Sakalia 1:14 - Tosi Tapu

¹⁴ Ti na pati mai loa kiate au le aselo leia na masau mai kiate au : Kalaga, o pati : E folafola le Eteleno o kau tau, o pati : Kua kau finenonofo lasi o tupu ko Selusalemi mo Sione,

Sakalia 1:14 ပူးပေါင်းရင်းမြစ်များ

Esaia 37:32

Talie e toe somo ake loa se ga toetoega i Selusalemi, ti mo ni iki na sao i le mauga o Sione. Ko lena le nea leia e fai loa e le alofa o le Eteleno o kau tau.

Esaia 38:22

Ti na pati loa Esekiasi : Kolea le fakamailoga e kau iloa ai loa e kau toe pale loa ki le fale o le Eteleno ?

Esaia 40:1

Kotou fakafimalie, kotou fakafimalie loku kakai ! E pati lokoutou Atua.

Esaia 40:2

Kotou masau ki le loto o Selusalemi, ti kotou kalaga kiate ia Kua oki lona popula, Kua fakamolemole lana agaveli, Kua maua e ia mei le lima o le Eteleno O liuga lua o ana agasala fuli.

Esaia 40:6

Na pati se leo : Kalaga ! Ti na tali a ia : Kolea ke kau kalaga ? E tatau tagata fuli mo le mutie, Ti e tatau lona kololia mo le se o faisaga.

Esaia 42:13

E saele mai le Eteleno ofaipe se tagata toa, E fakasa e ia lona sausau ofaipe se tagata tau ; E siki e ia lona leo, e laku e ia ni kalaga makeke, E fakasa e ia lona makeke ki ona fili.

Esaia 59:17

Na kofu e ia le faitotonu ofaipe se kofu tau, Ti na teki e ia ki lona ulu le puloga o le fakamauli ; Na too e ia le sausau o kofu, Ti na pulupulu a ia ki le finenonofo.

Esaia 63:15

Tagaki mei le lagi, ti ke tio, Mei lou nofoaga maokioki mo fakakololia : Kofea lou alofa mo lou mafimafi ? E leaise koi logo mai kiate au Le ta o lou mafu ti mo ou aloalofa.

Esaia 9:7

E kakau e le Eteleno se folafola kia Sakopo, Ti kua vilo a ia ki Iselaele.

Esekiele 36:5

E folafola le Aliki, le Eteleno, o pati : Io, i le afi o loku finenonofo, E kau masau ki la ake puleaga ti mo Etome katoa, Ala na too ia loku fenua ma latou, I le fiafia katoa o lolatou loto mo lolatou vesia kiate ia, O tupu ke lotou kaia ona fua.

Oseo 11:8

Kolea e kau fai loa kiate koe, Efalaimi ? Pe tonu ke kau tiaki a koe, Iselaele ? Pe kau tautea loa a koe ofaipe Atema ? Pe kau fakaliliu loa a koe ke tatau mo Tesepoimi ? Kua ta loku mafu i loku loto, Kua malaga oku manava alofa fuli.

Soele 2:18

E finenonofo lasi le Eteleno ki lona fenua, Ti e fakamauli e ia lona kakai.

Naume 1:2

Ko le Eteleno ko se Atua finenonofo, E totogi e ia ; e apele a ia i le itaita ; E totogi e le Eteleno kia latou ala e agatuu kiate ia, E taofi e ia lona ita ki ona fili.

Sakalia 1:13

Na tali loa le Eteleno ki le aselo leia na masau mai kiate au ki ni kupu malilie ti mo ni kupu fakafimalie.

Sakalia 1:17

Ke ke toe kalaga, o pati : Ko leinei le folafola a le Eteleno o kau tau : E toe maua loa e oku kolo olatou koloa o lasi ai ; e toe fakafimalie loa e le Eteleno a Sione, ti e toe filifili loa e ia Selusalemi.

Sakalia 1:9

Na kau pati : Ko ai ma a osi anei, ei loku aliki ? Ti na pati loa le aselo leia na masau mai kiate au : E kau fakatio loa a koe ki le mauiga o osi anei.

Sakalia 4:1

Na toe au loa kiate au le aselo leia na masau mai kiate au, o fafagu au ofaipe se tagata leia na fafagu mei lana moe.