Pesalemo 97:3 - Tosi Tapu

³ E saele le afi i ona mua, Ti e tutu e ia ona fili i ona tafatafa.

Pesalemo 97:3 ပူးပေါင်းရင်းမြစ်များ

Pesalemo 18:8

Na lui loa le malama nei ti na lulu loa a ia. Na galulu loa a tafito o mauga, Ti na lotou sisiga loa, talie na ita le Eteleno.

Pesalemo 18:9

Na mafuta se afu i ona pogoisu, Ti na ulu mai se afi kaka mei lona gutu : Na mapusipusi mei ai ni malala kaka.

Pesalemo 50:3

E au lotatou Atua, e leaise nofo fakalologo a ia ; E ano se afi kaka i ona mua, E takatakai a ia e se afa makeke.

Esekiele 1:4

Na kau tio loa, ti ko leinei, na au loa mei le potu noleto se asesio : ko se ao matotolu mo se afi takamilomilo, ti na takatakai a ia e se malama, ti na gigila i loto malie ofaipe se sila momole leia nao too fua mei le afi.

Taniela 7:10

Na tafe se vaitafe afi mei ona mua. Na lau i afe mo afe latou ala na tausi kiate ia, ti mo miliona mo miliona latou ala na tutuu i ona mua. Na ekeeke loa a tui fakamaau, ti na fakamavaa loa ni tosi.

Apakuki 3:5

I ona mua e saele ai le taumasaki, Ti e muli iate ia le taumasaki.

Malakia 4:1

Talie ko leinei, e au le aso, Kaka ofaipe se gutuumu. Ko le kau fia nea lasi fuli mo le kau agaveli fuli e fai loa pe le penu ; E tutu loa latou e le aso leia e au, E pati le Eteleno o kau tau. E leaise toe loa ia latou se aka pe ko se taulu.

Tetelonome 32:22

Talie kua tutu le afi o loku sausau, Ti e mu loa a ia o kaku ki le tafito o le nofoaga o le kau mate ; E tutu loa e ia le kele mo ona nea fuli, E tutu loa e ia a tafito o mauga.

Tetelonome 4:11

Na kotou fakafeofi ake loa ti na kotou tutuu loa i lalo o le mauga. Na ulaula katoa le mauga o kaku ki le lagi, ti na kofu a ia e se kokofu, mo se ao, mo se fakapouli matotolu.

Tetelonome 4:36

Mei le lagi, na fakasa e ia lona leo kiate koe, o ako a koe ke poto i le fakalogo ki lona leo. I le kele, kua fakatio e ia a koe ki se afi lasi, ti kua ke logo ki lana masau mei loto o le afi.

Tetelonome 5:4

Na masau le Eteleno kia koutou, a mata ki mata i le mauga, mei loto malie o le afi.

Lua tosi ki le kau Tesalonika 1:8

i loto malie o se ulai afi, ke tautea ai latou ala e leaise iloa ia le Atua ti mo latou ala e leaise fakalogo ki le Evaselio o lotatou Aliki ko Sesu.

Epelo 12:29

talie ko lotatou Atua ko se afi maumau foki a ia.

Apokalipisi 11:5

Kapau e loto se tasi ke fai se nea veli kia laua, e mapuna mai loa se afi mei ola gutu o tamate ola fili ; ti kapau e loto se tasi ke fai se nea veli kia laua, e tonu ke mate fakafenaaki a ia.

Apokalipisi 20:15

Ko leia na leaise maua kua tosi i le tosi o le mauli, na ti loa a ia ki le tai afi.