Pesalemo 86:8 - Tosi Tapu

⁸ Aliki, e leaise tatau se tasi mo koe i le kau atua, Ti e leaise tatau se nea mo au gaoiaga.

Pesalemo 86:8 ပူးပေါင်းရင်းမြစ်များ

Lua tosi o Koloniko 2:4

Ko leinei, e kau laga ia se fale ki le suafa o le Eteleno, loku Atua, se fale ke fakatapu kiate ia, ke tutu ai le kaloni fakamanogi i ona mua, ke tuku tuumau ai a pane tapu, ti ke momoli ai a failaulau o le usu, mo le afiafi, mo sapato, mo masina foou, ti mo aso lalasi o le Eteleno, lomatou Atua, o mulimuli ki se lao lee gato ki Iselaele.

Pesalemo 135:5

E kau iloa e lasi le Eteleno, Ti e taualuga lotatou Aliki i atua fuli.

Pesalemo 136:4

Ko ia leia toka tasi e fai ia ni nea fakatalatupua, Talie e lee gato lona manava alofa !

Pesalemo 89:6

Ei Eteleno, e fakafetai le atu lagi ki au gaoi malilie, Ti mo lou agatonu i le fakatasiga o le kau sagato.

Pesalemo 89:7

Talie ko ai, i le lagi, e mafai ke fakatatau ki le Eteleno ? Ko ai e tatau mo koe i vosa o le Atua ?

Pesalemo 89:8

E fakaii le Atua i le fakatasiga lasi a le kau aselo, E fakaii a ia kia latou fuli ala e takatakai ia a ia.

Pesalemo 95:3

Talie ko le Eteleno ko se Atua lasi, Ko ia ko se sau lasi i aluga o atua fuli.

Ekesote 15:11

Eteleno, ko ai le atua e tatau mo koe ? Ko ai e tatau mo koe leia e gigila i le maokioki, Leia e gali mo fakavikiviki, Leia e fai ia a nea fakamanamana ?

Ekesote 8:6

Na tali loa Falaone : Ko apogipogi. Ti na pati loa Moisese : E fai ki ai, ke ke iloa e leaise tatau se tasi mo le Eteleno, lomatou Atua.

Esaia 40:18

Ko ai e kotou loto ke fakatatau ki ai le Atua ? Ti ko le fakatata fea leia e kotou fakatatau a ia ki ai ?

Esaia 40:25

Ko ai e kotou fakatatau au ki ai, ti ko ai leia e kau tatau mo ia ? E pati le Maokioki.

Selemia 10:16

E leaise tatau mo latou Leia ko le vaega o Sakopo ; Talie ko ia leia na fau ia nea fuli, Ti ko Iselaele ko le faasiga o lona tofiga. Ko lona suafa ko le Eteleno o kau tau.

Taniela 3:29

I le aso nei, ko leinei le fakatotonu leia e kau fai : Ko tagata fuli, mo kakai fuli, mo puleaga, mo masau fuli, e masau veli loa ki le Atua o Satalake, mo Mesake, mo Apeteneko, e tutuuti loa, ti e fakaliliu loa lona fale ko se tuuga penu, talie e leaise tasi ake atua leia e feala ke saofaki ia ofaipe ia.

Tetelonome 3:24

Aliki Eteleno, na ke kamata fakasa ki lau tagata fakasausau lou lasi mo lou makeke ; talie ko ai le atua, i le lagi mo le kele, e mafai ia le fakatautau o au gaoi mo au nea fakatalatupua ?

Tetelonome 4:34

Pe ku i ai se Atua leia kua au o too kiate ia se puleaga i loto malie o se tasi puleaga, ki ni asiasi, mo ni fakamailoga, mo ni milakulo, mo ni tau, ki le lima makeke mo le lima falo, ki ni nea fakaii, ofaipe nea fuli ala na fai kia koutou e le Eteleno, lokoutou Atua, i Esipito i okoutou mata ?