Pesalemo 94:2 - Tosi Tapu

² Ke ke tuu ki aluga, a koe ko le tui fakamaau o le malama nei ! Ke ke liufaki ki le kau fia nealasi o mulimuli ki alatou gaoi !

Pesalemo 94:2 ပူးပေါင်းရင်းမြစ်များ

Senesi 18:25

E leaise feala ke ke tamate le tagata agatonu mo le tagata agasala, o sakinake e ke fakatatau loa le tagata agatonu mo le tagata agasala : Ke mamao iate koe le fai lena ! Ke mamao ai iate koe ! Ko Leia e fakamaau ia le malama nei katoa pe leaise mulimuli a ia ki le faitotonu ?

Lua tosi o Koloniko 20:12

Ei lomatou Atua, pe leaise ke fakasoko ia loa au fakamaau kia latou ? Talie e leaise motou maua se makeke i mua o le kakai toka api lena kua saele mai kia matou, ti e leaise motou iloa se nea leia ke fai, kae e tio atu omatou mata kiate koe.

Pesalemo 31:23

Na kau pati i loku oso noa : Kua kapu au o mamao i ou mata ! Kae na ke logo ki le leo o aku kole, I le aso leia na kau tagi ai kiate koe.

Pesalemo 50:6

Ti e fakasa loa e le atu lagi lona faitotonu, Talie ko le Atua leia e tui fakamaau. - Manava.

Pesalemo 68:1

Ki le pule o le kau sua. A Tavite. Pesalemo. Katiko.

Pesalemo 7:6

Ke tuli au e le fili, ti ke tapo au e ia, Ti ke takafi e ia loku mauli ki le kele, Ti ke takafi e ia loku kololia ki le kele ! - Manava

Pesalemo 74:22

Tuu ki aluga, ei Atua, o puipui lau gaoiaga ! Manatu ki lauveli ala na fai kiate koe e le tagata valea i aso fuli !

Pesalemo 82:8

Tuu ki aluga, ei Atua, o fakamaau le malama nei ! Talie a au a atu puleaga fuli.

Esaia 10:12

Kae, kao oki malie loa le gaoi a le Aliki I le mauga o Sione mo Selusalemi, Ti o kau tautea loa le sau o Asilia o tupu ko fua o lona loto fia nealasi, Ti mo le matasoka o le tio o ona mata fia taualuga.

Esaia 2:17

E tuku loa ki lalo le tagata fia nealasi, Ti e fakataulalo loa le tagata fia taualuga : Kae e siki loa ki aluga le Eteleno toka tasi i le aso lena.

Esaia 37:23

Ko ai leia na ke gologolo ki ai ti na ke lauveli ki ai ? Ko ai leia na ke masau leo lasi ki ai ? Kua ke siki ou mata ki aluga Ki le Sagato o Iselaele.

Esaia 37:29

Talie kua ke itaita kiate au, Ti kua logo mai au masau matasoka ki oku taliga, E kau tuii loa laku matau ki lou isu, ti mo laku fakagutu ki ou laugutu, Ti e kau toe fakaliliu loa a koe i le ala leia na ke au ai.

Taniela 4:37

I le temi nei, ko au Nepukatenesale, e kau fakavikiviki, e kau atolasio, ti e kau fakakololiai le sau o le atu lagi, leia e maoki ana gaoi fuli ti e totonu ona ala, ti e mafai ke tuku ia ki lalo latou ala e saele i le fia nealasi.

Mikea 5:9

I le aso lena, e pati le Eteleno, E kau tamate loa i loto malie o ou au osi, Ti e kau maumaui loa au saliote tau ;

Lua tosi ki le kau Kolinto 5:10

Talie e tonu ke tou tutuu fuli i mua o le fakamaauaga a Kilisito, o tupu ke tali e le tagata taki toka tasi o mulimuli ki le malie mo le veli leia na fai i le tino.

Uluaki tosi a Petelo 5:5

Ti ko koutou foki, kau tupulaga, ke kotou fakataulalo ki le kau fakamatuatua. Ti ko koutou fuli, ke kotou kofu le fakataulalo i okoutou vasaa ; talie E tau le Atua ki le kau fia nealasi, Kae e soli e ia lona kalasia ki le kau fia taulalo.