Pesalemo 79:9 - Tosi Tapu

⁹ Ei Atua, ko lomatou fakamauli, tokoi mai kia matou, o tupu ko le kololia o lou suafa ! Saofaki matou, ti fakamolemole kia amatou agasala, o tupu ko lou suafa !

Pesalemo 79:9 ပူးပေါင်းရင်းမြစ်များ

Lua tosi o Koloniko 14:11

Na taai loa e le Eteleno le kau Etiopia i mua o Asa mo Suta, ti na sosola loa le kau Etiopia.

Pesalemo 115:1

Aua na tuku kia matou, Eteleno, aua na tuku kia matou, Kae ki lou suafa ke tuku le kololia, O tupu ko lou agamalie, o tupu ko agatonu !

Pesalemo 25:11

Eteleno, e ke Atua ! Koia e ke fakamolemole ai ki laku agaveli, talie e lasi ai a ia.

Pesalemo 31:3

Tuku mai lou taliga kiate au, fakatavili o saofaki au ! Ke ke fai kiate au pe se utu ulufaga, se kolo tau, Leia e kau maua ai loku fakamauli !

Pesalemo 65:3

Ei koe, leia e fakalogo ki kole ! E au loa tagata fuli kiate koe,

Esaia 43:25

Ko au, ko au leia e soloi ia a agatuu o tupu ko loku alofa kiate au, Ti e leaise kau toe manatui loa au agasala.

Esaia 48:9

Kae o tupu ko loku suafa, e kau taofi loku sausau kiate koe ; O tupu ko loku kololia, e kau taofi loku lima kiate koe, Ke aua na kau tuuti a koe.

Selemia 14:21

Aua na ke fakalialia kia matou, o tupu ko lou suafa, Aua na ke tuku ke kelekele le ekeekeaga fakasau o lou kololia ! Aua na galo iate koe, aua na ke motusi lau sai mo matou !

Selemia 14:7

Kapau kua fakamaoki amatou agaveli kia matou, Kae ko koe, ei Eteleno, gaoi o tupu ko lou suafa ! Talie kua lasi amatou agatuu, Kua motou agasala kiate koe.

Esekiele 20:14

Kae na kau toe fakapoipoi ki loku suafa, o tupu ke aua na fakalialia a ia i mua o puleaga ala na tio ki laku fakamavae latou i Esipito.

Esekiele 20:44

Ti e kotou iloa loa ko au ko le Eteleno, mo ka kau gaoi loa kia koutou, o tupu ko loku suafa, kae e leaise tupu ko akoutou agaveli ti mo akoutou gaoi fakalialia, ei fale o Iselaele ! e pati le Aliki, le Eteleno.

Esekiele 20:9

Kae na kau fakapoipoi ki loku suafa, o tupu ke aua na fakalialia a ia i mua o puleaga ala na lotou nonofo ai, ala na iloa ia laku fakapapau ke fakamavae latou i Esipito.

Taniela 9:19

Aliki, fakalogo ! Aliki, fakamolemole ! Aliki, tokaga ! gaoi, aua na ke toe talitali, o tupu ko lou alofa kiate koe, ei loku Atua ! Talie e kalagai lou suafa i lou kolo ti mo lou kakai.

Taniela 9:9

Kae i tafa o le Aliki, lomatou Atua, e maua ai le manava alofa mo le fakamolemole, talie na motou agatuu kiate ia.

Malakia 2:2

Kapau e leaise kotou fakalogo, kapau e leaise kotou tokaga i lokoutou loto katoa O tuku le kololia ki loku suafa, e pati le Eteleno o kau tau, E kau kakau loa kia koutou le malaia, Ti e kau fakaliliu loa a tapuakina ala na kau fakapapau atu kia koutou ko ni malaia ; Io, e kau fakaliliu loa latou ko ni malaia, talie e leaise kotou tokaga ki ai i lokoutou loto katoa.

Efeso 1:6

ke fakafetai ki le kololia o lona kalasia leia kua soli fakaalofa e ia kia tatou i lona Alo alofaina.

Sosue 7:9

E logo loa le kau Kanaane mo kakai fuli o le fenua leinei ki le nea leinei, ti e lotou fakatasi fuli loa o taui matou ke soloi lomatou igoa i aluga o le fenua ? Ti kolea loa le nea e ke fai ia loa ke fakasa ai lou igoa lasi ?