mulimuli loa ki le fakatotonu a le sau, o lotou pati : Fanau a Iselaele, kotou toe liliu mai ki le Eteleno, le Atua o Apalaamo, mo Isaake, ti mo Iselaele, o tupu ke toe maliu mai a ia kia koutou, ga toetoega leia na sao mei lima o le sau o Asilia.

Lua tosi o Koloniko 30:7

Aua na kotou faipe okoutou tamana mo okoutou fetaina, ala na agasala ki le Eteleno, le Atua o okoutou tamana, ti na tuku e ia ki le malaia ofaipe le nea leia e kotou tio ki ai.

Lua tosi o Koloniko 34:21

Kotou ano o afa le finegalo o le Eteleno kiate au mo latou fuli ala na toe i Iselaele mo Suta, o uiga mo folafola o le tosi leinei na maua ; talie kua lasi ai le sausau o le Eteleno kua mafola kia tatou, o tupu na leaise tausi e otatou tamana le folafola a le Eteleno, ti na leaise lotou fai a nea fuli ala na tosi i le tosi leinei.

Esetalasi 9:7

Talu mei aso o omatou tamana kua motou agasala lasi o kaku mai ki le aso leinei. Ti ko amatou agasala ala kua tuku ia matou, mo omatou sau, mo omatou tagata faisakilifisio, ki lima o sau matapule, mo le seleta, mo le popula, mo le maumau, ti mo le luma leia kua ufiufi ia omatou mata i le aso nei.

Neemia 9:16

Kae na fia nealasi omatou tamana, o fakafefeka olatou ua. Na leaise lotou fakalogo loa ki au folafola,

Neemia 9:26

Kae na lotou malaga loa kiate koe. Na lotou tiaki loa lau lao ki muli, ti na lotou tamate loa lau kau polofeta leia na kolekole kia latou ke toe liliu mai kiate koe, ti na lotou fai loa kiate koe ni nea veveli.

Neemia 9:30

Na ke kataki kia latou i ni fetuu mauke, ti na ke fakatokaga kia latou ki lou Laumalie, i lau kau polofeta ; kae na leaise tokaga fua olatou taliga. Koia na ke tuku ai loa latou ki lima o ni kakai matapule.

Pesalemo 78:8

O tupu ke aua na lotou faipe olatou tamana, Se lanu patigataa mo agatuu, Se lanu leia na leaise tuu mau lona loto, Ti na leaise agatonu lona laumalie ki le Atua.

Esaia 31:6

Fanau a Iselaele, Kotou toe liliu mai ki leia na kotou agatuu veli ki ai !

Selemia 18:11

Masau i le aso nei ki tagata o Suta ti mo le kakai o Selusalemi, o pati : E folafola le Eteleno, o pati : Ko leinei, e kau teuteu kia koutou se malaia, E kau Fakakaukau se fakatuutuu kia koutou. Ke tasi tafoki mai le tagata mei lona ala veli ! Kotou fai ke malilie okoutou ala mo akoutou gaoi !

Selemia 23:22

Ka na lotou kau ki laku fono, Na lotou fakasa loa aku folafola ki loku kakai, Ke fakatafoki mai latou mei olatou ala veveli, mei lalatou agaveli.

Selemia 25:8

Koia e folafola le Eteleno o kau tau, o pati : Talie na leaise kotou fakalogo ki aku folafola,

Selemia 26:5

Ke fakalogo ki folafola a aku tagata fakasausau, le kau polofeta, ala na kau kakau atu kia koutou, ala na kau kakau atu kia koutou koi usu ti na leaise kotou fakalogo kia latou,

Selemia 3:12

Ano, kalaga a masau anei ki le potu noleto, o pati : E pati le Eteleno : Tafoki mai kiate au, fafine agatuu ko Iselaele ! E leaise kau tio fakaitaita loa kia koutou, Talie e kau manava alofa, E leaise kau taupau loku sausau o lee gato.

Selemia 3:14

Kotou tafoki mai kiate au, fanau agatuu, e pati le Eteleno, Talie ko au ko lokoutou pule. E kau too loa koutou, tasi i se kolo, lua i se famili, Ti e kau toe aumai loa koutou ki Sione.

Selemia 35:15

Na kau kakau atu kia koutou aku tagata fakasausau fuli, le kau polofeta, na kau kakau atu latou koi usu, o pati kia koutou : Kotou tasi toe liliu mai mei lona ala veli, kotou fai akoutou gaoi ke malilie, aua na kotou ano o tausi ki ni iki ake atua kese, o tupu ke kotou nonofo loa i le fenua leia kua kau soli kia koutou mo okoutou tamana. Kae na leaise tokaga mai okoutou taliga, ti na leaise kotou fakalogo mai kiate au.

Selemia 4:1

Iselaele, kapau e ke tafoki mai, kapau e ke tafoki mai kiate au, e pati le Eteleno, Kapau e ke too au nea fakalialia i oku mua, E leaise ke toe sese loa.

Selemia 44:16

E leaise motou fakalogo loa ki se nea i nea ala kua ke fakasa mai kia matou i le suafa o le Eteleno.

Esekiele 14:6

Koia, ke ke pati ki le kakai o Iselaele : E folafola le Aliki, le Eteleno : Kotou toe fakasemala, ti kotou tafoki i okoutou taulaatua ; kotou tafoki okoutou mata i akoutou nea fakalialia fuli !

Esekiele 20:18

Na kau pati loa ki olatou vosa i le toafa : Aua na kotou mulimuli ki lekula o okoutou tamana, ti aua na kotou taupau alatou agai fenua, ti aua na kotou fakakelekele koutou ki olatou taulaatua !

Esekiele 33:11

Pati kia latou : E kau mauli ! e pati le Aliki, le Eteleno, ko le nea leia e kau loto ki ai, e leaise ko le mate o le tagata agasala, kae ke fetogi lona mauli ti ke mauli a ia. Kotou toe liliu mai, kotou toe liliu mai i lokoutou ala veli ; kolea e kotou mamate ai loa, fale o Iselaele ?

Esekiele 33:4

ti kapau e leaise tokaga loa le tagata leia e logo loa ki le tagi o le fakatagi pupusi, ti e au loa le seleta o mautoka a ia, ti e vilo loa lona toto ki lona ulu.

Taniela 9:6

Na leaise motou fakalogo ki au tagata fakasausau, le kau polofeta, ala na masau i lou suafa ki omatou sau, mo omatou pule, mo omatou tamana, ti mo le kakai katoa o le fenua.

Oseo 14:1

Iselaele, toe liliu mai ki le Eteleno, lou Atua, Talie kua ke vilo o tupu ko lau agaveli.

Amosi 5:24

Kae ke fai le loto sako pe se tafe, Ti mo le faitotonu pe se liua makeke leia e leaise toe masa i se aso.

Mikea 2:6

E lotou pati : Aua na kotou kikite ! Ke aua na kotou kikite ni nea fenaaki ! E leaise koi oki a lauveli !

Sakalia 1:3

Koia fakasa ai kia latou : E folafola le Eteleno o kau tau, o pati : Kotou toe liliu mai kiate au ; ti e kau toe liliu mai loa kia koutou, e folafola le Eteleno o kau tau.

Sakalia 7:7

Pe leaise kotou iloa a folafola ala na fakasa e le Eteleno i ana kau polofeta mua, i le temi leia na nofoi ai mo fimalie ai Selusalemi mo ona kolo liliki fuli, ti na nofoi ai foki mo le potu saute mo le potu toafa o le fenua ?

Gaoi 26:20

kae na kau fakasa kia latou ala i Tamaso mua, mo latou ala i Selusalemi, mo latou ala i le fenua katoa o Sutea, ti mo le kau pagani, ke lotou fakasemala ti ke lotou tafoki ki le Atua, o fai a gaoi ala e gali mo le fakasemala.

Gaoi 3:19

Koia kotou fakasemala mo kotou tafoki, ke fakamolemole ai akoutou agasala,

Uluaki tosi a Petelo 1:18

Talie e kotou iloa na leaise totogi koutou ki ni nea popo, ki se paaga pe ko se aulo, mei le mauli vaiga leia na kotou maua mei okoutou tamana,