Pesalemo 85:8 - Tosi Tapu

⁸ Eteleno ! ke ke fakatio matou ki lou agamalie, Ti ke ke tuku mai kia matou lou mauli !

Pesalemo 85:8 ပူးပေါင်းရင်းမြစ်များ

Senesi 34:7

Ti na toe liliu ake loa a vosa o Sakopo i faisaga, o logo ki le nea leia kua soko. Ti na mamae lasi ai a tagata ana, ti na lotou itaita veli ai, talie kua fai e Siseme se nea fakalumaluma i Iselaele, i lana momoe mo le taine o Sakopo. Talie na leaise tonu ke fai le nea lena i Iselaele.

Pesalemo 130:4

Kae e maua le fakamolemole i ou tafa, O tupu ke i kiate koe.

Pesalemo 29:11

E soli e le Eteleno le makeke ki lona kakai. E tapuaki le Eteleno ki lona kakai, ti e fakafiafia e ia a ia.

Pesalemo 50:5

Ke kotou fakatasi mai kiate au aku kau agatonu, Latou ala na fai ia se sai mo au i le sakilifisio !

Taagapati 25:11

Ofaipe ni fa pome aulo i ni ipu siliva, E fenaaki se masau leia na malie ti na tautonu lona tuku.

Taagapati 27:22

Kapau e ke tuki ia o lalai le tagata valea i se nea tuki kava, O fakatasi mo ni fuai fulumeto ki se fa tuki kava E leaise mavae foki lona valea iate ia.

Esaia 57:19

E kau tuku loa le fakafetai ki ona laugutu. Tokamalie, tokamalie ki leia e mamao ti mo leia e feofi ! e pati le Eteleno. E kau fakamauli loa latou.

Apakuki 2:1

Na kau nofo i loku nofoaga, Ti na kau tuu i aluga o le tule ; Na kau alaala, ke tio ki le nea leia e fakasa mai loa kiate au e le Eteleno, Ti mo le nea leia e kau tali loa i le oki o laku tagi.

Akeseo 2:9

E lasi ake loa le kololia o le fale fakamuli leinei I le kololia o le uluaki fale, E pati le Eteleno o kau tau ; Ti ko le ganea leinei e kau tuku ai loa le tokamalie, E pati le Eteleno o kau tau.

Sakalia 9:10

E kau maumaui loa a saliote o Efalaimi, ti mo osi o Selusalemi ; Ti e too loa a kalolo tau. E fakasa loa e ia le tokamalie ki atu puleaga, Ti e pule loa a ia mei le tai ki le tai, Mei le vaitafe o kaku ki potupotu o le malama nei.

Soane 14:27

E kau tuku kia koutou le tokamalie, e kau soli kia koutou loku tokamalie. E leaise kau soli a ia kia koutou ofaipe le soli e le malama nei. Aua na mamae okoutou loto, ti mo i.

Soane 20:19

I le afiafi o le aso lena, leia ko le uluaki aso o le vasaa, kua tapono a matapa o le ganea leia na fakatasi ai le kau tisipulo, o tupu ko lolatou i ki le kau Sutea, na au loa Sesu, o tuu i loto malie o latou, o pati kia latou : Ke nofo ia koutou le tokamalie !

Soane 20:26

Sili ni aso e valu, na toe fakatasi le kau tisipulo a Sesu i le fale, ti na nofo Tomasi mo latou. Na au loa Sesu, kae kua tapono a matapa, o tuu i loto malie o latou, o pati : Ke nofo ia koutou le tokamalie !

Soane 5:14

Talu mei ai, na toe maua loa a ia e Sesu i le fale tapu, ti na pati loa a ia kiate ia : Ko leinei kua ke mauli ; aua na ke toe agasala, talie na soko loa kiate koe se nea leia e toe veli oki ake.

Soane 8:11

Na tali loa a ia : Leai, Aliki. Ti na pati loa Sesu kiate ia : E leaise kau fakatuaa foki a koe, ano ti aua na ke toe agasala loa.

Gaoi 10:36

Na kakau e ia le folafola ki vosa o Iselaele, o fakasa kia latou le tokamalie ia Sesu-Kilisito, leia ko le Aliki o tagata fuli.

Gaoi 3:26

Koia na fakatuu ai e le Atua lana tagata fakasausau ko Sesu kia koutou mua, ti kua kakau mai e ia a ia ke tapuaki kia koutou ki le tafoki o le tagata taki toka tasi mei ana agaveli.

Kalate 4:9

kae i le temi nei kua kotou iloa ai le Atua, ti kua iloa foki koutou e le Atua, kolea e kotou toe liliu ai o tausi ki taulaatua gagae mo mativa ana e kotou loto ke kotou toe popula ki ai ?

Efeso 2:17

Ti na au a ia o fakasa le tokamalie kia koutou ala na mamao, ti mo le tokamalie kia latou ala na ofi ;

Lua tosi ki le kau Tesalonika 3:16

Ke alofa le Aliki o le tokamalie o soli totonu kia koutou le tokamalie i temi fuli, i nea fuli ! Ke nofo le Aliki mo koutou fuli !

Lua tosi kia Timoteo 2:19

Kae e tuu mau aifuai le fakatafito makeke leia na teki e le Atua, ti mo folafola anei e fakamaoki ia a ia : E iloa e le Aliki latou ala a ana ; ti e mailoga leia e sua ia le suafa o le Aliki, ke mavae a ia mei le agaveli.

Epelo 12:25

Kotou tokaga ke aua na kotou fakafiti ki leia e masau atu kia koutou ; talie kapau na leaise sao latou ala na fakafiti loa ke logo ki leia na fakasa ia ni folafola i le malama nei, e feaki ake loa ke tou sao mo kapau e tou titua ki leia e masau mei le lagi,

Apokalipisi 3:19

Ko au, e kau valoki ti e kau tautea latou fuli ala e kau alofa ki ai. Koia ke ke loto oli mo ke fakasemala.

Uluaki tosi a Samuele 25:25

Ke aua na tokaga loku aliki ki le tagata agaveli lena, kia Napale, talie e tatau a ia mo lona igoa ; ko Napale lona igoa, ti e maua iate ia se valea. Ti ko au, lau fafine fakasausau, na leaise kau tio ki tagata ala na kakau mai e loku aliki.