Pesalemo 79:1 - Tosi Tapu

¹ Pesalemo a Asafe. Ei Atua ! kua nofo a atu puleaga i lou tofiga, Kua lotou fakakelekele lou fale tapu maokioki, Kua lotou fakaliliu Selusalemi ko se tuuga fatu.

Pesalemo 79:1 ပူးပေါင်းရင်းမြစ်များ

Lua tosi o Sau 24:13

Na too loa e ia a koloa fuli o le fale o le Eteleno mo koloa o le fale o le sau ; ti na maumaui loa e ia a nea aulo fuli na fai e Salomone, sau o Iselaele, ki le fale tapu o le Eteleno, o mulimuli ki le nea leia na fakasa e le Eteleno.

Lua tosi o Koloniko 36:17

Koia na aumai ai loa e le Eteleno kia latou le sau o le kau Kaletea, ti na tamate loa e ia ki le seleta o lotou kau tupulaga i le fale o lolatou sagatualio ; na leaise fakasao fua e ia se tama pe ko se taine, se tagata atuatu pe ko se matua sina ; na tuku loa e ia a nea fuli ki ona lima.

Lua tosi o Koloniko 36:19

Na lotou tutu loa le fale o le Atua, na lotou maumaui loa a paa o Selusalemi, na lotou tuku loa ki le afi a nea fuli o ona fale sau mo maumaui loa a nea mauiga fuli.

Pesalemo 50:1

Pesalemo a Asafe. Atua, Atua, le Eteleno, ke ke folafola, ti ke ke fakatasi le malama nei, Mei le sopoaga o le laa ki le galoaga o le laa.

Pesalemo 78:71

Na too loa e ia a ia i muli o ovi fafine ala na fakau ia olatou uviki, O tupu ke tausi e ia Sakopo, lona kakai, Ti mo Iselaele, lona tofiga.

Ekesote 15:17

E ke aumai loa latou ti e ke fakanofo loa latou i le mauga o lou tofiga, I le ganea leia na ke teuteui ko lou nofolaga, oi Eteleno ! I le sagatualio, Aliki ! leia na fakatuu e ou lima.

Esaia 47:6

Na kau ita ki loku kakai, Ti na kau fakakelekele loku tofiga ; Ti na kau tuku latou ki ou lima : Kae na leaise ke maua fua kia latou se manava alofa, Ti na ke fakamamafa lau laakau ki le matua.

Esaia 63:18

Na maua e lou kakai maokioki le fenua i se ga temi toetoe fua ; Na takatakafi e omatou fili lou sagatualio.

Selemia 26:18

Na kikite a Mikea, mei Moleseti, i le temi o Esekiasi i Suta, ti na pati a ia ki le kakai katoa o Suta : E folafola le Eteleno o kau tau : E fakamalu loa Sione ofaipe se faisaga, E liliu loa Selusalemi ko se tuuga fatu, Ti mo le mauga o le fale ko se ulu vao lalasi.

Selemia 39:8

Ti na tutu loa e le kau Kaletea ki le afi le fale o le sau mo fale o le kakai, ti na lotou maumaui loa a paa o Selusalemi.

Selemia 51:51

Na motou luma i lamotou logo ki lauveli ; Na apele omatou mata i le luma, I le aso na ulu ni matapule Ki le sagatualio o le fale o le Eteleno.

Selemia 52:13

Na tutu loa e ia ki le afi le fale o le Eteleno, mo le fale o le sau, mo fale fuli o Selusalemi ; kae tafito a fale o latou fuli ala na mauiga.

Tagi laulau a Selemia 1:10

Na falo e le tagata fakaveliveli lona lima Ki nea mauiga fuli na maua e ia ; Na tio a ia ki le ulu o atu puleaga ki lona sagatualio, Ala na ke tapui ki ai ke ulu ki lau fakatasiga.

Esekiele 9:7

Na pati loa a ia kia latou : Kotou fakakelekele le fale tapu, kotou fakaapele ona malae ki mate !… Kotou ulu ki fafo !… Na lotou ulu loa ki fafo, ti na lotou taai loa le kolo.

Mikea 3:12

Koia leia, o tupu ko koutou, E kenu ai loa Sione ofaipe se faisaga, E liliu ai loa Selusalemi ko se tuuga fatu, Ti mo le mauga o le fale tapu ko se tumutumu apele i le vao.

Luka 21:24

E tamate loa latou ki ni seleta, ti e ave loa latou o fakapopulai i puleaga fuli, ti e takatakafi loa Selusalemi e puleaga pagani, o kaku ki le katoa o le temi o puleaga.

Apokalipisi 11:2

Kae ko le lotoa takatakai o le fale tapu, ke ke tuku kese a ia, aua na ke fuafua a ia ; talie kua tuku a ia ki kakai pagani, ti e lotou takatakafi loa le kolo tapu ki olatou vae i masina e kau fa tupu lua.