Pesalemo 86:12 - Tosi Tapu

¹² E kau fakavikiviki loa kiate koe i loku loto katoa, Aliki, loku Atua ! Ti e kau fakakololia loa ki lou suafa o lee gato.

Pesalemo 86:12 ပူးပေါင်းရင်းမြစ်များ

Uluaki tosi o Koloniko 29:13

I le lakaga nei, ei lomatou Atua, e motou fakafetai kiate koe, ti e motou fakavikiviki ki lou suafa fakakololia.

Uluaki tosi o Koloniko 29:20

Na pati loa Tavite ki le fakatasiga katoa : Ke kotou fakafetai ki le Eteleno, lokoutou Atua ! Ti na fakafetai loa le fakatasiga katoa ki le Eteleno, le Atua o olatou tamana. Na lotou punou loa ki le kele i mua o le Eteleno, ti mo mua o le sau.

Pesalemo 104:33

E kau sua loa le Eteleno i loku mauli katoa, E kau fakafetai loa ki loku Atua i loku mauli katoa.

Pesalemo 34:1

Pesalemo a Tavite. I lana fakatautau le tagata valea i mua o Apimeleke, ti mo lona kapu e Apimeleke, o ano ai.

Pesalemo 9:1

Ki le pule o le kau sua. I le nota kiki. Pesalemo a Tavite.

Pesalemo 9:2

E kau fakafetai loa ki le Eteleno i loku loto katoa, Ti e kau fakamatala loa au gaoi malilie fuli.

Esaia 12:1

E ke pati loa i le aso lena : E kau fakafetai kiate koe, Eteleno ! Talie na ke sausau kiate au, Kae kua ke fakamaliu lou ita iate au, ti kua ke fakafimalie au.

Gaoi 8:36

I le soko atu o lola fanoga, na la felavei loa mo se vai. Ti na pati loa le enuke : Ko leinei se vai, kolea ka taofi ia loku papitema ?

Loma 15:6

o tupu ke kotou fakatasi fuli, i se loto e tasi mo se leo e tasi, o fakavikiviki ki le Atua ti mo le Tamana o lotatou Aliki ko Sesu-Kilisito.

Uluaki tosi ki le kau Kolinto 10:31

Koia ka kotou kai ai, pe kotou inu, pe kotou fai se nea fua, kotou fai a nea fuli ke fakakololia ai le Atua.

Uluaki tosi ki le kau Kolinto 6:20

Talie kua totogi koutou ki se totogi lasi ai. Koia ke kotou fakakololia le Atua i lokoutou tino mo lokoutou laumalie, ala e maua e le Atua.

Efeso 5:19

Kotou fefakalotomakekeaki ki ni pesalemo, mo ni imi, ti mo ni katiko fakalaumalie, o kotou sua mo fakavikiviki ki le Aliki i lokoutou loto katoa.

Tetelonome 6:5

Ke ke alofa loa ki le Eteleno, lou Atua, i lou loto katoa, mo lou laumalie katoa, mo lou makeke katoa.