Pesalemo 97:11 - Tosi Tapu

¹¹ E mu le malama ki le tagata agatonu, Ti mo le fiafia kia latou ala e loto sako.

Pesalemo 97:11 ပူးပေါင်းရင်းမြစ်များ

Esitele 8:16

Ti na apele loa le kau Sutea i le manuia mo le fiafia, i le nekenekea mo le kololia.

Sopo 11:17

E toe lasi ake loa le gigila o ou aso i le laa o le lalatea, Ti e fai loa ou fakapouli pe le malama o le usu.

Sopo 22:28

E manuia loa a nea fuli ala e ke loto ki ai ; Ti e mu loa le malama i ou ala.

Pesalemo 112:4

E sopo le malama i le fakapouli ki le kau agatonu, Ki leia e manava alofa, mo loto alofa, ti mo faitotonu.

Pesalemo 18:28

E ke fakamauli le kakai leia e fakataulalo, Ti e ke tuku ki lalo a mata fia nealasi.

Pesalemo 68:4

Kae e fiafia le kau agatonu, e lotou malo i mua o le Atua, E lotou nekenekea.

Taagapati 4:18

Ko le ala o le kau agatonu e faipe le malama gigila, Leia e asilisili gigila lona malama o kaku ki le loto malie o le aso.

Esaia 58:8

Ti e sa loa lou malama ofaipe le mafoata, Ti e somo vave loa lou fakamauli ; E saele loa lau faitotonu i ou mua, Ti e ano loa le kololia o le Eteleno mo koe.

Esaia 62:1

I loku alofa ki Sione e leaise kau fakalologo loa, I loku alofa ki Selusalemi e leaise kau malolo loa, O kaku ki le sa o lona fakamauli, ofaipe le mafoata, Ti mo lona saofaki, ofaipe se taume leia e ulaula.

Mikea 7:9

E kau kataki loa le sausau o le Eteleno, O tupu na kau agasala kiate ia, O kaku ki le lakaga e puipui ai loa e ia au ti e fakatonu ia loa e ia au ; E taki loa e ia au ki le malama, Ti e kau tio loa ki lona faitotonu.

Soane 12:46

Na kau au ofaipe se malama ki le malama nei, o tupu ke aua na nofo i le fakapouli leia e tui mai kiate au.

Kalate 6:8

Ko leia e muluki ia i lona kanofi e utu loa e ia mei le kanofi le pala ; kae ko leia e muluki ia i le Laumalie e utu loa e ia mei le Laumalie le mauli lee gato.

Apokalipisi 21:23

Ti na leaise aoga ki le kolo se laa mo se masina, ke fakamalama ia a ia ; talie e fakamalama a ia e le kololia o le Atua, ti ko le Akeno ko lona fa malama a ia.

Apokalipisi 22:5

Ti e leaise toe maua loa i ai le pouli ; ti e leaise toe aoga loa kia latou se fa malama, pe ko se ula o se fa malama, talie e fakamalama loa latou e le Aliki Atua. Ti e lotou sau loa i sekulo mo sekulo.