Pesalemo 83:18 - Tosi Tapu

¹⁸ Ke lotou luma ti ke lotou i tuumau, Ke lotou laulaunoa ti ke lotou mamate !

Pesalemo 83:18 ပူးပေါင်းရင်းမြစ်များ

Senesi 22:14

Na soli loa e Apalaamo ki le ganea lena le igoa ko Seova-Sile. Koia leia e pati ai i aso nei : I le mauga e soli loa e le Eteleno le nea leia e aoga !

Uluaki tosi o Sau 18:37

Tali mai kiate au, Eteleno, tali mai, o tupu ke iloa e le kakai leinei ko koe Eteleno e ke Atua, ti ko koe leia e peluki ia mai olatou loto !

Lua tosi o Sau 19:19

I le lakaga nei, Eteleno, lomatou Atua ! saofaki matou mei le lima o Sanekelipe, ti ke iloa e puleaga fuli o le kele, ko koe toka tasi ko le Atua, ei Eteleno !

Pesalemo 18:13

I le ao gigila leia na ano i ona mua, na mavae ai ni ao, O laku se ua aisi, mo ni malala kaka.

Pesalemo 35:4

Ke lotou luma ti mo mamae latou ala e loto ki loku mauli ! Ke lotou solomuli, ti ke lotou luma, latou ala e fakakaukau ki loku mate !

Pesalemo 59:13

E agasala olatou gutu i masau fuli o olatou laugutu : Tuku ke tapo latou e le masele o lolatou fia nealasi ! Talie e lotou masau ata ki fakamalaia mo loi.

Pesalemo 9:16

E vivilo a atu puleaga ki le popoko leia na lotou kenu, Ti e visia olatou vae i masele ala na lotou fufu.

Pesalemo 9:2

E kau fakafetai loa ki le Eteleno i loku loto katoa, Ti e kau fakamatala loa au gaoi malilie fuli.

Pesalemo 92:8

Ka tutupu le kau agaveli ofaipe le mutie, Ka se le kau agasala fuli ofaipe sei laakau, Se tupu ke maumaui latou o lee gato.

Pesalemo 97:9

Talie ko koe, Eteleno ! E ke Taualuga i le malama nei katoa, E siki a koe ki aluga o atua fuli.

Ekesote 6:3

Na kau fakasa au kia Apalaamo, mo Isaake mo Sakopo, i loku igoa leia ko le Atua Mafimafi ; kae na leaise lotou iloa au i loku igoa leia ko le Eteleno.

Esaia 42:8

Ko au ko le Eteleno, ko loku igoa a ia ; Ti e leaise kau soli loa loku kololia ki se tasi, Pe ko loku mauiga ki taulaatua.

Esaia 5:16

Kae e siki loa ki aluga le Eteleno o kau tau i lana fakamaau, Ti e fakamaokioki loa le Atua maokioki i le faitotonu.

Esaia 54:5

Talie ko lou tupuaga ko lou avaga : Ko lona igoa ko le Eteleno o kau tau ; Ti ko lou fakamauli ko le Sagato o Iselaele : E igoa a ia ko le Atua o le malama nei katoa ;

Selemia 16:21

Koia ko leinei, e kau fakasa kia latou i le faiaga leinei, E kau fakasa kia latou loku mafimafi mo loku makeke ; Ti e lotou iloa loa ko loku suafa ko le Eteleno.

Esekiele 30:19

E kau fai loa aku fakamaau ki Esipito, Ti e lotou iloa loa ko au ko le Eteleno.

Esekiele 38:23

E kau fakasa loa loku lasi mo loku maokioki, E kau fakasa loa au ki mata o atu puleaga, Ti e lotou iloa loa ko au ko le Eteleno.

Taniela 4:25

E kapu loa a koe mei loto malie o tagata, ti e ke maua loa lou nofoaga i loto malie o manu o faisaga, ti e tuku loa kiate koe se mutie ke kai, ofaipe pipi ; e susu loa a koe i le sasau o le lagi, ti e fakalaka loa a fetuu e fitu iate koe, o kaku ki lau iloa ko le Atua Taualuga leia e pule ki le pule a tagata, ti e soli e ia a ia ki leia e loto a ia ki ai.

Taniela 4:32

E kapu loa a koe mei loto malie o tagata, ti e ke maua loa lou nofoaga o fakatasi mo manu o faisaga, ti e soli loa kiate koe le mutie ke ke kai ofaipe pipi ; ti e fakalaka loa a fetuu e fitu iate koe, o kaku ki lau iloa ko le Atua Taualuga leia e pule ki le pule a tagata, ti e soli e ia a ia ki leia e loto a ia ki ai.

Mikea 4:13

Taine o Sione, tuu ki aluga, ti ke takatakafi ! E kau fai loa kiate koe se tala ukamea mo ni matininia sila, Ti e ke gugu loa ni kakai mauke ; E ke fakatapu loa alatou nea malilie ki le Eteleno, Olatou koloa ki le Aliki o le malama nei katoa.

Sakalia 4:14

Ti na pati mai loa a ia : Ko sa tagata ana e toka lua ala kua fakatapui ke tuu i mua o le Aliki o le malama nei katoa.