Pesalemo 83:2 - Tosi Tapu

² Ei Atua, aua na ke nofo fakalologo ! Aua na ke fakaleemu, ti aua na ke malolo, ei Atua !

Pesalemo 83:2 ပူးပေါင်းရင်းမြစ်များ

Lua tosi o Sau 19:28

Talie kua ke itaita kiate au, Ti kua kaku mai ki oku taliga au masau matasoka, E kau tuii loa laku matau ki lou isu, Ti e kau fakagutu loa a koe, Ti e kau toe fakaliliu ia loa a koe i le ala leia na ke au ai.

Pesalemo 109:1

Ki le pule o le kau sua. A Tavite. Pesalemo. Atua o laku fakafetai, aua na ke fakaleemu !

Pesalemo 74:23

Aua na ke galo iate koe a kalaga fia nealasi o ou fili, Mo le maveuveu leia na fai e latou ala na agatuu kiate koe i aso fuli !

Pesalemo 74:4

Na itaita latou ala na vesia kiate koe i lou fale tapu ; Na lotou fakatuu i ai alatou manumanu.

Pesalemo 81:15

I se kemo o le mata, e kau fakaluma ia loa olatou fili, E kau fakamaliu loa loku lima kia latou ala e vesia kia latou.

Pesalemo 93:3

E siki ake e vaitafe, ei Eteleno ! E siki ake e vaitafe olatou leo, E siki ake e vaitafe a gugulu olatou piau.

Esaia 17:12

Oi, kolea le logoa leinei pe ni kakai toka api ! E lotou logoa ofaipe le logoa a le tai. Kolea kua logoa ai a atu puleaga ! Kua lotou gugulu ofaipe le gugulu o ni atu vai makeke.

Esaia 37:23

Ko ai leia na ke gologolo ki ai ti na ke lauveli ki ai ? Ko ai leia na ke masau leo lasi ki ai ? Kua ke siki ou mata ki aluga Ki le Sagato o Iselaele.

Esaia 37:29

Talie kua ke itaita kiate au, Ti kua logo mai au masau matasoka ki oku taliga, E kau tuii loa laku matau ki lou isu, ti mo laku fakagutu ki ou laugutu, Ti e kau toe fakaliliu loa a koe i le ala leia na ke au ai.

Selemia 1:19

E lotou tau loa kiate koe, kae e leaise lotou malo loa iate koe ; talie e pati le Eteleno : E kau nofo mo koe o saofaki a koe.

Mateo 27:24

I le tio a Pilato e leaise malo a ia i se nea fua, kae kua asilisili le maveuveu, na too loa e ia se vai, ti na fanofano loa e ia ona lima i mua o le kakai, o pati : E kau mea i le toto o le tagata agatonu lena. Ko le nea lena a koutou fai a ia.

Gaoi 16:22

Ti na malaga loa le kakai kia latou ; ti na fakatotonu loa e le kau tui fakamaau ke too ola kofu, kae sasa laua ki ni laakau.

Gaoi 17:5

Kae na apele loa le kau Sutea i le finenonofo. Ti na lotou too loa ni tagata noa ala na lotou tae i ala o le kolo, ke tanaki ia ni kakai, ti mo fakatupu ia ni maveuveu i le kolo. Na lotou ano loa ki le fale o Sasone o afa Paulo mo Silasi ke aumai ki mua o le kakai.

Gaoi 21:30

Ti na maveuveu loa le kolo katoa, ti na feoso mai loa le kakai katoa mei potu fuli. Na lotou too loa Paulo, o toso ki fafo mei le fale tapu, kae na lotou tapotapono aifai a matapa.

Gaoi 22:22

Na lotou fakalogo loa kiate ia o kaku ki le masau lena, ti na lotou kalaga leo lasi loa : Ke too mei le kele le tagata lena ! E leaise tonu ke tuku a ia ke mauli.

Gaoi 23:10

I le tupu o le visi o lasi, na i loa le pule lasi o le kau solia, na lotou sae ia Paulo, ti na fakatotonu loa e ia ki le kau solia ke ifo o too ake Paulo meia latou, o ave ki le fale solia.

Tuifakamaau 8:28

Na fakalogo loa Matiane ki fanau a Iselaele, ti na leaise toe malaga loa lona ulu ki aluga. Ti na malolo loa le fenua i le lolotoga o fetuu e kau fa, i le temi katoa o le mauli o Seteone.