Pesalemo 82:8 - Tosi Tapu

⁸ Tuu ki aluga, ei Atua, o fakamaau le malama nei ! Talie a au a atu puleaga fuli.

Pesalemo 82:8 ပူးပေါင်းရင်းမြစ်များ

Pesalemo 102:13

Kae ko koe, Eteleno, e ke sau o lee gato, Ti e fakamanatu lou suafa i tautupu mo tautupu.

Pesalemo 12:5

Mo latou ala e pati : E motou makeke i omatou alelo, E motou popoto i le masau ; Ko ai e pule loa kia matou ?

Pesalemo 2:8

Kole mai kiate au ti e kau soli atu loa kiate koe a atu puleaga ko lou tofiga, Mo potupotu o le kele ma au.

Pesalemo 22:28

E manatu loa potupotu fuli o le malama nei ki le Eteleno, ti e lotou tafoki loa kiate ia. E punou loa famili fuli o atu puleaga i ou mua.

Pesalemo 44:26

Talie kua tonatona omatou laumalie i le efu, Ti kua pipiki omatou tino ki le kele.

Pesalemo 7:6

Ke tuli au e le fili, ti ke tapo au e ia, Ti ke takafi e ia loku mauli ki le kele, Ti ke takafi e ia loku kololia ki le kele ! - Manava

Pesalemo 76:10

I le temi leia na tuu ake ai le Atua o fai le fakamaau, O fakamauli le kau fakaaloalofa fuli o le malama nei. - Manava.

Pesalemo 94:2

Ke ke tuu ki aluga, a koe ko le tui fakamaau o le malama nei ! Ke ke liufaki ki le kau fia nealasi o mulimuli ki alatou gaoi !

Pesalemo 96:13

I mua o le Eteleno ! Talie e au a ia, Talie e au a ia ke fakamaau le malama nei ; E fakamaau loa e ia le malama nei i le faitotonu, Ti mo atu kakai o mulimuli ki lona agatonu.

Esaia 51:9

Ke ke alaala, ke ke alaala, ke ke kofu ki lou makeke, a koe ko le lima o le Eteleno ! Ke ke alaala ofaipe aso i mua, I tautupu afea ! Pe na leaise ko koe leia na tamate ia Esipito, Na sokai ia le talakone ?

Mikea 7:2

Kua puli le tagata agamalie i le fenua, Ti e leaise koi i ai se tagata agatonu i lotolotoga o tagata ; Kua lotou mumuni fuli o lamalama ke liligi le toto, Kua tasi fai e le tagata se masele ki lona taina.

Mikea 7:7

Kiate au, e kau maliu loa ki le Eteleno, E kau tuku loa laku amanaki malie ki le Atua o loku fakamauli ; E tali loa loku Atua ki aku kole.

Sofoni 3:8

Koia e pati ai le Eteleno : Kotou talitali mai la kiate au ! I le aso leia e kau tuu ake ai loa o tanaki le koloa o le tau, Talie kua kau fakapapau ke fakatasi a atu puleaga, Ke fakatasi a atu puleaga sau, O tupu ke kau liligi kia latou loku sausau, Le mamafa katoa o loku ita ; Talie e tutu loa le fenua katoa e le afi o loku finenonofo.

Apokalipisi 11:15

Ti na pupusi loa e le fitu o aselo lana fakatagi pupusi. Ti na i ai loa ni leo makeke i le lagi ala na pati : Ko le puleaga o le malama nei kua tuku ki lotatou Aliki ti mo lona Kilisito ; ti e sau loa a ia i sekulo mo sekulo.