Pesalemo 94:4 - Tosi Tapu

⁴ E lotou fai ni masau, e lotou masau matasoka ; E nekenekea latou fuli ala e fai ia le veli.

Pesalemo 94:4 ပူးပေါင်းရင်းမြစ်များ

Sopo 20:5

E toetoe fua le malo a le tagata agasala, Ti e leaise fualoa le fiafia a le tagata agaveli ?

Pesalemo 125:5

Kae ko latou ala e saele i ala pikopiko, Ke maumaui latou e le Eteleno o fakatasi mo latou ala e fai ia le veli ! Ke nofo le tokamalie i Iselaele !

Pesalemo 140:3

Ala e fakakaukau ia ni fakatuutuu veveli i olatou loto, Ti e fakatasi tuumau ke tau !

Pesalemo 31:18

Eteleno, ke aua na kau luma mo ka kau fetapa kiate koe ! Kae ke luma le kau agaveli, Ke lotou ifo fakalologo ki le nofoaga o le kau mate !

Pesalemo 52:1

Ki le pule o le kau sua. Katiko a Tavite.

Pesalemo 59:12

Aua na ke tamate latou, talie na galoi e loku kakai lou malo. I lou mafimafi, tuku mua ke lotou sese noa, ti o ke fakavilo loa latou ki le kele, Aliki, ko lomatou paletau !

Pesalemo 59:7

E lotou au i afiafi fuli, e lotou ko ofaipe ni kuli, E lotou foli takai i le kolo.

Taagapati 30:14

E i ai se tautagata leia e fai ona nifo pe ni seleta, Ti mo ona kaunifo pe ni sele, Ke kai leia e mamae i le malama nei Ti mo le kau mativa i loto malie o tagata.

Selemia 18:18

Ti na lotou pati : Kotou au, tou fonofono kia Selemia ! Talie e leaise puli loa le lao mo kapau e leaise maua ni tagata faisakilifisio, Pe ko le tokoi, mo kapau e leaise maua ni kau poto, Pe ko le folafola, mo kapau e leaise maua ni kau polofeta. Kotou au, tou tamate a ia ki le alelo ! Aua na tou tokaga ki ana masau !

Taniela 7:11

Ti na kau toe tio loa, o tupu ko masau matasoka ala na fai e le tala ; i le lolotoga o laku tio, na tamate loa le manu, ti na maumaui loa lona tino, o ti ki le afi ke tutu i ai.

Taniela 7:25

E fai loa e ia ni masau matasoka ki le Taualuga, ti e fakavelivelii loa e ia le kau sagato a le Taualuga, ti e amanaki loa a ia ke fetogi e ia a temi mo le lao ; ti e tuku loa le kau sagato ki ona lima i le lolotoga o se fetuu e tasi, mo ni fetuu e lua, mo le vaelua o se fetuu.

Taniela 7:8

Na kau tokaga loa ki tala, ti ko leinei na somo ake loa se ga tala ikiiki i loto malie o tala, ti na mataaki loa a tala e tolu o uluaki tala i mua o le ga tala lena. Ti ko leinei, na maua loa e le tala foou lena ni ona mata ofaipe se tagata, ti mo se gutu leia na masau matasoka.

Taniela 8:11

Na malaga loa a ia o kaku ki le pule o le kau tau, ti na too loa e ia le failaulau o aso taki tasi meiate ia, kae fakakelekele loa e ia le sagatualio.

Mateo 12:24

I lalatou logo ki le nea lena, na pati loa le kau Faliseo : E kapu e le tagata lena le kau temonio i le makeke o Pelesepu, le pule o le kau temonio.

Mateo 12:34

Lanu o gata velo, e feaki le mafai ke kotou pati ki ni nea malilie, koutou ala ko nea agaveveli ? Talie e masau le gutu mei le mau o le loto.

Uluaki tosi a Samuele 2:3

Aua na kotou toe masau fia nealasi ; Ke aua na mapuna mai le masau makeke i lokoutou gutu ; Talie ko le Eteleno ko se Atua leia e iloa ia a nea fuli, Ti ko ia leia e fua ia a gaoi fuli.