Pesalemo 86:5 - Tosi Tapu

⁵ Aliki, talie e ke agamalie, e ke fakamolemole, Ti e ke apele i le alofa kia latou fuli ala e tagi kiate koe.

Pesalemo 86:5 ပူးပေါင်းရင်းမြစ်များ

Neemia 9:17

ti na lotou patigataa loa, ti na lotou galoi loa a nea malilie ala na ke fai kia latou. Na lotou fakafefeka loa olatou loto ; i lolatou fakatutuu, na lotou filifili loa se pule kia latou, ke lotou toe liliu ki le popula. Kae ko koe ko se Atua leia e loto fakamolemole, mo manava alofa, leia e leaise ita vave, ti e mou koloa i le agamalie, o leaise ke tiaki loa latou,

Pesalemo 103:3

Ko ia leia e fakamolemole ia au agaveli fuli, Leia e fakamauli ia ou masaki fuli ;

Pesalemo 103:8

E manava alofa le Eteleno mo loto alofa, E kataki fualoa a ia mo agamalie ;

Pesalemo 119:68

E ke agamalie ti e ke fai nea malie ; Ako mai kiate au au fakatuutuu !

Pesalemo 130:4

Kae e maua le fakamolemole i ou tafa, O tupu ke i kiate koe.

Pesalemo 130:7

Iselaele, tuku lau amanaki malie ki le Eteleno ! Talie e maua le manava alofa i tafa o le Eteleno, Ti e maua foki le totogi i ona tafa.

Pesalemo 145:18

E ofi le Eteleno kia latou fuli ala e fetapa kiate ia, Kia latou fuli ala e fetapa kiate ia i le maoki.

Pesalemo 25:8

E agamalie ti e agatonu le Eteleno : Koia e fakasa ai e ia le ala ki le tagata agasala.

Pesalemo 36:7

Ko lou faitotonu e faipe atu mauga o le Atua, Ko au fakamaauaga e faipe le moana loloto. Eteleno ! e ke fakamauli a tagata mo manu.

Pesalemo 50:15

Ti ke ke fetapa mai kiate au i le aso o le mamae ; Ti e kau saofaki loa a koe, ti e ke fakakololia loa kiate au.

Pesalemo 52:1

Ki le pule o le kau sua. Katiko a Tavite.

Pesalemo 69:14

Kae ko au, ei Eteleno, e kau fai kiate koe laku kole ! Ei Atua, ko le temi faigamalie leinei ke ke fakalogo mai kiate au, i lou agamalie lasi ! Ke ke fakamaoki mai kiate au lau tokoi !

Pesalemo 69:16

Ke aua na kau toe malemo i se vai lasi, Ti ke aua na toe folo au e le moana, Ti ke aua na toe mapono le popoko iate au !

Pesalemo 86:15

Kae ko koe, Aliki, ko se Atua manava alofa mo agamalie a koe, Leia ke taofi fualoa lou sausau, e ke mou koloa i le agamalie mo le agatonu ;

Ekesote 34:6

Ti na ano loa le Eteleno i ona mua, o kalaga : Eteleno, Eteleno, Atua manava alofa mo loto alofa, mo kataki fualoa, mo mou koloa i le agamalie mo le agatonu,

Esaia 55:7

Ke tiaki e le tagata agasala lona ala, Ti mo le tagata agaveli ana manatu ; Ke toe liliu a ia ki le Eteleno, leia e alofa loa kiate ia, Ki lotatou Atua, leia e leaise kaekae i le fakamolemole.

Selemia 33:3

Fetapa mai kiate au, ti e kau tali atu loa kiate koe ; E kau fakasa loa kiate koe ni nea lalasi, ni nea fakapulipuli, Ala e leaise ke iloa.

Esekiele 36:33

E folafola le Aliki, le Eteleno, o pati : I le aso leia e kau fakamea ai loa koutou i akoutou agaveli fuli, e kau fakakakai loa a kolo, ti e toe lagai loa ki aluga a kolo ala na maumaui ;

Esekiele 36:37

E folafola le Aliki, le Eteleno, o pati : Ko leinei foki le tasi a nea leia e kau tuku ai loa le fale o Iselaele ke kalaga mai kiate au, ti e kau fai loa kia latou, o fakaliliu ona tagata ke api ofaipe manu o se kau manu.

Taniela 9:9

Kae i tafa o le Aliki, lomatou Atua, e maua ai le manava alofa mo le fakamolemole, talie na motou agatuu kiate ia.

Soele 2:13

Kotou sae okoutou loto kae aua okoutou kofu, Ti kotou toe liliu mai ki le Eteleno, lokoutou Atua ; Talie e agamalie a ia mo manava alofa, E kataki fualoa a ia mo apele i le agamalie, Ti e fakasemala a ia ki tautea ala e tuku e ia.

Sonasi 4:2

Na faikole loa a ia ki le Eteleno, o pati : Ei Eteleno, pe leaise ko le nea leinei na kau pati atu ki ai koi kau nofo i loku fenua ? Ko le nea lena na tupu ai laku sola ki Talesisi. Talie na kau iloa ko se Atua a koe e agamalie mo manavaalofa, ti e ke kataki fualoa mo apele i le agamalie, ti e ke fakasemala ki le veli.

Mikea 7:18

Ko le Atua fea leia e tatau mo koe, Leia e fakamolemole ia le agaveli, leia e galoi ia agasala O le toetoega o lou tofiga ? E leaise taupau e ia lona sausau o lee gato, Talie e fiafia a ia i le manava alofa.

Soane 4:10

Na tali loa Sesu kiate ia : Kanapau na ke iloa le nea alofa o le Atua ti mo leia e pati atu kiate koe, soli mai kau inu, na ke kole loa e koe totonu kiate ia ke ke inu, ti e soli atu loa e ia kiate koe le vai mauli.

Gaoi 2:21

Ti ko leia e fetapa loa ki le suafa o le Aliki, e fakamauli loa.

Efeso 2:4

Kae ko le Atua, leia e mou koloa i le manavaalofa, o tupu ko le alofa lasi leia na alofa ai a ia kia tatou,