Pesalemo 78:8 - Tosi Tapu

⁸ O tupu ke aua na lotou faipe olatou tamana, Se lanu patigataa mo agatuu, Se lanu leia na leaise tuu mau lona loto, Ti na leaise agatonu lona laumalie ki le Atua.

Pesalemo 78:8 ပူးပေါင်းရင်းမြစ်များ

Lua tosi o Sau 17:14

Kae na leaise lotou fakalogo fua, ti na lotou fakafefeka loa olatou ua ofaipe olatou tamana, ala na leaise tui ki le Eteleno, lolatou Atua.

Lua tosi o Koloniko 12:14

Na fai loa e ia le nea e veli, talie na leaise afa loa e ia le Eteleno i lona loto katoa.

Lua tosi o Koloniko 19:3

Kae na maua e ia iate koe ni nea malilie, talie na ke fakapuli i le fenua a taulaatua, ti na ke afa le Atua i lou loto katoa.

Lua tosi o Koloniko 20:33

Kae na leaise puli loa a ganea taualuga, ti na leaise pipiki makeke foki le loto o le kakai ki le Atua o olatou tamana.

Lua tosi o Koloniko 30:19

o fakamolemole kia latou fuli ala na afa ia le Eteleno, le Atua o olatou tamana, i lolatou loto katoa logo ai na leaise lotou fai le fakamea taputapu !

Lua tosi o Koloniko 30:7

Aua na kotou faipe okoutou tamana mo okoutou fetaina, ala na agasala ki le Eteleno, le Atua o okoutou tamana, ti na tuku e ia ki le malaia ofaipe le nea leia e kotou tio ki ai.

Sopo 11:13

Kiate koe, tuku lou loto ki le Atua, Falo ou lima kiate ia,

Pesalemo 106:7

Na leaise tokaga loa omatou tamana i Esipito ki au milakulo, Na leaise lotou toe manatui loa le lasi o ou kalasia, Na lotou agatuu loa kiate koe o ofi ki le tai, o ofi ki le Tai Kula.

Pesalemo 68:6

Ko le tamana o fanau sala matua, ko le tausi o fafine sala avaga, Ko le Atua i lona nofoaga maokioki.

Pesalemo 78:37

Na leaise maoki olatou loto kiate ia, Ti na leaise lotou agatonu ki lana sai.

Pesalemo 78:40

Na tua fia lalatou agatuu kiate ia i le toafa ! Na tua fia lalatou fakatupu ia lona sausau i le potu lavaki !

Pesalemo 78:56

Kae na lotou asiasii loa le Atua taualuga, ti na lotou agatuu loa kiate ia, Na leaise lotou tausi loa ana fakatotonu.

Ekesote 32:9

Ti na pati loa le Eteleno kia Moisese : E kau tio ko le kakai lena ko se kakai ua fefeka.

Ekesote 33:3

Pale ki le fenua lena leia e tafe ai le sua manu mo le meli. Kae e leaise kau pale loa i loto malie o ou, talie ke aua na kau fakapuli ia loa a koe i le ala, talie ko se kakai ua fefeka a koe.

Ekesote 33:5

Ti na pati loa le Eteleno kia Moisese : Pati ki fanau a Iselaele : Ko se kakai ua fefeka koutou ; kapau e kau ano i se ga temi ikiiki fua i loto malie o koutou, e kau fakapuli loa koutou. Koia ke kotou tatala ai okoutou nea fakateuteu, ti e kau tio loa pe kolea le nea leia e kau fai loa kia koutou.

Ekesote 34:9

Ti na pati loa a ia : Aliki, kapau kua kau maua se kalasia i ou mua, ti ke saele le Aliki i loto malie o matou, talie ko se kakai ua fefeka a ia ; fakamolemole ki amatou agasala mo amatou agaveli, ti ke too matou ko lou tofiga.

Esaia 30:9

Talie ko se kakai agatuu, Ko ni fanau gutu loiloi, Ko ni fanau ala e leaise fia logo ki le lao a le Eteleno,

Esekiele 20:18

Na kau pati loa ki olatou vosa i le toafa : Aua na kotou mulimuli ki lekula o okoutou tamana, ti aua na kotou taupau alatou agai fenua, ti aua na kotou fakakelekele koutou ki olatou taulaatua !

Esekiele 20:8

Ti na lotou agatuu kiate au, ti na leaise lotou fia fakalogo kiate au. Na leaise tiaki e se tasi fua a nea fakalialia ala na pipiki ki ai ona mata, ti na leaise lotou tiaki fua a taulaatua o Esipito. Na kau maua loa le manatu ke liligi loku sausau kia latou, ke fakavilo kia latou loku sausau katoa, i loto malie o le fenua ko Esipito.

Gaoi 11:23

I lana kaku ki ai, o tio ki le kalasia o le Atua, na fiafia loa a ia, ti na ako loa e ia latou fuli ke lotou pipiki mau ki le Aliki.

Gaoi 7:51

Tagata ulu fefeka, mo lee silikosisio i le loto mo le taliga ! E kotou fakafesagai tuumau ki le Laumalie Maokioki, koutou ofaipe okoutou tamana.

Tetelonome 31:27

Talie e kau iloa lou loto fefeka, mo le fefeka o lou ua. Kapau na kotou fakafesagai ki le Eteleno i le temi leia na kau mauli ai mo koutou, e feaki ake loa i le oki o loku mate !

Tetelonome 4:4

Kae ko koutou, ala na pipiki loa ki le Eteleno, lokoutou Atua, koi kotou mauli fuli i le aso nei.

Tetelonome 9:13

Na pati mai loa le Eteleno kiate au : E kau tio ko le kakai leinei ko se kakai ua fefeka.

Tetelonome 9:24

E talu laku iloa koutou, mo lakotou fakatutuu tuumau ki le Eteleno.

Sosue 22:15

Na lotou ano loa ki le fenua o Kalaate ki vosa o Lupeni, mo vosa o Kate, ti mo vosa o le vaelua o Manase, ti na lotou masau loa, o pati :

Uluaki tosi a Samuele 8:8

E lotou fai kiate koe ofaipe lalatou fai tuumau talu mei le aso leia na kau fakamavae ai latou i Esipito o kaku mai ki le aso nei ; na lotou tiaki au kae lotou tausi ki ni iki atua kese.