Pesalemo 92:6 - Tosi Tapu

⁶ E lalasi ai au gaoi, ei Eteleno ! E loloto ai au manatu !

Pesalemo 92:6 ပူးပေါင်းရင်းမြစ်များ

Pesalemo 104:24

E mauke ai au gaoiaga, ei Eteleno ! Na ke fai latou fuli i le poto. E apele le malama nei i au nea malilie.

Pesalemo 139:14

E kau fakafetai kiate koe i lau gaoi loku tino o fulumalie ai. E fulumalie ai au gaoiaga, Ti e iloa a ia e loku laumalie.

Pesalemo 14:1

Ki le pule o le kau sua. Pesalemo a Tavite. E pati le vale i lona loto : E leaise Atua ! Kua lotou veli, kua lotou fai ni gaoi fakalialia. E leaise fa toka tasi fua e fai ia le malie.

Pesalemo 32:9

Aua na kotou faipe se osi pe ko se mule sala atamai, E taofi laua ki se fakagutu ti e taki laua ki se maea O tupu ke aua na la fakafeofi kiate koe.

Pesalemo 49:10

E leaise lotou mauli loa o lee gato, E leaise lotou sala loa mo le tio ki le popoko.

Pesalemo 73:22

Na kau valea mo sala atamai, Na kau fai kiate koe pe manu.

Pesalemo 75:4

E lulu le malama nei mo latou fuli ala e nonofo i ai : Ko au, e kau fakamakeke ona pou. - Manava.

Pesalemo 94:8

Ke kotou tokaga, tagata valelea ! Kau sala atamai, koafea e kotou popoto ai loa ?

Taagapati 1:22

Ei kau vale, e kaku loa kiafea lakotou oli ki le valea ? E kaku loa kiafea le fiafia a le kau fakagologolo i le gologolo ? E kaku loa kiafea le vesia a le kau vale ki le poto ?

Taagapati 24:7

Ko le poto e taualuga ki le vale ; E leaise fakamavaa loa e ia lona gutu i le matapa.

Taagapati 30:2

E maoki, e kau valea ake i tagata fuli, Ti e leaise kau maua le atamai o se tagata ;

Esaia 1:3

E iloa e le pipi lona pule, Ti mo le asino le fale manu o lona pule : Kae e leaise iloa e Iselaele se nea fua e tasi, E leaise maua fua e loku kakai sona ga atamai.

Esaia 28:29

E au foki le nea lena mei le Eteleno o kau tau ; E fulumalie ai ana fakatuutuu, ti e lasi ai lona poto.

Esaia 55:9

Talie e faipe le atu lagi e taualuga ake i le malama nei, E toe taualuga ake foki oku ala i okoutou ala, Ti mo aku manatu i akoutou manatu.

Selemia 10:14

E liliu a tagata fuli o valelea i mua o lona poto, Ti e luma a tagata gaoi ukamea fuli i le fakatata leia na lotou fau ; Talie ko loi ata a taulaatua ana, E leaise maua fua se tukumanava ia latou.

Selemia 32:19

E ke lasi i au fakatuutuu ti e ke mafimafi i gaoi. E tio ou mata ki ala fuli o fanau a tagata, Ke totogi ki le tagata taki tasi o mulimuli ki ona ala, O mulimuli ki le fua o ana gaoi.

Luka 12:20

Kae e pati le Atua kiate ia : Ko le vale a koe ! I le po fai leinei e toe afa atu loa kiate koe lou laumalie ; ti ko nea fuli ala na ke teuteui, pe a ai loa latou ?

Uluaki tosi ki le kau Kolinto 2:14

Kae e leaise tali e le tagata fakanatula a nea o le Laumalie o le Atua, talie ko se valea latou kiate ia, ti e leaise mafai ke iloa e ia latou, talie koi iloa fakalaumalie fai latou.