Pesalemo 9:19 - Tosi Tapu

¹⁹ Talie e leaise galo le tagata mativa o lee gato, Ti e leaise puli le amanaki malie o le kau mativa o lee gato.

Pesalemo 9:19 ပူးပေါင်းရင်းမြစ်များ

Senesi 32:28

Ti na toe pati loa le tagata : E leaise toe igoa loa a koe ko Sakopo, kae e ke igoa loa ko Iselaele ; talie na ke poko mo le Atua ti mo ni tagata, ti kua ke malo.

Lua tosi o Koloniko 14:11

Na taai loa e le Eteleno le kau Etiopia i mua o Asa mo Suta, ti na sosola loa le kau Etiopia.

Pesalemo 10:12

Eteleno, tuu ki aluga ! Ei Atua, siki lou lima, Aua na ke galoi le kau mativa !

Pesalemo 149:7

O tupu ke fai le totogi ki atu puleaga, Ke tautea a atu kakai,

Pesalemo 3:7

E leaise kau tuania ia a tino afe mo tino afe, Ala e takatakai ia au i potu fuli.

Pesalemo 44:23

Kae e tuku ko koe leia e tamate ai matou i aso fuli, Leia e tio ai kia matou ofaipe ni ovi ala e ave ki le fale tamate manu.

Pesalemo 44:26

Talie kua tonatona omatou laumalie i le efu, Ti kua pipiki omatou tino ki le kele.

Pesalemo 7:6

Ke tuli au e le fili, ti ke tapo au e ia, Ti ke takafi e ia loku mauli ki le kele, Ti ke takafi e ia loku kololia ki le kele ! - Manava

Pesalemo 79:6

Liligi lou sausau ki atu puleaga ala e leaise iloa ia a koe, Ti mo puleaga sau ala e leaise fetapa ki lou suafa !

Pesalemo 80:2

Fakalogo mai lou taliga, tagata tausi ovi o Iselaele, A koe leia e taki ia Sosefo ofaipe se kau manu ! Ke ke sa mai i lou fulumalie, A koe leia e ekeeke i vasa o selupino !

Esaia 51:9

Ke ke alaala, ke ke alaala, ke ke kofu ki lou makeke, a koe ko le lima o le Eteleno ! Ke ke alaala ofaipe aso i mua, I tautupu afea ! Pe na leaise ko koe leia na tamate ia Esipito, Na sokai ia le talakone ?

Selemia 10:25

Liligi lou sausau ki atu puleaga ala e leaise iloa ia a koe, Ti mo kakai ala e leaise fetapa ki lou suafa ! Talie e lotou kai Sakopo, e lotou kai a ia, e lotou tutu a ia ke okioki, E lotou maumaui lona nofoaga.

Soele 3:12

Ke alaala a atu puleaga, ti ke lotou pale Ki le vaivailiua o Sosafate ! Talie i lena e kau ekeeke loa o fakamaau a puleaga fuli o tafatafa.

Sofoni 3:8

Koia e pati ai le Eteleno : Kotou talitali mai la kiate au ! I le aso leia e kau tuu ake ai loa o tanaki le koloa o le tau, Talie kua kau fakapapau ke fakatasi a atu puleaga, Ke fakatasi a atu puleaga sau, O tupu ke kau liligi kia latou loku sausau, Le mamafa katoa o loku ita ; Talie e tutu loa le fenua katoa e le afi o loku finenonofo.

Sakalia 14:18

Kapau e leaise pale loa le famili o Esipito ki Selusalemi, kapau e leaise au a ia o atolasio, E leaise to loa le ua kiate ia ; E taai loa a ia ki le malaia leia e taai loa ki ai e le Eteleno a puleaga Ala e leaise pale loa o fakamanatu le aso o tapenakulo.

Apokalipisi 19:15

Ti na ulu mei lona gutu se seleta lau ikiiki, ke tamate ai a puleaga : E taki loa e ia latou ki se tokotoko ukamea ; ti e takatakafi loa e ia le fuai vite i le tatauaga vino o le sausau kaka o le Atua Mafimafi.

Uluaki tosi a Samuele 2:9

E taupau loa e ia a lakaaga o ona alofaaga. Kae e tuku loa e ia le kau agaveli ki le fakapouli ; Talie e leaise malo loa le tagata ki le makeke.