Pesalemo 79:4 - Tosi Tapu

⁴ Kua motou liliu ko se nea fakalialia kia latou ala i omatou tafatafa, Ko se nea gologolo mo katai kia latou ala e takatakai ia matou.

Pesalemo 79:4 ပူးပေါင်းရင်းမြစ်များ

Uluaki tosi o Sau 9:7

e kau tuuti loa Iselaele mei le fenua leia na kau soli kiate ia, e kau tiaki loa ke mamao meiate au le fale leia na kau fakatapui ki loku suafa, ti e liliu loa Iselaele ko se nea fakagologolo mo fakakatai a puleaga fuli.

Neemia 1:3

Na lotou tali mai loa kiate au : Ko latou ala na toe i le popula e nonofo i le fenua, i se malaia lasi mo se luma lasi ; kua solo a paa fatu o Selusalemi, ti kua tutu ona matapa e le afi.

Neemia 2:19

I le logo ki ai a Sanepala, le tagata Oloni, mo Topisa, lona oloi, le tagata Amone, ti mo Kesemi, le tagata Alape, na lotou kata fakagologolo loa kia matou, ti na lotou vesia loa kia matou. Na lotou pati : Kolea le nea lena e kotou fai ? Pe kotou loto ke kotou agatuu ki le sau ?

Pesalemo 80:6

E ke fagai latou ki le pane o le tagi, E ke fakainu latou ki ni ipu kua apele i loimata.

Pesalemo 89:41

Na ke soloi ki lalo ona paa fuli, Na ke maumaui ona kolo makeke fuli.

Esaia 43:28

Koia na kau fai ai ki pule o le fale tapu pe ni tagata noa, Ti na kau tuku ai Sakopo ki le maumau, Ti mo Iselaele ki lauveli.

Selemia 24:9

E kau fakaliliu loa latou ko se nea fakaii mo se nea fakatupu lauveli ki puleaga fuli o le malama nei, ko se nea fakalumaluma, mo se nea fakagologolo, mo se nea fakakata, ti mo se nea fakatupu malaia i ganea fuli ala e kau kapu loa latou ki ai.

Selemia 25:18

Ki Selusalemi mo kolo o Suta, Ki ona sau mo ona pule, Ke fakaliliu ai latou ko se maumau, Ko se nea fakaaloalofa, ko se nea fakagologolo, ti ko se nea fakamalaia, Ofaipe le nea leia e tio ki ai i le aso nei ;

Selemia 42:18

Talie e folafola le Eteleno o kau tau, le Atua o Iselaele : E kau liligi loa loku sausau kia koutou ofaipe laku liligi a ia ki le kakai o Selusalemi, mo kapau e kotou ano loa ki Esipito ; e kotou liliu loa ko se nea fakalialia, mo fakaii, mo fakatupu malaia, mo fakalumaluma, ti e leaise kotou toe tio loa ki le ganea leinei.

Selemia 51:51

Na motou luma i lamotou logo ki lauveli ; Na apele omatou mata i le luma, I le aso na ulu ni matapule Ki le sagatualio o le fale o le Eteleno.

Tagi laulau a Selemia 1:11

Kua mamae lona kakai katoa, kua afa e ia se pane ; Kua lotou soli alatou nea mauiga ki se nea kai, O tupu ke fakamakeke ai lolatou laumalie. Tio, Eteleno, tio ki loku fakaveliveli !

Tagi laulau a Selemia 5:1

Eteleno, manatui le nea leia kua soko kia matou ! Tokaga, tio mai ki lomatou luma.

Esekiele 22:5

E kakata loa kiate koe latou ala e feofi mo latou ala e mamao, kiate koe leia kua kelekele lou igoa ti kua apele i le mamae.

Esekiele 35:12

E ke iloa loa ko au, le Eteleno, Na kau logo ki lauveli fuli Ala na ke fai ki mauga o Iselaele, O pati : Kua la maumau, Kua tuku mai laua ko se nea kai kia matou.

Esekiele 36:15

E leaise ke toe logo loa ki lauveli a atu puleaga, Ti e leaise ke toe amo loa le luma o atu puleaga ; E leaise ke toe maumaui loa lou puleaga, e pati le Aliki, le Eteleno.

Esekiele 36:3

Kikite, o pati : E folafola le Aliki, le Eteleno : Io, o tupu kua loto mei potu fuli ke maumaui koutou mo folo koutou, Ke kotou liliu ko le kele o ni puleaga kese, O tupu kua kotou liliu ko le nea gologolo mo lauveli a atu kakai,

Taniela 9:16

Aliki, o tupu ko lou manava alofa lasi, ke ke fakamaliu kese lou mafaia mo lou sausau mei lou kolo ko Selusalemi, mei lou mauga maokioki ; talie, o tupu ko amatou agasala mo agatuu o omatou tamana, kua luma Selusalemi mo lou kakai i mua o latou ala e takatakai ia matou.

Sofoni 3:18

E kau fakatasi loa latou ala e loto mamae, o mamao i aso lalasi, Latou ala na mavae mei lou manava, Latou ala e mafaia i le luma.

Sakalia 8:13

Fale o Suta, fale o Iselaele, ofaipe lokoulua liliu ki atu puleaga ko ni nea fakatupu malaia i mua, koia e kau saofaki ai loa koulua ti e kolua liliu loa ko se tapuakina. Aua na kolua i, kae ke kolua fakamakeke okoulua lima !

Tetelonome 28:37

Ti ko puleaga fuli ala e taki loa a koe ki ai e le Eteleno e ofolele loa i le nea leia kua soko kiate koe ; ti e lotou katai loa a koe ti mo lauveli loa kiate koe.