Pesalemo 88:5 - Tosi Tapu

⁵ Kua tuku au ki le atu o latou ala e ifo ki le popoko, Kua kau faipe se tagata leia e leaise koi maua sona makeke.

Pesalemo 88:5 ပူးပေါင်းရင်းမြစ်များ

Senesi 19:29

I le aso leia na maumaui ai loa e le Atua a kolo o le fenua laumalie lena, na manatui loa e ia Apalaamo ; ti na fakamauli loa e ia a Lote mei le tutamaki leia na tautea ai e ia a kolo ala na fakatuu ai e Lote lona nofoaga.

Senesi 8:1

Na manatui loa e le Atua a Noe, mo manu fuli, mo manu fekai, mo manu lalata fuli ala na nofo mo ia i le aleka ; ti kakau loa e le Atua se matagi ke agi ki aluga o le malama nei, ti na kamata ifo loa le vai ki lalo.

Sopo 11:10

Kapau e too e ia se tasi i lana fakalaka, o ave ki lana fakamaauaga, Ko ai loa e fakafesagai kiate ia ?

Sopo 17:1

Kua faigataa laku tukumanava, Ti kua oki oku aso ; Kua talitali mai le tanuma kiate au.

Sopo 6:9

Io, ke malie ki le Atua lana tamate au, Ke falo lona lima o fakapuli au !

Pesalemo 136:23

Ko ia leia na manatu loa kia tatou i le temi na tou mamae ai, Talie e lee gato lona manava alofa !

Pesalemo 28:1

Pesalemo a Tavite. Eteleno, kau tagi kiate koe, Loku utu ! aua na ke taliga tuli mai ki loku leo, O tupu na kau tatau mo latou ala e ifo ki le popoko, Mo ka ke fakamamao kae e leaise ke tali mai kiate au.

Pesalemo 31:12

Kua kau liliu ko se nea gologolo ki oku fili fuli, Ko se nea gologolo lasi ki oku kaiga, ko se nea fakaii ki oku kaukaunea. Ko latou ala e tio kiate au i fafo e sosola mamao iate au.

Pesalemo 31:22

Ke fakafetai ki le Eteleno ! Talie na fakasa e ia lona kalasia kiate au, O sakinake na kau nofo i se kolo tau.

Pesalemo 88:16

E kau mamae ti e kau teiteiki ke mate talu mei loku ikiiki ; E kau mafaia i au nea fakaii, ti e kau tuania.

Esaia 53:8

Na ave a ia e le mamae mo le tautea ; Ti ko ai i lona tautupu na tui Na tuuti a ia i le kele o le kau mauli, Ti na taai a ia o tupu ko agasala o loku kakai ?

Esekiele 37:11

Na pati mai loa a ia kiate au : Vosa o le tagata, ko ivi anei ko le fale katoa o Iselaele. Ko leinei, e lotou pati : Kua malo omatou ivi, ti kua maumaui lamatou amanaki malie, ti kua motou puli noa !