Pesalemo 90:2 - Tosi Tapu

² I mua o le tupu o atu mauga, Ti mo mua o lau fakatupu le kele mo le malama nei, Mei le lee gato ki le lee gato, e ke Atua.

Pesalemo 90:2 ပူးပေါင်းရင်းမြစ်များ

Senesi 1:1

I le kamataaga, na fakatupu loa e le Atua le lagi mo le kele.

Sopo 15:7

Pe ko le uluaki tagata a koe na fanaui ? Pe na fanaui a koe i mua o mauga ?

Sopo 36:26

E lasi ai le Atua, ti e leaise feala ke tou iloa lona mafimafi, E leaise mafai ke iloa le lasi o ona fetuu.

Pesalemo 102:13

Kae ko koe, Eteleno, e ke sau o lee gato, Ti e fakamanatu lou suafa i tautupu mo tautupu.

Pesalemo 103:17

Kae e lee gato le agamalie o le Eteleno kia latou ala e i kiate ia, Ti mo lona manava alofa ki fanau o alatou fanau,

Pesalemo 146:6

Na fai e ia le lagi mo le kele, Le tai mo nea fuli e maua i ai. E taupau e ia lona agatonu o lee gato.

Pesalemo 33:9

Talie e pati a ia, ti e soko le nea ; E fakatotonu e ia, ti e tuku a ia.

Pesalemo 93:2

Na fakatuu lou ekeekeaga fakasau talu mei temi mua ; E ke agai talu mei le lee gato mo lee gato.

Ekesote 8:6

Na tali loa Falaone : Ko apogipogi. Ti na pati loa Moisese : E fai ki ai, ke ke iloa e leaise tatau se tasi mo le Eteleno, lomatou Atua.

Esaia 44:6

Ko leinei le folafola a le Eteleno, le sau o Iselaele ko lona fakamauli, Le Eteleno o kau tau : Ko au ko le uluaki ti ko au ko le fakamulimuli, Ti e leaise tasi ake Atua iate au.

Esaia 45:22

Kotou tafoki mai kiate au, ti e kotou mauli loa, Koutou fuli ala e nonofo i potupotu o le malama nei ! Talie ko au ko le Atua, e leaise tasi ake Atua.

Esaia 57:15

Talie e folafola le Taualuga, Leia e lee gato lona nofoaga ti e maokioki lona suafa : E kau nofo i potu taualuga ti mo le maokioki ; Kae e kau nofo foki mo le tagata fakasemala mo agamalu, O tupu ke toe fakamauli a loto fakasemala, O tupu ke toe fakaofo a loto agamalu.

Taniela 7:9

Na kau tio, ti ko leinei, na fakatuu ni ekeekeaga fakasau. Ti na ekeeke loa le Matua o aso. Na tea lona kofu ofaipe le nive, ti na fai ona fului ulu pe se fului ovi mea ; na fai lona ekeekeaga fakasau pe ni ulai afi, ti na fai a teka o le ekeekeaga pe se afi kaka.

Mikea 5:2

Koia leia e tuku ai loa e ia lona kakai O kaku ki le temi leia e fanau ai loa leia e tonu ke liliu o tinana, Ti ko le toega o ona fetaina E toe liliu mai loa ki fanau o Iselaele.

Apakuki 1:12

Pe leaise ke agai mei lee gato, Eteleno, loku Atua, loku Sagato ? E leaise motou mamate loa ! Ei Eteleno, na ke fakanofo le kakai leinei ke fai ia au fakamaauaga ; Ei loku Utu, na ke lagai a ia ke tuku ia au tautea.

Epelo 13:8

E tatau Sesu-Kilisito nanafi, mo ailanei, ti mo lee gato.

Apokalipisi 1:8

E pati le Aliki Atua, ko au ko le alefa mo le omeka, leia e agai, leia na agai, leia e au, le Mafimafi.