Pesalemo 91:2 - Tosi Tapu

² E kau pati ki le Eteleno : Loku ulufaga mo loku kolo tau, Loku Atua leia e kau fanaki ki ai !

Pesalemo 91:2 ပူးပေါင်းရင်းမြစ်များ

Senesi 17:7

E kau fakatuu loa laku sai iate koe mo au, ti mo ou sakoga i ou muli, o mulimuli ki olatou tautupu. E lee gato loa le sai leinei, ti e fakasa e ia : ko Au ko lou Atua, ti ko le Atua o lou sakoga i ou muli.

Pesalemo 14:6

Koutou ala na nukinuki ki le amanaki malie a le kau agatonu, Ke kotou iloa ko le Eteleno ko lolatou mumuniaga.

Pesalemo 142:5

Tagaki ou mata ki le fetuu atamai, o tio ! E leaise iloa au e se tasi, Kua puli a mumuniaga fuli kiate au, E leaise tokaga se tasi ki loku laumalie.

Pesalemo 142:6

Eteleno ! ko koe leia e kau kalaga ki ai. E kau pati : Ko koe ko loku mumuniaga, Ko loku vaega i le kele o le kau mauuli.

Pesalemo 18:2

E kau alofa kiate koe, Eteleno, loku makeke !

Pesalemo 18:3

Eteleno, loku utu, loku kolo tau, loku fakamauli ! Loku Atua, loku utu, leia e kau maua ai se mumuniaga ! Loku paletau, le makeke leia e fakamauli ia au, loku maloloaga taualuga !

Pesalemo 25:2

Loku Atua ! e kau fanaki kiate koe ; ke aua na ke tuku au ki le luma ! Ke aua na fiafia oku fili iate au !

Pesalemo 31:15

Kae e kau fanaki kiate koe, Eteleno ! E kau pati : Ko koe ko loku Atua !

Pesalemo 43:4

E kau ano loa ki le aletale o le Atua, o le Atua, ko loku fiafiaaga mo loku nekenekeaaga, Ti e kau fakafetai loa kiate koe i le alepe, ei Atua, ko loku Atua !

Pesalemo 46:1

Ki le pule o le kau sua. O vosa o Kole. I le nota o le alamote. Katiko.

Pesalemo 46:2

Ko le Atua ko se ulufaga mo se fanakiaga kia tatou, Ko se tokoi leia e leaise toe puli i le temi o le mamae.

Pesalemo 48:14

Ke kotou tio ki lona kaua, Ke kotou tokaga ki ona fale lalasi, O tupu ke kotou fakamatala a ia ki le tautupu muli.

Pesalemo 61:5

E kau fia nofo tuumau i lou falela o lee gato, O fakamalumalu i le malu o ou kapakau. - Manava.

Pesalemo 71:3

Ke ke liliu kiate au ko se utu, leia ko soku nofoaga makeke, Leia e feala ke kau sola tuumau ki ai ! Na ke fakatotonu ke saofaki au Talie ko koe ko loku utu mo loku kolo tau.

Pesalemo 91:9

Talie ko koe ko loku ulufaga, ei Eteleno ! E ke fai ki le Taualuga lou maloloaga !…

Taagapati 18:10

Ko le suafa o le Eteleno ko se tule makeke ; E sola ki ai le tagata agatonu, ti e maua e ia se fimalie.

Esaia 12:2

Ko leinei, ko le Atua ko loku fakamauli, E kau apele loa i le fanaki, ti e leaise kau tuania loa se nea ; Talie ko le Eteleno, ko le Eteleno ko loku makeke ti ko le tupuaga o aku sua fakafetai ; Ko ia leia na saofaki ia au.

Selemia 31:1

E pati le Eteleno : I le temi lena, e kau liliu loa ko le Atua o famili fuli o Iselaele, Ti e lotou liliu loa ko loku kakai.

Luka 20:38

Talie ko le Atua e leaise ko le Atua o le kau mate, kae ko le Atua o le kau mauli ; talie kiate ia ko tagata fuli e mauli.

Epelo 11:16

Kae ko leinei e lotou oli ki se fenua malie tukupau ake, leia i le lagi. Koia na leaise luma ai le Atua i lona fakaigoa a ia ko lolatou Atua, talie na teuteui e ia se kolo mo latou.