Pesalemo 97:7 - Tosi Tapu

⁷ E lotou luma fuli latou ala e tausi ki fakatata, Latou ala e fakakololia i taulaatua. E punou a atua fuli i ona mua.

Pesalemo 97:7 ပူးပေါင်းရင်းမြစ်များ

Lua tosi o Koloniko 3:13

Na mafolafola loa a kapakau o selupino ana o meta kau agafulu. Na la tutuu loa i ola vae, o aga ola mata ki le fale.

Ekesote 20:4

Aua na ke fai loa kiate koe se fakatata fatu, pe ko se paaki o se nea leia e maua i aluga i le lagi, pe ko se nea leia e maua i lalo i le kele, pe ko se nea leia e maua i le tai leia e taulalo ake i le kele.

Ekesote 25:20

E folasi loa e selupino ola kapakau i aluga, o malui le nofoaga o le manava alofa ki ola kapakau, ti e feagaaki loa ki loto a selupino, o tio ki le nofolaga o le manava alofa.

Esaia 41:29

Ko leinei, ko latou fuli ko nea noa, Ko alatou gaoi ko le noa, Ko olatou taulaatua ko se matagi noa.

Esaia 42:17

E lotou solomuli loa, e lotou luma loa, Latou ala e fanaki ki taulaatua ta, Latou ala e pati ki taulaatua ukamea saka : Ko koutou ko omatou atua !

Esaia 42:7

Ke fakamavaa ia a mata o kivi, Ke fakamavae ia i le pilisoni le tagata popula, I lolatou kogafale pilisoni latou ala e nonofo i le fakapouli.

Esaia 45:16

Kua lotou luma fuli ti kua lotou fakasemala fuli i le fau o taulaatua. Kua lotou saele tulolo fuli i le luma, Latou fuli ala na fau ia ni taulaatua.

Selemia 10:14

E liliu a tagata fuli o valelea i mua o lona poto, Ti e luma a tagata gaoi ukamea fuli i le fakatata leia na lotou fau ; Talie ko loi ata a taulaatua ana, E leaise maua fua se tukumanava ia latou.

Selemia 2:26

Ofaipe se tagata kaia leia e luma moka mauatoka, E lotou luma loa, latou o le fale o Iselaele, Latou, mo olatou sau, mo olatou pule, Mo olatou kau faisakilifisio ti mo olatou kau polofeta.

Levitiko 26:1

Aua na kotou fai loa ni taulaatua loi, aua na kotou fakatuu loa kia koutou ni fakatata togi, ti aua na kotou fakatuu loa i lokoutou fenua se fakatata fatu, ke kotou punou loa i ona mua ; talie ko au ko le Eteleno, ko lokoutou Atua.

Tetelonome 27:15

Ke malaia le tagata leia e fai ia loa se fakatata ta, pe ko se fakatata saka, o fakatuu a ia i se ganea fakapulipuli ! Talie e fakalialia le Eteleno ki le nea a ia, ki le nea leia na gaoi e lima o le tagata tufuga. Ti e tali loa le kakai katoa : Amene !

Tetelonome 5:8

Ke aua na ke fai ia loa se fakatata, pe ko se paaki o se nea fua e tasi i nea ala e maua i aluga i le lagi, mo aluga o le kele, mo le vai o taulalo ake i le kele.

Epelo 1:6

Ti i lana fakaulu le uluaki tupu ki le malama nei, na toe pati a ia : Ke atolasio kiate ia a aselo fuli o le Atua

Uluaki tosi a Petelo 1:12

Na fakasa loa kia latou ko nea ala na tuku kia latou ko ni nea, o leai kia latou totonu, kae kia koutou. Ti kua fakasa atu kia koutou a nea ana i le temi nei e latou ala na akonaki ia le Evaselio i le Laumalie Maokioki leia na kakau mei lagi, ti e oli le kau aselo ke tio ki ai.

Uluaki tosi a Samuele 5:3

I le apogipogi ake, na alaala mafoata loa le kakai o Asetoti, ti ko leinei, kua vilo Takone o fakapulou ki le kele, i mua o le aleka o le Eteleno, ti na lotou toe fakatuu loa a ia ki lona tuuaga.