Sakalia 1:13 - Tosi Tapu

¹³ Na tali loa le Eteleno ki le aselo leia na masau mai kiate au ki ni kupu malilie ti mo ni kupu fakafimalie.

Sakalia 1:13 ပူးပေါင်းရင်းမြစ်များ

Esaia 57:18

Na kau tio ki ona ala, Ti e kau fakamauli loa a ia ; E kau liliu loa kiate ia ko lona tagata taki, Ti e kau fakapelepele loa a ia, a ia ti mo latou ala e tagi mo ia.

Selemia 29:10

Kae ko leinei le nea leia e fakasa e le Eteleno : Ka sili loa ni fetuu e kau fitu o Papilone, e kau toe manatui loa koutou, ti e kau fakasoko loa kia koutou laku folafola malie, o kau toe aumai loa koutou ki le ganea leinei.

Taniela 12:6

Na pati loa le tasi ia laua ki le tagata kofu tea, leia na tuu i aluga o vai o le vaitafe : Ko afea loa e soko ai le fakaoki o nea fakaofolele ana ?

Sakalia 1:9

Na kau pati : Ko ai ma a osi anei, ei loku aliki ? Ti na pati loa le aselo leia na masau mai kiate au : E kau fakatio loa a koe ki le mauiga o osi anei.

Sakalia 4:1

Na toe au loa kiate au le aselo leia na masau mai kiate au, o fafagu au ofaipe se tagata leia na fafagu mei lana moe.

Sakalia 8:19

E folafola le Eteleno o kau tau, o pati : E liliu loa le sesunio o le fa o masina, mo le sesunio o le fitu o masina, ti mo le sesunio o le kau agafulu o masina ki le fale o Suta ko ni aso lalasi mo ni aso fiafia, ko ni aso apele i le fiafia mo ni fakafiafia. Kae ke kotou alofa ki le maoki mo le tokamalie.