Pesalemo 96:4 - Tosi Tapu

⁴ Talie e lasi le Eteleno ti e gali ai mo le fakavikiviki, E fakaii a ia i aluga o atua fuli.

Pesalemo 96:4 ပူးပေါင်းရင်းမြစ်များ

Lua tosi o Koloniko 2:4

Ko leinei, e kau laga ia se fale ki le suafa o le Eteleno, loku Atua, se fale ke fakatapu kiate ia, ke tutu ai le kaloni fakamanogi i ona mua, ke tuku tuumau ai a pane tapu, ti ke momoli ai a failaulau o le usu, mo le afiafi, mo sapato, mo masina foou, ti mo aso lalasi o le Eteleno, lomatou Atua, o mulimuli ki se lao lee gato ki Iselaele.

Neemia 9:5

Ko le kau Levi ko Sosue, mo Katemiele, mo Pani, mo Asapenia, mo Selepia, mo Otisa, mo Sepania, mo Petasa, na pati loa : Kotou tutuu ki aluga ti kotou fakafetai ki le Eteleno, lokoutou Atua, o lee gato ! Ke fakafetai ki lou suafa fakakololia, leia e taualuga i tapuakina fuli mo fakafetai fuli !

Pesalemo 145:3

E lasi le Eteleno, ti e gali a ia i le fakafetai, Ti e leaise mafai ke iloa lona lasi.

Pesalemo 150:2

Kotou fakafetai kiate ia i ana gaoi lalasi ! Kotou fakafetai kiate ia o mulimuli ki le lasi o lona mafimafi !

Pesalemo 18:3

Eteleno, loku utu, loku kolo tau, loku fakamauli ! Loku Atua, loku utu, leia e kau maua ai se mumuniaga ! Loku paletau, le makeke leia e fakamauli ia au, loku maloloaga taualuga !

Pesalemo 48:1

Katiko. Pesalemo o vosa o Kole.

Pesalemo 66:3

Kotou pati ki le Atua : E fakaii ai au gaoiaga ! O tupu ko le lasi o lou makeke, e fakavikiviki ou fili kiate koe.

Pesalemo 66:5

Kotou au, ti kotou tio ki gaoiaga a le Atua ! E fakaii a ia mo ka gaoi a ia ki vosa o le tagata.

Pesalemo 76:7

I lau itaita, Atua o Sakopo ! Na lotou momoe loa, latou na eke i osi mo osi, i le moe o le mate.

Pesalemo 86:10

Talie e ke lasi, ti e ke fai ni nea fakatalatupua ; Ko koe toka tasi, e ke Atua.

Pesalemo 89:7

Talie ko ai, i le lagi, e mafai ke fakatatau ki le Eteleno ? Ko ai e tatau mo koe i vosa o le Atua ?

Pesalemo 95:3

Talie ko le Eteleno ko se Atua lasi, Ko ia ko se sau lasi i aluga o atua fuli.

Ekesote 18:11

I le aso nei kua kau iloa e lasi ake le Eteleno i atua fuli ; talie kua toe vilo le agaveli a le kau Esipito kia latou.

Selemia 5:22

Pe leaise kotou i loa kiate au, e pati le Eteleno, Pe leaise kotou lulu loa i oku mua ? Ko au leia na soli ia le one ke fakagatogato ai le tai, Ko se koiga kua lau sekulo leia ke aua na fakalaka ai a ia ; Kapau e pale loa ona galu, kae e leaise lotou makeke ake loa ; Kapau e lotou gugulu, kae leaise lotou fakalaka loa i ai.

Taniela 2:47

Ti na masau loa le sau kia Taniela, o pati : E maoki, ko lokoutou Atua ko le Atua a ia o atu atua ti ko le Aliki a ia o atu sau, ti e fakasa e ia a nea ala e fufu, talie kua ke mafai ia le fakasa o le nea fakafufu leinei.

Luka 12:5

E kau fakasa atu loa kia koutou leia e tonu ke kotou i ki ai. Kotou i ki leia, mo ka oki lana tamate, e maua ia le pule ke ti ki le afi lee gato ; io, e kau pati atu kia koutou, ko ia lena e tonu ke kotou i ki ai.

Apokalipisi 15:4

Ko ai e leaise i loa kiate koe, Aliki, ti e leaise fakakololia loa ki lou suafa ? Talie e ke maokioki toka tasi. Ti e au loa a puleaga fuli, o su kiate koe, talie kua ke fakasa au fakamaau.

Uluaki tosi a Samuele 4:8

Malaia kia tatou ! Ko ai ka saofaki ia loa tatou i le lima o atua makeke ana ? Ko atua ana na tautea ia le kau Esipito ki faasiga tautea fuli i le toafa.