Pesalemo 96:3 - Tosi Tapu

³ Kotou fakamatala lona kololia i le lotolotoga o atu puleaga, Ana gaoi fulumalie i le lotolotoga o atu kakai fuli !

Pesalemo 96:3 ပူးပေါင်းရင်းမြစ်များ

Pesalemo 150:2

Kotou fakafetai kiate ia i ana gaoi lalasi ! Kotou fakafetai kiate ia o mulimuli ki le lasi o lona mafimafi !

Pesalemo 22:27

E kai loa le kau mativa ti e lotou makokona loa, Ko latou ala e afa ia le Eteleno e fakafetai loa kiate ia. Ke mauli okoutou laumalie o lee gato !

Pesalemo 57:9

Ke ke alaala, ei loku laumalie ! ke kolua alaala, ei laku lute mo laku alepe ! E kau fafagu loa le mafoata.

Pesalemo 9:2

E kau fakafetai loa ki le Eteleno i loku loto katoa, Ti e kau fakamatala loa au gaoi malilie fuli.

Esaia 49:6

E pati a ia : Ko se nea noa ke ke liliu ko laku tagata fakasausau O toe lagai a faasiga o Sakopo, Ti mo toe aumai a toetoega o Iselaele : E kau fakanofo a koe ke liliu ko le malama o atu puleaga, Ke ave ia loku fakamauli o kaku ki potupotu o le malama nei.

Mikea 4:2

E ano loa ki ai ni kakai toka api, ti e lotou pati loa : Kotou au, ti ke tou pale ki le mauga o le Eteleno, Ki le fale o le Atua o Sakopo, O tupu ke ako mai e ia kia tatou ona ala, Ti ke tou saele i ona ala liliki. Talie e au loa le lao mei Sione, Ti mei Selusalemi le folafola a le Eteleno.

Sakalia 9:10

E kau maumaui loa a saliote o Efalaimi, ti mo osi o Selusalemi ; Ti e too loa a kalolo tau. E fakasa loa e ia le tokamalie ki atu puleaga, Ti e pule loa a ia mei le tai ki le tai, Mei le vaitafe o kaku ki potupotu o le malama nei.

Mateo 28:19

Kotou ano, kotou fai ni tisipulo i puleaga fuli, o papitema latou i le suafa o le Tamana, mo le Alo mo le Laumalie Maokioki,

Luka 24:47

ti e fakasa loa le fakasemala mo le fakamolemole o agasala i lona suafa ki puleaga fuli, o kamata mei Selusalemi.