Pesalemo 98:2 - Tosi Tapu

² Na fakasa e le Eteleno lona fakamauli, Na fakasa e ia lona faitotonu ki mata o atu puleaga.

Pesalemo 98:2 ပူးပေါင်းရင်းမြစ်များ

Pesalemo 22:31

E tausi loa le sakoga kiate ia ; E masau loa ki le Aliki i le tautupu muli.

Pesalemo 24:5

E maua loa e ia le tapuakina a le Eteleno, Le manava alofa o le Atua o lona fakamauli.

Esaia 46:13

E kau fakafeofi mai laku faitotonu : e leaise mamao a ia ; Ti ko laku fakamauli : e leaise tuvai loa. E kau tuku loa le fakamauli i Sione, Ti mo loku kololia i Iselaele.

Esaia 49:6

E pati a ia : Ko se nea noa ke ke liliu ko laku tagata fakasausau O toe lagai a faasiga o Sakopo, Ti mo toe aumai a toetoega o Iselaele : E kau fakanofo a koe ke liliu ko le malama o atu puleaga, Ke ave ia loku fakamauli o kaku ki potupotu o le malama nei.

Esaia 52:10

E fakasa e le Eteleno le lima o lona maokioki I mata o atu puleaga fuli ; Ti e tio loa a potupotu fuli o le malama nei Ki le fakamauli a lotatou Atua.

Esaia 52:7

E lotou fulumalilie ai i mauga, A vae o leia e ave ia ni logo malilie, O leia e fakasa ia le tokamalie ! O leia e ave ia ni logo malilie, O leia e fakasa ia le fakamauli ! O leia e pati ki Sione : E sau lou Atua !

Esaia 62:2

Ti e tio loa a atu puleaga ki lou fakamauli, Ti mo sau fuli ki lou kololia ; Ti e fakaigoa loa a koe ki se igoa foou, Leia e filifili loa e le gutu o le Eteleno.

Selemia 23:6

I lona temi, e fakamauli loa a Suta, E maua loa e Iselaele le fimalie i lona nofoaga ; Ti ko leinei le igoa leia e fakaigoa loa a ia ki ai : Le Eteleno lomatou faitotonu.

Mateo 28:19

Kotou ano, kotou fai ni tisipulo i puleaga fuli, o papitema latou i le suafa o le Tamana, mo le Alo mo le Laumalie Maokioki,

Maleko 16:15

Ti na pati loa a ia kia latou : Kotou ano i le malama nei katoa, ti kotou fakamafola le logo malie ki tagata fuli.

Luka 3:6

Ti e tio loa a kanofi fuli ki le fakamauli o le Atua.

Loma 1:17

talie i le Evaselio e fakasa ai le faitotonu o le Atua i le tui ti ki le tui, o mulimuli ki le nea leia e tuu i le Tosi : E mauli loa le tagata agatonu i le tui.

Loma 10:18

Kae e kau pati : Pe na leaise lotou logo ? E io ! Kua taka olatou leo i le malama nei katoa, Ti kua kaku alatou folafola ki potupotu o le malama nei.

Loma 9:30

Kolea loa ke tou pati ? Ko le kau pagani, ala na leaise afa ia le faitotonu, kua maua ia le faitotonu, le faitotonu leia e au mei le tui,

Lua tosi ki le kau Kolinto 5:21

Ko leia na leaise iloa ia le agasala, na fakaliliu a ia e le Atua ko le agasala kia tatou, o tupu ke tou liliu iate ia ko le faitotonu a le Atua.

Filipe 3:9

ti ke maua au iate ia, o leai i laku faitotonu, leia e au mei le lao, kae i le faitotonu leia e maua i le tui kia Kilisito, le faitotonu leia e au mei le Atua i le tui.

Tito 2:13

o talitali ki le amanaki malie manuia, ti mo le fakasa o le kololia o lotatou Atua lasi ti mo lotatou Fakamauli ko Sesu-Kilisito.

Lua tosi a Petelo 1:1

Ko au Simone Petelo, ko le tagata fakasausau ti mo le apositolo a Sesu-Kilisito, kia latou ala kua kau mo matou ki se tui mauiga e tasi i le faitotonu o lotatou Atua mo lotatou Aliki ko Sesu !