Sakalia 1:16 - Tosi Tapu

¹⁶ Koia kua folafola ai le Eteleno, o pati : Kua kau toe liliu mai i loku alofa ki Selusalemi ; e toe fakatuu loa loku fale i ai, ti e toe toso loa le fua i Selusalemi.

Sakalia 1:16 ပူးပေါင်းရင်းမြစ်များ

Sopo 38:5

Ko ai leia na fakakaukaui ia ona fuafua, pe ke iloa a ia ? Ti ko ai leia na fua ia le kele ki le meta ?

Esaia 12:1

E ke pati loa i le aso lena : E kau fakafetai kiate koe, Eteleno ! Talie na ke sausau kiate au, Kae kua ke fakamaliu lou ita iate au, ti kua ke fakafimalie au.

Esaia 34:11

E maua loa a ia e le pelikano mo le eliso, E nonofo loa i ai le lulu mo le kolopo. E fao loa i ai le afo o le lavaki, Ti mo le nivo o le maumau.

Selemia 30:18

E folafola le Eteleno, o pati : Ko leinei, e kau toe aumai le kau popula o falela o Sakopo, E kau alofa ki ona nofoaga. E toe laga loa le kolo i lona tuuaga afea, E toe fakatuu loa le fale sau ki lona tuu afea.

Esekiele 40:3

Na taki loa e ia a au ki ai ; ti ko leinei, na i ai se tagata, leia na gigila o tatau mo le sila ; ti na too e ia i lona lima se afo tea, mo se fa u ke fua ai, ti na tuu a ia i le matapa.

Esekiele 47:3

Na saele loa le tagata o ano fakaaga ki le esite ; ti na too loa e ia i lona lima se afo ti na fua loa e ia ni meta e kau lelau lima. Ti na taki loa e ia au ki loto malie o le vai, ti na kaku loa le vai ki oku fatuvae.

Esekiele 48:35

Ko le loa o le kaua leia e takatakai ia loa le kolo katoa : ko kilometa e iva. Ti e igoa loa le kolo i le aso lena : Ko le agaiaga o le Eteleno.

Akeseo 1:14

Na fafagu loa e le Eteleno le laumalie o Solopapele, vosa o Saletiele, kovana o Suta, ti mo le laumalie o Sosue, vosa o Sotesatake, le tagata faisakilifisio lasi, ti mo le laumalie o le toega katoa o le kakai. Na lotou au loa, ti na lotou kamata loa le gaoi i le fale o le Eteleno o kau tau, lolatou Atua,

Sakalia 10:6

E kau fakamakeke loa le fale o Suta, Ti e kau saofaki loa le fale o Sosefo ; E kau toe aumai loa latou, talie e kau alofa loa kia latou, Ti e lotou fai loa pe ni iki ala na leaise kau tiaki ; Talie ko au ko le Eteleno, lolatou Atua, ti e kau tali loa latou.

Sakalia 2:4

Ti na pati loa a ia ki le aselo leia na au : Makape o masau ki le tama lena, o pati : E liliu loa Selusalemi ko se kolo mavaa, o tupu ko le api o tagata mo manu ala e nonofo loa i ai ;

Sakalia 2:5

Ti na pati loa le Eteleno : E kau liliu loa kiate ia ko se kaua afi i lona takatakai katoa, ti e kau liliu loa ko lona kololia i loto malie o ona.

Sakalia 2:6

Kotou sosola, kotou sosola i le fenua o le noleto ! E pati le Eteleno : Talie na kau fakamavetevete koutou ki potupotu e fa o le lagi, E pati le Eteleno.

Sakalia 4:9

Kua teki e lima o Solopapele le fakatafito o le fale leinei, ti e toe fakaoki loa a ia e ona lima ; ti e ke iloa loa na kakau mai au e le Eteleno o kau tau kia koutou.

Sakalia 8:3

Koia e folafola ai le Eteleno, o pati : Kua kau toe liliu mai ki Sione, ti kua kau loto ke kau nofo i loto malie o Selusalemi. E fakaigoa loa Selusalemi ko le kolo agatonu, ti e fakaigoa loa le mauga o le Eteleno o kau tau ko le mauga maokioki.