Pesalemo 92:15 - Tosi Tapu

¹⁵ E lotou toe maua ia foki ni fua i lolatou temi matua, E lotou apele i le mauli ti e lotou sesega malie,

Pesalemo 92:15 ပူးပေါင်းရင်းမြစ်များ

Sopo 34:10

Kotou fakalogo mai, koutou ala e maua ia se atamai malie ! E mamao ai i le Atua le nea e sala, E mamao ai i le Mafimafi le agaveli !

Pesalemo 1:3

E tatau a ia mo se laakau na to i tafa se tafeaga vai, Leia e fua i lona temi, Ti e leaise gini lona lau : Ko nea fuli ala e fai e ia e manuia kiate ia.

Pesalemo 145:17

E faitotonu le Eteleno i ona ala fuli, Ti e manava alofa a ia i ana gaoi fuli.

Pesalemo 18:2

E kau alofa kiate koe, Eteleno, loku makeke !

Pesalemo 62:6

Io, ei loku laumalie, ke ke fanaki ki le Atua ! Talie ko ia leia e au mei ai laku amanaki malie.

Taagapati 10:27

Ko le i ki le Eteleno e fakalasi ia a aso, Kae e fakatoetoe a fetuu o le kau agaveli.

Sofoni 3:5

Kae e faitotonu le Eteleno i loto malie o ia, E leaise fai e ia se nea e veli ; I usu fuli e fakasa e ia ki le malama ana fakamaauaga, Ti e leaise toe faisala a ia i le nea lena ; Kae ko leia e agaveli e leaise iloa ia le luma.

Loma 9:14

Kolea loa ka tou pati ? Pe leaise faitotonu le Atua ? E leai ai !

Tetelonome 32:4

Ko le Utu a ia ; e malie tukupau ana gaoi, Talie e agatonu ona ala fuli, Ko se Atua agatonu mo faitotonu a ia, E apele a ia i le agatonu mo le maokioki.

Tetelonome 34:7

Na fetuu kau lelau kau lua Moisese i le aso leia na mate ai loa a ia ; kae na leaise gaegae lana tio, ti na leaise teifo lona makeke.

Tito 1:2

ala e fakatafito ki le amanaki malie o le mauli lee gato, leia na fakapapau i mua o sekulo fuli e le Atua leia e leaise loi,