Pesalemo 83:3 - Tosi Tapu

³ Talie ko leinei, kua taugaoi ou fili, Ko latou ala e vesia kiate koe kua malaga olatou ulu ki aluga.

Pesalemo 83:3 ပူးပေါင်းရင်းမြစ်များ

Pesalemo 10:9

E moemoe a ia o leoleo mei lona mumuniaga, ofaipe le laione i lona ana ; E moemoe a ia ke tapo le tagata mativa ; E tapo e ia le mativa i lona kupega.

Pesalemo 2:1

Kolea le logoa lena i atu puleaga, Mo manatu vaiga ana i atu kakai ?

Pesalemo 27:5

Talie e fufu loa e ia au i lona tapenakulo i le aso o le malaia, E fakamumuni loa e ia au i le potu lilo o lona falela. E fakatuu loa e ia au ki aluga o se utu.

Pesalemo 31:20

Io ! E lasi ai lou agamalie, Leia e ke taofi kia latou ala e i kiate koe, Leia e ke fakasa kia latou ala e afa lolatou mumuniaga iate koe Kae tio a vosa o tagata !

Pesalemo 56:6

I aso fuli e lotou fulusi aku masau, Ti e lotou maua ni manatu veveli kiate au.

Pesalemo 64:2

Ei Atua, fakalogo mai ki loku leo, mo ka kau tagi ! Puipui loku mauli i le fili leia e kau i ki ai !

Pesalemo 91:1

Ko leia e nofo i le potu lilo o le Taualuga E malolo i le malu o le Mafimafi.

Ekesote 1:10

Ko leinei, ke tou tokaga kia latou ; ke tou fai ni puleaki ke aua na lotou lasi ake ia tatou, talie na soko loa se tau, ti lotou kau loa mo otatou fili o tau mai kia tatou, ti lotou mavae loa i le fenua.

Kolose 3:3

Talie kua kotou mate, ti kua fufu lokoutou mauli mo Kilisito i le Atua.

Uluaki tosi a Samuele 13:19

Na leaise maua fua se tagata tuki ukamea i le fenua katoa o Iselaele ; talie na pati loa le kau Filisitini : Tou tapono ki le kau Epeleo ke fai ia ni seleta pe ko ni tao.