Sakalia 1:17 - Tosi Tapu

¹⁷ Ke ke toe kalaga, o pati : Ko leinei le folafola a le Eteleno o kau tau : E toe maua loa e oku kolo olatou koloa o lasi ai ; e toe fakafimalie loa e le Eteleno a Sione, ti e toe filifili loa e ia Selusalemi.

Sakalia 1:17 ပူးပေါင်းရင်းမြစ်များ

Lua tosi o Koloniko 6:6

kae kua kau filifili Selusalemi ke agai ai loku suafa, ti kua kau filifili Tavite ke pule ki loku kakai ko Iselaele !

Neemia 11:20

Ko le toega o Iselaele, le kau tagata faisakilifisio mo le kau Levi, na nonofo loa i kolo fuli o Suta, i lona kele.

Neemia 11:3

Na nofo loa le kau pule o le fenua i Selusalemi, kae na tasi nofo loa i lona kolo i Suta mo lona kele le toega o le kakai o Iselaele, le kau tagata faisakilifisio, mo le kau Levi, mo le kau Netinia, mo vosa o tagata fakasausau a Salomone.

Pesalemo 69:35

Ke fakafetai kiate ia le atu lagi mo le kele, Le tai mo nea fuli e taugaoi i ai !

Esaia 14:1

Talie e alofa loa le Eteleno kia Sakopo, E toe filifili loa e ia Iselaele, Ti e toe fakanonofo loa e ia laua i lola fenua ; Ti e fakatasi loa mo laua le kau matapule, Ti e lotou pipiki loa ki le fale o Sakopo.

Esaia 44:26

E kau fakamaoki ki le masau a laku tagata fakasausau, Ti e kau fakasoko le nea leia kua fakasa fakatomua e aku tagata fakafofoga ; E kau pati ki Selusalemi : E nofo loa i ai, Ti e kau pati ki kolo o Suta : E toe laga loa latou ; Ti e kau toe fakatuu loa ona kolo maumau.

Esaia 49:13

Atu lagi, kotou fakafiafia ! Kele, kotou nekenekea ! Atu mauga, kotou kalaga fakafiafia ! Talie e fakapelepele e le Eteleno lona kakai, Ti kua alofa a ia ki lona kakai na mamae.

Esaia 51:12

Ko au, ko au leia e fakapelepele ia koutou. Ei loku kakai, kolea e ke i ai ki le tagata leia e mate, Ki le vosa o le tagata leia e tatau mo le mutie ?

Esaia 51:3

Talie e alofa le Eteleno ki Sione, Ti e alofa a ia ki ona maumau fuli ; E fakaliliu loa e ia lona toafa ofaipe se Palatiso, Ti mo lona kele malo ofaipe se oloto a le Eteleno. E maua loa i ai le fiafia mo le nekenekea, A fakafetai ti mo le sua o katiko.

Esaia 52:9

Kotou fai fakatasi ni kalaga fakafiafia, Koutou ko maumau o Selusalemi ! Talie e fakapelepele e le Eteleno lona kakai, E toe totogi e ia Selusalemi.

Esaia 54:8

I se ga temi ikiiki o le ita, na kau fufu oku mata iate koe, Kae i se alofa lee gato e kau aloalo malie loa kiate koe, E pati le Eteleno, leia na totogi ia a koe.

Esaia 66:13

Ofaipe se tagata leia e fakapelepele e lona tinana, E kau fakapelepele felaaki loa koutou ; E kau fakapelepele loa koutou i Selusalemi.

Selemia 31:13

Ti e mako fiafia loa taineliki, E toe fiafia foki a kau tupulaga mo kau matua ; E kau fetogi loa lolatou mamae ki le nekenekea ti e kau fakapelepele loa latou ; E kau soli loa kia latou le fiafia i le oki o mamae.

Selemia 33:13

I kolo o le mauga, mo kolo o le potu laumalie, I kolo o le potu saute, I le fenua o Pesamino ti mo tafatafa o Selusalemi, Ti mo kolo o Suta, E toe ano loa a ovi i lalo o le lima o leia e lau ia latou, E pati le Eteleno.

Selemia 33:9

E liliu loa le kolo leinei kiate au ko se nea fakatupu fiafia, mo fakatupu fakafetai, ti mo fakatupu kololia, I lotolotoga o atu puleaga fuli o le malama nei, Ala e logo loa ki le tapuakina leia e kau fai loa kia latou ; E lotou ofolele loa ti e lotou sevaia loa, I le malie katoa mo le manuia ala e kau soli loa kia latou.

Esekiele 36:33

E folafola le Aliki, le Eteleno, o pati : I le aso leia e kau fakamea ai loa koutou i akoutou agaveli fuli, e kau fakakakai loa a kolo, ti e toe lagai loa ki aluga a kolo ala na maumaui ;

Amosi 9:14

E kau toe aumai loa le kau popula o loku kakai ko Iselaele. E lotou toe laga loa a kolo maumau, ti e lotou nonofo loa i ai. E lotou to loa ni vite ti e lotou inu loa lona vino. E lotou fai loa ni oloto ti e lotou kai loa lona fua.

Apetiasi 1:20

Ko le kau popula o le kau tau lena o fanau a Iselaele E maua ia loa le fenua leia na nonofo ai le kau Kanaane o kaku ki Salepeta ; Ti ko le kau popula o Selusalemi ala e nonofo i Sefalate E maua ia loa a kolo o le saute.

Sakalia 1:14

Ti na pati mai loa kiate au le aselo leia na masau mai kiate au : Kalaga, o pati : E folafola le Eteleno o kau tau, o pati : Kua kau finenonofo lasi o tupu ko Selusalemi mo Sione,

Sakalia 1:18

Na tagaki loa oku mata, ti na kau tio, ti ko leinei, na i ai ni tala e fa.

Sakalia 2:12

E maua loa e le Eteleno a Suta ko lona vaega I le kele maokioki, Ti e toe filifili loa e ia Selusalemi.

Sakalia 2:4

Ti na pati loa a ia ki le aselo leia na au : Makape o masau ki le tama lena, o pati : E liliu loa Selusalemi ko se kolo mavaa, o tupu ko le api o tagata mo manu ala e nonofo loa i ai ;

Sakalia 3:2

Na folafola loa le Eteleno kia Satana : Ke valoki a koe, Satana, e le Eteleno ! Ke valoki a koe e le Eteleno, leia kua filifili ia Selusalemi ! Pe leaise ko se ugaafi kaka a koe kua tatai mei le afi ?

Efeso 1:4

Iate ia na filifili tatou e le Atua i mua o le fakatupu o le malama nei, ke tou liliu o maokioki mo lee mele i ona mua ;