Pesalemo 9:5 - Tosi Tapu

⁵ Talie na ke puipui loku faitotonu mo laku gaoi, E ke eke i lou ekeekeaga fakasau o fakamaau i le faitotonu.

Pesalemo 9:5 ပူးပေါင်းရင်းမြစ်များ

Lua tosi a Samuele 17:23

I le tio a Asitofele na leaise fakaaoga lana tokoi, na tuu loa a ia, o sopo ki lana asino o toe liliu ki lona kaiga i lona kolo. Na tuku loa e ia ana fakatotonu ki lona fale, ti na nonoa loa e ia lona ua o tautau. Ti na mate ai loa a ia, ti na tanu loa a ia i le tanuma o lona tamana.

Pesalemo 149:7

O tupu ke fai le totogi ki atu puleaga, Ke tautea a atu kakai,

Pesalemo 2:1

Kolea le logoa lena i atu puleaga, Mo manatu vaiga ana i atu kakai ?

Pesalemo 5:6

E leaise tutuu le kau vale i ou mua ; Ti e ke vesia kia latou fuli ala e fai ia le agaveli.

Pesalemo 7:12

Ko le Atua ko se tui fakamaau faitotonu, Ti e itaita le Atua ki le kau agaveli i temi fuli.

Pesalemo 78:55

Na kapu loa e ia i olatou mua a atu puleaga, Kae na vaevae loa e ia kia latou le fenua ke lotou maua, Ti na fakanofo loa e ia a faasiga o Iselaele i olatou nofoaga.

Pesalemo 79:10

Kolea e pati ai loa a atu puleaga : Kofea lolatou Atua ? Ke iloa i lamatou nofo i lotolotoga o atu puleaga, E ke totogi le toto o au tagata fakasausau, le toto leia na liligi !

Taagapati 10:7

Ko le fakamanatu o se tagata agatonu ko se tapuakina ; Kae e vilo le igoa o le kau agaveli o popo.

Taagapati 13:9

E fiafia le malama o le kau agatonu, Kae e mate le malama o le kau agaveli.

Selemia 49:38

E kau fakatuu loa loku ekeekeaga fakasau i Elame, Ti e kau maumaui loa le sau mo pule, E pati le Eteleno.

Tagi laulau a Selemia 3:58

Aliki, na ke saofaki loku laumalie, Na ke totogi loku mauli.

Malakia 4:3

Ti e kotou takatakafi loa le kau agaveli, Talie e lotou fai loa pe se mugalafu I lalo o okoutou taga vae, I le aso leia e kau teuteui, E pati le Eteleno o kau tau.

Tetelonome 9:14

Tuku ke kau maumaui latou mo soloi lolatou igoa i lalo o le lagi ; ti e kau fai loa meiate koe se puleaga leia e makeke ake mo api ake i le kakai lena.

Apokalipisi 19:15

Ti na ulu mei lona gutu se seleta lau ikiiki, ke tamate ai a puleaga : E taki loa e ia latou ki se tokotoko ukamea ; ti e takatakafi loa e ia le fuai vite i le tatauaga vino o le sausau kaka o le Atua Mafimafi.

Uluaki tosi a Samuele 25:32

Na pati loa Tavite kia Apikaile : Ke fakafetai ki le Eteleno, le Atua o Iselaele, leia na kakau ia mai a koe kiate au i le temi nei !

Uluaki tosi a Samuele 25:39

Na logo loa Tavite kua mate Napale, ti na pati loa a ia : Ke fakafetai ki le Eteleno leia na puipui ia au i le nea veli leia na fai mai e Napale kiate au, leia na taofi ia lana tagata fakasausau ke fai ia le veli ! Kua fakavilo e le Eteleno le agaveli a Napale ki lona ulu. Na kakau loa e Tavite ke fakaafe ake Apikaile ke liliu ko lana avaga.

Uluaki tosi a Samuele 31:4

Na pati loa Saulo ki leia na amo ia ana masafu : Tosoi lau seleta, ti ke sukii au, ke aua na au a nea pagani ana o tamate au mo nukinuki kiate au. Kae na leaise loto leia na amo ia ana masafu, talie na maua loa e ia se i lasi.