Pesalemo 86:10 - Tosi Tapu

¹⁰ Talie e ke lasi, ti e ke fai ni nea fakatalatupua ; Ko koe toka tasi, e ke Atua.

Pesalemo 86:10 ပူးပေါင်းရင်းမြစ်များ

Sopo 11:7

Pe feala ke ke ului a manatu loloto a le Atua, mo ke kaku o iloa le lasi o lona Mafimafi ?

Pesalemo 72:18

Ke fakafetai ki le Eteleno Atua, le Atua o Iselaele, Leia toka tasi e fai ia ni nea fakatalatupua !

Pesalemo 86:8

Aliki, e leaise tatau se tasi mo koe i le kau atua, Ti e leaise tatau se nea mo au gaoiaga.

Ekesote 15:11

Eteleno, ko ai le atua e tatau mo koe ? Ko ai e tatau mo koe leia e gigila i le maokioki, Leia e gali mo fakavikiviki, Leia e fai ia a nea fakamanamana ?

Esaia 37:16

Eteleno o kau tau, Atua o Iselaele, a koe leia e ekeeke i aluga o Selupino ! Ko koe toka tasi e Atua i puleaga fuli o le malama nei, ko koe leia na fakatupu ia le lagi mo le kele.

Esaia 37:20

I le aso nei, Eteleno lomatou Atua, saofaki matou mei le lima o Sanekelipe, o tupu ke iloa e puleaga fuli o le malama nei ko koe toka tasi ko le Eteleno !

Esaia 45:5

Ko au ko le Eteleno, ti e leaise tasi ake ; Sala mo au e leaise tasi ake Atua ; Na kau fakakofu a koe, i mua o lau iloa au.

Maleko 12:29

Na tali loa Sesu : Ko leinei le uluaki : Fakalogo, Iselaele : ko le Aliki, lotatou Atua, ko le Aliki a ia e tasi ;

Gaoi 4:30

o falo lou lima, o tupu ke fai ni fakamauli, mo ni milakulo, ti mo ni nea fakaofolele i le suafa o lau tagata fakasausau maokioki ko Sesu.

Uluaki tosi ki le kau Kolinto 8:4

O uiga mo le kai o inati kua momoli ki taulaatua, e tou iloa e leai ni taulaatua i le malama nei, ti e i ai se Atua fuai e tasi.

Efeso 4:6

mo se Atua e tasi ko le Tamana o tagata fuli, leia e nofo i aluga o tagata fuli, ti mo tagata fuli, ti i tagata fuli.

Tetelonome 32:39

Koia ke kotou iloa ko au leia e Atua, Ti e leaise tasi ake Atua i oku tafa. Ko au leia e fakamauli ia ti e fakamate ia. Ko au leia e fai ia le lavea ti e faitoo ia a ia, Ti e leaise tasi leia e saofaki ia mei oku lima.

Epelo 2:4

ti na fakamaoki foki le Atua kia latou i ni fakamailoga, mo ni nea fakaofolele, mo ni milakulo kesekese, ti mo ni nea alofa o le Laumalie Maokioki ala na tufaki o mulimuli ki lona finegalo.