Pesalemo 85:4 - Tosi Tapu

⁴ Kua ke too lou sausau katoa, ti kua ke tafoki mei le ulaula o lou sausau.

Pesalemo 85:4 ပူးပေါင်းရင်းမြစ်များ

Pesalemo 25:2

Loku Atua ! e kau fanaki kiate koe ; ke aua na ke tuku au ki le luma ! Ke aua na fiafia oku fili iate au !

Pesalemo 27:1

Pesalemo a Tavite. Ko loku malama mo loku fakamauli ko le Eteleno : Ko ai e kau i loa ki ia ? Ko le tokoi o loku mauli ko le Eteleno : kolea e kau tuania loa ki ia ?

Pesalemo 78:38

Kae, i lona manava alofa, e fakamolemole e ia le agaveli, ti e leaise maumaui e ia. E tau taofi e ia lona sausau, ti e leaise tuku e ia ke vilo lona mamafa katoa.

Pesalemo 80:19

Ti e leaise motou toe fakamamao loa iate koe. Toe fakamauli matou, ti e motou fetapa loa ki lou suafa.

Pesalemo 80:3

I mua o Efalaimi, mo Pesamino, mo Manase, fakasa lou makeke, Ti saele mai o fakamauli matou !

Pesalemo 80:7

E ke fakaliliu matou ko se nea ke visi ai ala e nonofo i omatou tafatafa, Ti e kakata omatou fili kia matou.

Esaia 10:25

Kae, koi toe fai se ga temi ikiiki, Ti e gato loa le tautea, Ti e maliu loa loku sausau kiate ia o tamate a ia.

Esaia 12:1

E ke pati loa i le aso lena : E kau fakafetai kiate koe, Eteleno ! Talie na ke sausau kiate au, Kae kua ke fakamaliu lou ita iate au, ti kua ke fakafimalie au.

Selemia 31:18

E kau logo ki le tagi laulau a Efalaimi : Na ke tautea au, ti na tautea au Ofaipe se uviki pipi leia na leaise ako ke lalata ; Fai ke kau toe liliu, ti e kau toe liliu loa, Talie ko koe ko le Eteleno, loku Atua.

Tagi laulau a Selemia 5:21

Fai ke motou toe liliu mai kiate koe, ei Eteleno, ti e motou toe liliu mai loa ! Toe soli mai kia matou ni aso ofaipe la o le temi mua !

Taniela 9:16

Aliki, o tupu ko lou manava alofa lasi, ke ke fakamaliu kese lou mafaia mo lou sausau mei lou kolo ko Selusalemi, mei lou mauga maokioki ; talie, o tupu ko amatou agasala mo agatuu o omatou tamana, kua luma Selusalemi mo lou kakai i mua o latou ala e takatakai ia matou.

Oseo 11:9

E leaise kau fai loa o mulimuli ki loku sausau kaka, E kau fakafiti ke maumaui Efalaimi ; Talie ko au ko le Atua, kae leai ko se tagata. Ko au ko le Sagato i loto malie o ou ; E leaise kau au loa mo le ita.

Mikea 7:7

Kiate au, e kau maliu loa ki le Eteleno, E kau tuku loa laku amanaki malie ki le Atua o loku fakamauli ; E tali loa loku Atua ki aku kole.

Malakia 4:6

E toe aumai loa e ia le loto o tamana ki alatou fanau, Ti mo le loto o fanau ki olatou tamana, Ti ke aua na kau au o taai le fenua ki le malaia.

Soane 4:22

E kotou atolasio ki le nea leia e leaise kotou iloa ; ko matou, e motou atolasio ki le nea leia e motou iloa, talie e au le fakamauli mei le kau Sutea.

Sosue 7:26

Ti na lotou fakatuu loa i ona aluga se tuuga fatu leia koi sa i le aso nei, ti na tafoki loa le Eteleno mei lona sausau. Koia na fakaigoa ai loa le ganea lena ko le popoko o Akole.