Sakalia 1:21 - Tosi Tapu

²¹ Na kau pati loa : Kolea le nea leia e lotou au o fai ? Ti na pati loa a ia : Ko tala ana ala na fakamavete ia a Suta, ti ko tagata fai ukamea ana ala na au o fakaii kia latou, ti mo maumaui a tala o atu puleaga, ala na laga ia olatou tala ki le fenua o Suta, ke veteki ai lona kakai.

Sakalia 1:21 ပူးပေါင်းရင်းမြစ်များ

Pesalemo 75:10

E kau fakasa loa a nea ana o lee gato ; E kau sua loa le mauiga o le Atua o Sakopo.

Pesalemo 83:2

Ei Atua, aua na ke nofo fakalologo ! Aua na ke fakaleemu, ti aua na ke malolo, ei Atua !

Tagi laulau a Selemia 2:17

Kua fai e le Eteleno le nea leia na fakatuutuu e ia, Kua fakasoko e ia le folafola leia na fakatuutuu e ia talu mei fualoa, Kua maumaui e ia sala alofa ; Kua fakaliliu e ia a koe ko le fiafiaaga o le fili, Kua lagai e ia le makeke o latou ala e fakamamae ia a koe.

Taniela 12:7

Ti na kau logo loa ki le tagata kofu tea, leia na tuu i aluga o vai o le vaitafe ; na siki loa e ia ki le lagi lona lima atamai mo lona lima sema, ti na fakapapau loa a ia i leia e mauli o lee gato, e soko loa i se temi, mo ni temi, ti mo se vaeluai temi, ti e oki loa nea fuli ana i le aso leia e fatifatii ai loa le makeke katoa o le kakai maokioki.

Sakalia 1:19

Na kau pati loa ki le aselo leia na masau mai kiate au : Kolea le uiga o tala anei ? Ti na pati mai loa a ia kiate au : Ko tala ana ala na fakamavete ia a Suta, mo Iselaele, ti mo Selusalemi.